ಜಗತ್ತು ಗೆದ್ದ 'RRR' ಸಾಯಿ ಪಲ್ಲವಿ ಮುಂದೆ ಮಂಡಿ ಊರಿತು!

ಟಿವಿಯಲ್ಲಿ ಮೋಡಿ ಮಾಡಲಿಲ್ಲ RRR

v

RRR ಸಿನಿಮಾ ಎಷ್ಟು ಟಿಆರ್‌ಪಿ ಗಳಿಸಿದೆ?

'RRR' ಸಿನಿಮಾ ಟಿವಿಯಲ್ಲಿ ಪ್ರಸಾರವಾದಾಗ 19.32 ಟಿಆರ್‌ಪಿ ಗಳಿಸಿತ್ತು. ತೆಲುಗಿನ ಕೆಲವು ಸಿನಿಮಾಗಳಿಗೆ ಹೋಲಿಸಿದರೆ ಇದು ಬಹಳ ಕಡಿಮೆ. ತೆಲುಗಿನಲ್ಲಿ ಈ ವರೆಗೆ ಅತಿ ಹೆಚ್ಚು ಟಿಆರ್‌ಪಿ ಗಳಿಸಿರುವ ದಾಖಲೆ ಇರುವುದು ಅಲ್ಲು ಅರ್ಜುನ್ ನಟನೆಯ 'ಅಲಾ ವೈಕುಂಟಪುರಂಲೋ' ಸಿನಿಮಾಕ್ಕೆ ಈ ಸಿನಿಮಾ ಮೊದಲ ಬಾರಿ ಟಿವಿಯಲ್ಲಿ ಪ್ರಸಾರವಾದಾಗ 29.4 ಟಿಆರ್‌ಪಿ ದಾಖಲಿಸಿತ್ತು. ಈ ಸಿನಿಮಾಕ್ಕೆ ಹೋಲಿಸಿದರೆ ಬಹಳ ಕಡಿಮೆ ಟಿಆರ್‌ಪಿಯನ್ನು RRR ಸಿನಿಮಾ ದಾಖಲಿಸಿದೆ.

'RRR'ಗಿಂತ ಹೆಚ್ಚು ಟಿಆರ್‌ಪಿ ಗಳಿಸಿದ ಸಿನಿಮಾಗಳಿವು

'ಅಲಾ ವೈಕುಂಟಪುರಂಲೋ' ಸಿನಿಮಾದ ಬಳಿಕದ ಸ್ಥಾನ ಮಹೇಶ್ ಬಾಬು ನಟನೆಯ 'ಸರಿಲೇರು ನೀಕೆವ್ವರು' ಸಿನಿಮಾಕ್ಕೆ ಧಕ್ಕಿದೆ. ಈ ಸಿನಿಮಾ 23.4 ಟಿಆರ್‌ಪಿ ಗಳಿಸಿದೆ. 'ಬಾಹುಬಲಿ 2' 22.7 ಟಿಆರ್‌ಪಿ, 'ಶ್ರೀಮಂತುಡು' 22.54 ಟಿಆರ್‌ಪಿ, 'ಪುಷ್ಪ' 22.54, 'ದುವ್ವಾಡ ಜಗನ್ನಾಥ' 21.7 ಟಿಆರ್‌ಪಿ, 'ಬಾಹುಬಲಿ 1' 21.54, ಸಾಯಿ ಪಲ್ಲವಿ ನಟನೆಯ 'ಫಿದಾ' ಸಿನಿಮಾ 21.30 ಹಾಗೂ ವಿಜಯ್ ದೇವರಕೊಂಡ ನಟನೆಯ 'ಗೀತಾ ಗೋವಿಂದಂ' ಸಿನಿಮಾ 20.08 ಟಿಆರ್‌ಪಿ ರೇಟಿಂಗ್ ಗಳಿಸಿದೆ. ಈ ಸಿನಿಮಾಗಳೆಲ್ಲದರ ಬಳಿಕದ ಸ್ಥಾನ RRRಗೆ ದೊರೆತಿದೆ.

ಬೇರೆ ಭಾಷೆಗಳಲ್ಲಿ ಪ್ರಸಾರವಾಗಿಲ್ಲ

ಈಗ ತೆಲುಗು ಭಾಷೆಯಲ್ಲಿ ಮಾತ್ರವೇ 'RRR' ಸಿನಿಮಾ ಟಿವಿಯಲ್ಲಿ ಪ್ರಸಾರವಾಗಿದೆ. ಇತರೆ ಭಾಷೆಗಳಲ್ಲಿ ಇನ್ನೂ ಪ್ರಸಾರವಾಗಬೇಕಿದೆ. ಹಾಗಾಗಿ ಬೇರೆ ಭಾಷೆಗಳಲ್ಲಿ ಈ ಸಿನಿಮಾ ಹೇಗೆ ಪ್ರದರ್ಶನ ಕಾಣಲಿದೆ ಎಂಬ ನಿರೀಕ್ಷೆ ಇದೆ. ಇದೇ ಸಮಯಕ್ಕೆ ಕನ್ನಡದ ಸೂಪರ್ ಡೂಪರ್ ಹಿಟ್ ಸಿನಿಮಾ 'ಕೆಜಿಎಫ್ 2' ಸಹ ಟಿವಿಯಲ್ಲಿ ಪ್ರಸಾರವಾಗಲಿದೆ. ಕೆಲವೇ ದಿನಗಳಲ್ಲಿ 'ಕೆಜಿಎಫ್ 2' ಸಿನಿಮಾ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ. ಆ ಸಿನಿಮಾ ಎಷ್ಟು ಟಿಆರ್‌ಪಿ ಗಳಿಸಲಿದೆ ನೋಡಬೇಕಿದೆ.