ರಿಷಿಕಾ ಸಿಂಗ್ ಹೇಳಿದ 'ತುಂತುರು' ಸಿನಿಮಾ ಕಥೆ

*'ರಗಳೆ ವಿತ್ ರಿಷಿಕಾ ಶೋ' ಒಟ್ಟೂ ಎಷ್ಟು ಸಂಚಿಕೆಯಲ್ಲಿ ಮೂಡಿ ಬರಲಿದೆ?

ಇಂತಿಷ್ಟೇ ಸಂಚಿಕೆ ಎಂದು ನಿರ್ಧರಿಸಿಲ್ಲ. ಕಲಾವಿದರ ಲಭ್ಯತೆ, ಜೀ ವಾಹಿನಿಯಲ್ಲಿ ಇದಕ್ಕಿರುವ ಅವಕಾಶ, ಅನುಕೂಲ-ಅನಾನುಕೂಲ ಹಾಗೂ ನನ್ನ ಕಾಲ್ ಶೀಟ್ ಹೀಗೆ ಎಲ್ಲವನ್ನೂ ನೋಡಿಕೊಂಡು ಸದ್ಯಕ್ಕೆ ಕಾರ್ಯಕ್ರಮ ಮಾಡುತ್ತಿದ್ದೇನೆ. ಒಮ್ಮೆ ಸ್ಟಾಪ್ ಆದರೂ ನಂತರ ಮುಂದೆ ಇದನ್ನೇ ಭಾಗ 2, 3 ರ ಮೂಲಕ ಮಾಡುವ ಯೋಚನೆಯೂ ನನಗಿದೆ.

*ರಗಳೆ ನಿರೂಪಣೆಯಲ್ಲೇನಾದರೂ ಬದಲಾವಣೆ ಆಗಲಿದೆಯೇ?

ಇಲ್ಲ, ಈಗಿರುವ ನಿರೂಪಣೆ ಶೈಲಿಯೇ ಮುಂದುವರಿಯಲಿದೆ. ನಿರೂಪಣೆ ಚೆನ್ನಾಗಿದೆ ಎಂದು ಎಲ್ಲರೂ ಹೇಳುತ್ತಿರುವಾಗ ಸದ್ಯಕ್ಕೆ ನಾನೇಕೆ ಬದಲಾಯಿಸಲಿ! ಆದರೆ ಮುಂದೊಂದು ದಿನ ಏಕತಾನತೆ ಕಾಡುತ್ತಿದೆ ಎಂಬ ಅನಿಸಿಕೆ ಬಂದಾಗ ಖಂಡಿತ ಆ ಬಗ್ಗೆ ಯೋಚಿಸಿ ಕ್ರಮ ಕೈಗೊಳ್ಳುತ್ತೇನೆ.

*ಅಂದಹಾಗೆ, ನಿಮ್ಮ 'ತುಂತುರು' ಸಿನಿಮಾ ಬಿಡುಗಡೆ ಯಾವಾಗ?

ಬಿಡುಗಡೆ ಬಗ್ಗೆ ಸದ್ಯಕ್ಕೆ ಏನೂ ಮಾಹಿತಿ ಹೇಳಲಾರೆ. ಆದರೆ ಚಿತ್ರದ ಬಗ್ಗೆ ಹೇಳಬಲ್ಲೆ... ಟ್ರೈಲರ್ ಬಿಡುಗಡೆಯಾಗಿದೆ. ವಿಭಿನ್ನವಾಗಿದೆ, ಸಖತ್ ಚೆನ್ನಾಗಿದೆ ಎಂಬ ಅಭಿಪ್ರಾಯ ವೀಕ್ಷಕರಿಂದ ವ್ಯಕ್ತವಾಗುತ್ತಿದೆ.

* ಓಕೆ, 'ತುಂತುರು' ಚಿತ್ರ ಹಾಗೂ ನಿಮ್ಮ ಪಾತ್ರದ ಬಗ್ಗೆ ಹೇಳಿ...

'ತುಂತುರು' ಚಿತ್ರದಲ್ಲಿ ನಟ, ನಿರ್ಮಾಪಕ ಹಾಗೂ ನಿರ್ದೇಶಕ ರಮೇಶ್ ಅರವಿಂದ್, ಅನು ಪ್ರಭಾಕರ್ ಬಿಟ್ಟರೆ ಮಿಕ್ಕವರೆಲ್ಲರೂ ಹೊಸಬರೇ. ಮುಂದಿನ ಪುಟ ನೋಡಿ...