twitter
    For Quick Alerts
    ALLOW NOTIFICATIONS  
    For Daily Alerts

    ದಿಗಂತ್-ಐಂದ್ರಿತಾ ಮದುವೆ ಯಾವಾಗ ಗೊತ್ತೇ?

    |
    <ul id="pagination-digg"><li class="next"><a href="/tv/zee-kannada-ragale-with-rishika-talk-show-067955.html">Next »</a></li></ul>

    Diganth Aindrita Ray
    ಜೀ ಕನ್ನಡ ವಾಹಿನಿಯಲ್ಲಿ ನಿನ್ನೆ (08 ಸೆಪ್ಟೆಂಬರ್ 2012) ಪ್ರಸಾರವಾದ 'ರಗಳೆ ವಿಥ್ ರಿಷಿಕಾ' 'ಟಾಕ್ ಶೋ' ನಲ್ಲಿ ಸ್ಯಾಂಡಲ್ ವುಡ್ ಹೆಸರಾಂತ ಗಾಸಿಪ್ ಜೋಡಿ ದಿಗಂತ್ ಹಾಗೂ ಐಂದ್ರಿತಾ ರೇ ಭಾಗವಹಿಸಿದ್ದರು. ನಿನ್ನೆಯಿಂದ ಪ್ರಾರಂಭವಾಗಿರುವ ಈ ಶೋಗೆ ಮೊಟ್ಟಮೊದಲ ಜೋಡಿಯಾಗಿ ಕನ್ನಡದ ಹುಡುಗ ;ದೂದ್ ಪೇಡಾ ದಿಗಂತ್; ಹಾಗೂ ;ಬೆಂಗಾಳಿ ಬೆಡಗಿ ಐಂದ್ರಿತಾ ರೇ' ಭಾಗವಹಿಸಿರುವ ಕಾರ್ಯಕ್ರಮವನ್ನು ನಟಿ ರಿಷಿಕಾ ಸಿಂಗ್ ನಡೆಸಿಕೊಟ್ಟರು.

    ನಿನ್ನೆ, ಶನಿವಾರ ರಾತ್ರಿ 8-00 ಗಂಟೆಗೆ ಪ್ರಸಾರವಾದ ಈ ಶೋದಲ್ಲಿ ದಿಂಗತ್-ಐಂದ್ರಿತಾ ಜೋಡಿ ಪಕ್ಕಾ ಪ್ರಣಯ ಪಕ್ಷಿಗಳಂತೆ ಪ್ರೇಕ್ಷಕರಿಗೆ ಫೋಸ್ ನೀಡಿದರು. ಯಾವುದೇ ವೈಯಕ್ತಿಕ ಪ್ರಶ್ನೆಗೆ ಅಂಜದೇ ಅಳುಕದೇ ಈ ಜೋಡಿ ನೀಡಿದ 'ಬಿಂದಾಸ್' ಉತ್ತರ ಕೇಳಿ ಪ್ರೇಕ್ಷಕರು ಅಚ್ಚರಿಗೊಳ್ಳುವುದರ ಜೊತೆಗೆ ಬೆಚ್ಚಿಬಿದ್ದರು. ಕೆಲವರು ರೋಮಾಂಚನ ಅನುಭವಿಸಿರಲಿಕ್ಕೂ ಸಾಕು! ಬಿಂದಾಸ್ ಆಗಿ ಬಂದು ಮಾತನಾಡಿ ಈ ಜೋಡಿ ಹರಡಿರುವ 'ಗಾಸಿಪ್'ಗೆ ಸಾಕ್ಷಿಯೆಂಬಂತೆ ನಡೆದುಕೊಂಡರು.

