'ಸರಿಗಮಪ-13' ಗ್ರ್ಯಾಂಡ್ ಫಿನಾಲೆ ತಲುಪಿದ 6 ಲಕ್ಕಿ ಗಾಯಕರು

ಜೀ-ಕನ್ನಡದಲ್ಲಿ ಪ್ರಸಾರವಾಗುವ ಖ್ಯಾತ ರಿಯಾಲಿಟಿ ಶೋ 'ಸರಿಗಮಪ ಸೀಸನ್-13' ಫಿನಾಲೆ ಹಂತಕ್ಕೆ ತಲುಪಿದೆ. ಶನಿವಾರ ಮತ್ತು ಭಾನುವಾರ ನಡೆದ ಸೆಮಿಫೈನಲ್ ನಲ್ಲಿ ಸರಿಗಮಪ ಫಿನಾಲೆ ವೇದಿಕೆಗೆ 6 ಜನ ಲಕ್ಕಿ ಗಾಯಕರು ಆಯ್ಕೆ ಆಗಿದ್ದಾರೆ.

ಮೈಸೂರಿನ ಶ್ರೀ ಹರ್ಷ, ಮಂಡ್ಯದ ಧನುಷ್, ಸುನೀಲ್, ಮೆಹೆಬೂಬ್ ಸಾಬ್, ಅರವಿಂದ್, ಹಾಗೂ ದೀಕ್ಷಾ ಫಿನಾಲೆ ವೇದಿಕೆಗೆ ಟಿಕೆಟ್ ಗಿಟ್ಟಿಸಿಕೊಂಡಿದ್ದಾರೆ.

ಫಿನಾಲೆಯ ಅಂತಿಮ ಸುತ್ತಿನಲ್ಲಿ ಒಟ್ಟು 6 ಜನ ಪ್ರತಿಭಾನ್ವಿತ ಗಾಯಕರಿದ್ದು, ಯಾರ ಮಡಲಿಗೆ ವಿಜಯಲಕ್ಷ್ಮಿ ಒಲಿಯಲಿದ್ದಾಳೆ ಎಂಬ ಕುತೂಹಲ ಸಂಗೀತ ಪ್ರೇಮಿಗಳನ್ನ ಕಾಡುತ್ತಿದೆ. ಇದೇ ಮೊದಲ ಭಾರಿಗೆ ಸರಿಗಮಪ ಫಿನಾಲೆ ನೇರಪ್ರಸಾರವಾಗಲಿದ್ದು, ಜುಲೈ 30 ರಂದು ಸಂಜೆ 6 ಗಂಟೆಯಿಂದ ಜೀ ಕನ್ನಡದಲ್ಲಿ ಮೂಡಿ ಬರಲಿದೆ.

ಅನುಶ್ರೀ ಈ ಕಾಯಕ್ರಮವನ್ನ ನಿರೂಪಣೆ ಮಾಡುತ್ತಿದ್ದು, ಅರ್ಜುನ್ ಜನ್ಯ, ರಾಜೇಶ್ ಕೃಷ್ಣನ್ ಹಾಗೂ ವಿಜಯ್ ಪ್ರಕಾಶ್ ತೀರ್ಪುಗಾರರಾಗಿದ್ದಾರೆ.