ಅಯ್ಯಯ್ಯೋ.. ಸಿತಾರ ದೇವಿಗೆ 'ಅವನಿ' ಆಪರೇಶನ್ ವಿಷಯ ಗೊತ್ತಾಗೋಯ್ತು.!

ದಿನಕರ್ ಪ್ಲಾನ್ ಫ್ಲಾಪ್ ಆಯ್ತು.!

'ಅವನಿ'ಗೆ ಆಪರೇಶನ್ ಮಾಡುವ ಮುನ್ನ ಒಪ್ಪಿಗೆ ಪತ್ರಕ್ಕೆ ತಾನೇ ಸಹಿ ಹಾಕಬೇಕು ಎಂದು ದಿನಕರ್ ಪ್ಲಾನ್ ಮಾಡಿದ್ದರು. ಯಾರಿಗೂ ವಿಷಯ ತಿಳಿಸದೆ ಆಸ್ಪತ್ರೆಗೆ ಹೋಗುತ್ತಿದ್ದರೂ, ದಿನಕರ್ ಕಾರ್ ನ ರಮಣ್ ಫಾಲೋ ಮಾಡ್ತಿದ್ರು. ರಮಣ್ ಫಾಲೋ ಮಾಡ್ತಿರೋದು ಗೊತ್ತಾದ್ಮೇಲೆ, 'ಅವನಿ'ಗೆ ಆಪರೇಶನ್ ನಡೆಯುವ ಸಂಗತಿ ರಮಣ್ ಗೆ ತಿಳಿಯಬಾರದು ಅಂತ ಆಸ್ಪತ್ರೆಗೆ ಹೋಗದೆ, ಬಂದ ದಾರಿಯಲ್ಲೇ ದಿನಕರ್ ವಾಪಸ್ ತೆರಳಿದರು. ಅಲ್ಲಿಗೆ, ದಿನಕರ್ ಪ್ಲಾನ್ ಎಲ್ಲ ತಲೆಕೆಳಗಾಯಿತು.

'ರಾಧಾ ರಮಣ' ಧಾರಾವಾಹಿಯಲ್ಲಿ ಇಂದು ರೋಚಕ ತಿರುವು: 'ಅವನಿ'ಗೆ ಏನಾಗುತ್ತೋ, ಏನೋ?

ಒಪ್ಪಿಗೆ ಪತ್ರಕ್ಕೆ ಸಹಿ ಹಾಕಿದ ದೀಪಿಕಾ

'ಅವನಿ' ಆಪರೇಶನ್ ಗೆ ಸಮ್ಮತಿ ಸೂಚಿಸಿ, ಒಪ್ಪಿಗೆ ಪತ್ರಕ್ಕೆ ದೀಪಿಕಾ ಸಹಿ ಹಾಕಿದ್ದಾಯ್ತು. ಆಪರೇಶನ್ ಕೂಡ ಶುರುವಾಯ್ತು. ಅಲ್ಲಿಗೆ, ಎಲ್ಲವೂ ಪ್ಲಾನ್ ಪ್ರಕಾರ ನಡೆಯುತ್ತಿದೆ ಅಂತ ದೀಪಿಕಾ ನಿಟ್ಟುಸಿರು ಬಿಡುತ್ತಿರುವಾಗಲೇ, ಆಸ್ಪತ್ರೆಯಲ್ಲಿ ಸಿತಾರ ದೇವಿ ಪ್ರತ್ಯಕ್ಷ.!

ಕೂಗಾಡಿದ ಸಿತಾರ ದೇವಿ

ಫೋನ್ ಮಾಡಿದ್ರೆ, ಸರಿಯಾಗಿ ಉತ್ತರ ಕೊಡಲ್ಲ, ಸುಳ್ಳು ಹೇಳುತ್ತಿದ್ದಾನೆ ಎಂಬ ಕಾರಣಕ್ಕೆ ವಿನಯ್ ಮೇಲೆ ಸಿತಾರ ದೇವಿ ಕೂಗಾಡಿದರು. ಇದೇ ಗ್ಯಾಪ್ ನಲ್ಲಿ 'ಅವನಿ'ಗೆ ಆಪರೇಶನ್ ನಡೆಯುತ್ತಿರುವ ಸತ್ಯ ಕೂಡ ಸಿತಾರ ದೇವಿಗೆ ಗೊತ್ತಾಗ್ಹೋಯ್ತು.!

ದೀಪಿಕಾ ವಿಲ ವಿಲ.!

ಯಾವುದು ಆಗಬಾರದು ಅಂತ ದೀಪಿಕಾ ದೇವರಲ್ಲಿ ಬೇಡಿಕೊಳ್ತಿದ್ಲೋ, ಅದು ಆಗೇ ಹೋಯ್ತು. ಸಿತಾರ ದೇವಿಗೆ 'ಅವನಿ' ಆಪರೇಶನ್ ಬಗ್ಗೆ ಗೊತ್ತಾಯ್ತು. ಮುಂದೇನು ಮಾಡೋದು ಅಂತ ದೀಪಿಕಾ ತಲೆ ಕೆಡಿಸಿಕೊಂಡಿದ್ದಾಳೆ. ಇತ್ತ ರಾಧಾ ಟೀಚರ್ ಗೆ ದೇವಸ್ಥಾನದಲ್ಲಿ 'ಅವನಿ' ಬಗ್ಗೆ ಗೊತ್ತಿರುವ ಡಾಕ್ಟರ್ ಸಿಕ್ಕಿದ್ದಾರೆ. ಮುಂದೇನಾಗುತ್ತೋ, ಆ 'ಗಣೇಶ'ನೇ ಬಲ್ಲ.