    ನಿಮ್ಮಬ್ಬರ ಮದುವೆ ಯಾವಾಗ ಎಂಬ ರಿಷಿಕಾ ಪ್ರಶ್ನೆಗೆ ಸ್ವತಃ ದಿಗಂತ್ "2015 ರಲ್ಲಿ ನಮ್ಮಿಬ್ಬರ ಮದುವೆ ನಡೆಯಲಿದೆ" ಎಂಬ ದಿಟ್ಟ(!) ಕೊಟ್ಟರು. ಅದನ್ನು ಅನುಮೋದಿಸಿ ನಕ್ಕರು ಬೆಳದಿಂಗಳಿನಂತಹ ಬಾಲೆ ಐಂದ್ರಿತಾ. ದಿಗಂತ್ ಊರಿಗೆ ತಾವು ಹೋದಾಗಿನ ಅನುಭವವನ್ನು 'ಸೂಪರ್' ಎಂದು ಐಂದ್ರಿತಾ ವಿವರಿಸಿದರೆ ಐಂದ್ರಿತಾ ಊರಿಗೆ ಹೋದಾಗಿನ ಅನುಭವ 'ಸಖತ್' ಆಗಿತ್ತು ಎಂದು ದಿಗಂತ್ ಬಣ್ಣಿಸಿದ್ದು ಪ್ರೇಕ್ಷಕರ ಗಮನಸೆಳೆಯುವಂತಿತ್ತು.

    ಚಿತ್ರರಂಗದಲ್ಲಿ 'ಗಾಸಿಪ್'ಗಳು ಸರ್ವೆ ಸಾಮಾನ್ಯ. ಹಾಗಂತೆ, ಹೀಗಂತೆ, ಹೇಗೇಗೋ ಅಂತೆ, ಈ ರೀತಿ ನಾನಾ ತರದ ಗಾಳಿ ಸುದ್ದಿಗಳು ಗಾಂಧಿನಗರದಲ್ಲಿ ಯಾವಾಗಲೂ ಹರಿದಾಡುತ್ತಿರುತ್ತವೆ. ಆದರೆ ನಿಜ ವಿಷಯ ಬೇರೆಯದೇ ಇರುತ್ತದೆ. ಆದರೆ ಅದನ್ನು ಜನರಿಗೆ ಸಕಾಲಕ್ಕೆ ತಲುಪಿಸುವುದು ಎಷ್ಟೋ ವೇಳೆ ಸಾಧ್ಯವಾಗುವುದಿಲ್ಲ. ಈ ಸುದ್ದಿಗಳಿಗೆ ಸಂಬಂಧಪಟ್ಟವರು ತಮ್ಮ ಅಭಿಪ್ರಾಯವನ್ನು ನೇರವಾಗಿ ಜನರಿಗೆ ತಿಳಿಸುವುದಕ್ಕೆ ವೇದಿಕೆ ಜೀ ಕನ್ನಡದ ಈ ಟಾಕ್ ಶೋ 'ರಗಳೆ ವಿತ್ ರಿಷಿಕಾ.'

    ಶೋ ಉದ್ದೇಶಕ್ಕೆ ಸಂಬಂಧಿಸಿದಂತೆ ಈ ಮೊದಲೇ ರಿಷಿಕಾ ಸಿಂಗ್ "ಹುಟ್ಟಿದಾಗಿನಿಂದಲೂ ಚಿತ್ರರಂಗದ ನಂಟಿನಲ್ಲೇ ಬೆಳೆದ ನಾನು ಎಲ್ಲಾ ಕಲಾವಿದರನ್ನು ತುಂಬಾ ಹತ್ತಿರದಿಂದ ಕಂಡವಳು. ಹೀಗಾಗಿ ಗಾಸಿಪ್ ಗಳಿಗೆ ಆಹಾರವಾದ ಕೆಲವು ಕಲಾವಿದರನ್ನು ನನ್ನ ಟಾಕ್ ಷೋನಲ್ಲಿ ಕರೆಸಿ ಅವರ ಜೊತೆ ಕೆಲ ಹೊತ್ತು ಹರಟೆ, ಮಾತುಕತೆ ನಡೆಸುವುದೇ ಈ ಕಾರ್ಯಕ್ರಮದ ಮುಖ್ಯ ಉದ್ದೇಶ. ಮುಂದಿನ ಪುಟ ನೋಡಿ...

    <ul id="pagination-digg"><li class="next"><a href="/tv/zee-kannada-ragale-with-rishika-talk-show-067955.html">Next »</a></li></ul>

    English summary
    Ragale With Rishika, a different Talk Show starts in Zee Kannada on 8th September 2012 at Saturday and Sunday, 8-00 to 9-00 PM. Actress Rishika Singh to lead the Talk Show. &#13; &#13;
    Sunday, September 9, 2012, 17:10
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X