ಗಾಯಕಿ ರೆಮೋ ಪುತ್ರಿ ಎಸ್‌ಎಸ್‌ಎಲ್‌ಸಿಯಲ್ಲಿ ಪಡೆದ ಅಂಕ ಎಷ್ಟು? ಪುತ್ರಿ ಸಾಧನೆ ಖುಷಿ ಪಟ್ಟ ಅಮ್ಮ!

ರೆಮೋ ಪುತ್ರಿ ಪಡೆದ ಅಂಕವೆಷ್ಟು?

ರೆಮೋ ಇಷ್ಟು ದಿನ ಕಾಮಿಡಿ ಹಾಗೂ ರಿಯಾಲಿಟಿ ಶೋಗಳಲ್ಲಿ ಜನರನ್ನು ರಂಜಿಸಿದ್ದಾರೆ. ಕಿರುತೆರೆ ವೀಕ್ಷಕರನ್ನು ಗಾಯನದಿಂದ ಹಾಗೂ ಹಾಸ್ಯದಿಂದ ರಂಜಿಸಿದ್ದವರು ಕಳೆದೊಂದು ವಾರದಿಂದ ಫುಲ್ ಖುಷಿಯಲ್ಲಿದ್ದಾರೆ. ಅದಕ್ಕೆ ಕಾರಣ ಅವರ ಪುತ್ರಿ ಎಸ್‌ಎಸ್‌ಎಲ್‌ಸಿಯಲ್ಲಿ ಪಡೆದ ಅಂಕಗಳು. ಹೌದು, ರೆಮೋ ಪುತ್ರಿ ಮೇಧಿನಿ ಈ ವರ್ಷ ಎಸ್‌ಎಸ್‌ಎಲ್‌ಸಿಯಲ್ಲಿ ಉತ್ತಮ ಅಂಕಗಳನ್ನು ಪಡೆದಿದ್ದು, ಶೇ. 87ರಷ್ಟು ಅಂಕ ಗಳಿಸಿದ್ದಾರೆ. ಮಗಳು ಈ ಸಾಧನೆಗೆ ರೆಮೋ (ರೇಖಾ ಮೋಹನ್) ಫುಲ್ ಖುಷಿಯಾಗಿದ್ದಾರೆ.

ಮಗಳಿಗೆ ರೆಮೋ ಹೇಳಿದ್ದೇನು?

ಮೇಧಿನಿ ಸಾಧನೆಗೆ ರೆಮೋ ಆರು ದಿನಗಳ ಹಿಂದೆ ಇನ್‌ಸ್ಟಾಗ್ರಾಂನಲ್ಲಿ ಹರ್ಷ ವ್ಯಕ್ತಪಡಿಸಿದ್ದಾರೆ. " ನನ್ನ ವಜ್ರ ನೀನು. ಇಂದು ನಾನು ಹೆಮ್ಮೆ ಪಡುವಂತೆ ಮಾಡಿದ್ದೀಯಾ. ನೀನು 10ನೇ ತರಗತಿಯಲ್ಲಿ ಶೇ.87ರಷ್ಟು ಅಂಕಗಳಿಸಿದ್ದು ನನಗೆ ಜಗತ್ತನ್ನೇ ಗೆದ್ದಂತಾಗಿದೆ. ಯಾರ ಜೀವನವೂ ಸುಲಭವಾಗಿರಲ್ಲ. ಅಂತೆಯೇ ನಮ್ಮ ಬದುಕು ಕೂಡ ಸುಲಭ ಆಗಿರಲಿಲ್ಲ. ಡಾರ್ಲಿಂಗ್ ನಿನ್ನ ಕಠಿಣ ಪರಿಶ್ರಮದಿಂದ ನಿನಗೆ ಫಲ ಸಿಕ್ಕಿದೆ. ನಿನ್ನ ಮೊದಲ ಗೆಲುವು ನಿನ್ನ ಕನಸುಗಳನ್ನು ನನಸಾಗಿಸಲು ಸ್ವಾಗತ ಕೋರುತ್ತಿದೆ." ಮಗಳಿಗೆ ಸಾಧನೆಗೆ ಹರ್ಷ ವ್ಯಕ್ತಪಡಿಸಿದ್ದರು.

ಮಧೀನಿಗೆ ಶುಭಾಶಯಗಳ ಮಹಾಪೂರ

ರೆಮೋ ಇನ್‌ಸ್ಟಾಗ್ರಾಂ ಪೋಸ್ಟ್‌ಗೆ ಸೋಶಿಯಲ್ ಮೀಡಿಯಾದಲ್ಲಿ ಕಿರುತೆರೆ ಸೆಲೆಬ್ರೆಟಿಗಳು ಶುಭಕೋರಿದ್ದಾರೆ. ಕಿರುತೆರೆ ನಟಿ ಶಾಲಿನಿ, ಗಾಯಕಿ ವಾಣಿ ಹರಿಕೃಷ್ಣ, ನಟಿ ಶ್ವೇತಾ ಸೇರಿದಂತೆ ಹಲವು ಮಂದಿ ಶುಭಕೋರಿದ್ದಾರೆ. ಅಮ್ಮನ ಪ್ರೋತ್ಸಾಹಕ್ಕೆ, ಮಗಳ ಸಾಧನೆಯನ್ನು ಹೊಗಳಿ ಕೊಂಡಾಡಿದ್ದಾರೆ.

ಮಹತಿ ಸಾಧನೆ ಮೆಚ್ಚಿದ ಫ್ಯಾನ್ಸ್

ಮಹತಿ ವೈಷ್ಣವಿ ಭಟ್ ಓದುತ್ತಲೇ ಧಾರಾವಾಹಿಯಲ್ಲೂ ನಟಸಿದ್ದರು. ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ 'ಗಟ್ಟಿಮೇಳ' ಧಾರಾವಾಹಿಯಲ್ಲಿ ಮಹತಿ ಕೊನೆಯ ತಂಗಿಯ ಪಾತ್ರವನ್ನು ನಿಭಾಯಿಸುತ್ತಿದ್ದರು. ಆದರೆ ಕೆಲವು ದಿನಗಳಿಂದ ಮಹತಿ ಪಾತ್ರಧಾರಿ ಕಾಣಿಸುತ್ತಿರಲಿಲ್ಲ. ಅದಕ್ಕೆ ಕಾರಣ ಮಹತಿಯ ಪರೀಕ್ಷೆಯಾಗಿತ್ತು. ಸದ್ಯ ಪರೀಕ್ಷೆಯೂ ಮುಗಿದು, ಫಲಿತಾಂಶವೂ ಬಂದಿದೆ. ಮಹತಿ ಕೂಡ ಶೇ.99ರಷ್ಟು ಅಂಕ ಗಳಿಸುವ ಮೂಲಕ ಸಾಧನೆ ಮಾಡಿದ್ದಾರೆ.