'ಬಿಗ್ ಬಾಸ್' ನಡೆಯುತ್ತೋ, ಇಲ್ಲವೋ? ಆಯೋಜಕರು ಹೇಳುವುದೇನು? ಇಲ್ಲಿದೆ ಸಂಪೂರ್ಣ ಮಾಹಿತಿ

1ತಿಂಗಳು ತಡವಾಗಿ ನಡೆಯಲಿದೆ ಬಿಗ್ ಬಾಸ್

ಮಾಮುಲಿಗಿಂತ ಈ ಬಾರಿ ಬಿಗ್ ಬಾಸ್ ಒಂದು ತಿಂಗಳು ತಡವಾಗಿ ಪ್ರಾರಂಭವಾಗಲಿದೆ ಎಂದು ಹೇಳಲಾಗುತ್ತಿದೆ. ಅಕ್ಟೋಬರ್ ಮೊದಲ ವಾರದಲ್ಲೇ ಬಿಗ್ ಬಾಸ್ ಆರಂಭವಾಗಬೇಕಿತ್ತು. ಆದರೆ ಈ ಬಾರಿ ಮುಂಚಿತವಾಗಿ ಪ್ರಾರಂಭವಾಗುವುದಿಲ್ಲ. ಈಗಾಗಲೆ ಬಿಗ್ ಬಾಸ್ 14 ಆವೃತ್ತಿಗೆ ಎಲ್ಲಾ ತಯಾರಿಗಳನ್ನು ಮಾಡಿಕೊಳ್ಳಲಾಗುತ್ತಿದೆಯಂತೆ. ಸಲ್ಮಾನ್ ಖಾನ್ ಸಹ ಬಿಗ್ ಬಾಸ್ ನಡೆಸಿಕೊಡಲು ಸಜ್ಜಾಗಿದ್ದಾರಂತೆ.

ಆನ್ ಲೈನ್ ಮೂಲಕ ಆಡಿಷನ್

ಕೊರೊನಾ ಹಾವಳಿಯ ಪರಿಣಾಮ ಒಂದಿಷ್ಟು ಬದಲಾವಣೆಯೊಂದಿಗೆ ಬಿಗ್ ಬಾಸ್ ಸೀಸನ್ 14 ಪ್ರಾರಂಭವಾಗುತ್ತಿದೆ. ಸ್ಪರ್ಧಿಗಳ ಆಯ್ಕೆ ಈ ಬಾರಿ ಆನ್ ಲೈನ್ ಮೂಲಕವೆ ನಡೆಯಲಿದೆಯಂತೆ. ಈ ಬಾರಿ ಸೆಲೆಬ್ರಿಟಿಗಳು ಮತ್ತು ಸಾಮಾನ್ಯ ಜನರು ಸಹ ಬಿಗ್ ಬಾಸ್ ಮನೆಯಲ್ಲಿ ಇರಲಿದ್ದಾರಂತೆ. ಅಕ್ಟೋಬರ್ ಕೊನೆಯ ವಾರದಿಂದ ಬಿಗ್ ಬಾಸ್ ಚಿತ್ರೀಕರಣ ಪ್ರಾರಂಭವಾಗಲಿದೆ ಎನ್ನು ಮಾಹಿತಿ ಲಭ್ಯವಾಗಿದೆ.

13 ಮಂದಿ ಸೆಲೆಬ್ರಿಟಿಗಳು, 3 ಮಂದಿ ಸಾಮಾನ್ಯ ಜನರು

ಆಡಿಷನ್ ನಲ್ಲಿ 30 ಜನರ ಶಾರ್ಟ್ ಲಿಸ್ಟ್ ಮಾಡಿ ಕೊನೆಗೆ 16 ಮಂದಿಯನ್ನು ಬಿಗ್ ಬಾಸ್ ಮನೆಯೊಳಗೆ ಪ್ರವೇಶ ನೀಡಲಾಗುತ್ತೆ. ಇದರಲ್ಲಿ 13 ಮಂದಿ ಸೆಲೆಬ್ರಿಟಿಗಳು ಮತ್ತು 3 ಮಂದಿ ಸಾಮಾನ್ಯ ವ್ಯಕ್ತಿಗಳು ಇರಲಿದ್ದಾರೆ ಎನ್ನುವ ಮಾತು ಕೇಳಿಬರುತ್ತಿದೆ.

ಬಿಹಾರದಲ್ಲಿ ಕರಣ್, ಸಲ್ಮಾನ್, ಆಲಿಯಾ ಭಟ್ ಸಿನಿಮಾಗಳಿಗೆ ನಿಷೇಧ?

ಸ್ಪರ್ಧಿಗಳಿಗೆ ಕೊರೊನಾ ಪರೀಕ್ಷೆ ನಡೆಸಲಾಗುತ್ತೆ

ಮುನ್ನೆಚ್ಚರಿಕೆ ಕ್ರಮಗಳ ಜೊತೆ ಈ ಬಾರಿಯ ಬಿಗ್ ಬಾಸ್ ಪ್ರಾರಂಭವಾಗಲಿದೆ. ಆಯ್ಕೆಯಾದ ಸ್ಪರ್ಧಿಗಳನ್ನು ಮೊದಲು ಕೋವಿಗ್-19 ಪರೀಕ್ಷೆಗೆ ಒಳಪಡಿಸಲಾಗುವುದು. ಸಂಪೂರ್ಣ ಸೆಟ್ ಮತ್ತು ಬಿಗ್ ಬಾಸ್ ಮನೆಯನ್ನು ಸ್ವಚ್ಛಗೊಳಿಸಲಾಗುತ್ತೆ. ವಿಶೇಷ ಅಂದರೆ ಸಲ್ಮಾನ್ ಖಾನ್ ಬಾಂದ್ರಾ ಮನೆಯಿಂದನೆ ನೇರವಾಗಿ ಬಿಗ್ ಬಾಸ್ ನಡೆಯುವ ಚಿತ್ರೀಕರಣ ಸೆಟ್ ಗೆ ತೆರಳಲಿದ್ದಾರೆ.

ಬದಲಾವಣೆಯ ಬಗ್ಗೆ ಪ್ಲಾನ್ ನಡೆಯುತ್ತಿದೆ

ಬಿಗ್ ಮನೆಯಲ್ಲಿ ಎಲ್ಲರೂ ಒಂದೇ ಅಡುಗೆ ಮನೆ ಬಳುಸುತ್ತಾರೆ, ಜೊತೆಗೆ ಒಂದೆ ಶೌಚಾಲಯ ಹೀಗೆ ಒಂದೆ ಸೂರಿನಲ್ಲಿ ಇರುವ ಸ್ಪರ್ಧಿಗಳ ನಡುವೆ ಅಂತರ ಕಾಯ್ದುಕೊಳ್ಳಲು ಯಾವೆಲ್ಲ ಕ್ರಮಗಳನ್ನು ತೆಗೆದುಕೊಳ್ಳಬಹುದು ಎನ್ನುವ ಬಗ್ಗೆ ಯೋಚಿಸಲಾಗುತ್ತಿದೆಯಂತೆ. ಸಾಕಷ್ಟು ಸುರಕ್ಷತ ಕ್ರಮಗಳ ಜೊತೆಗೆ ಬಿಗ್ ಬಾಸ್ ನಡೆಸಲು ಮುಂದಾಗಿದ್ದಾರೆ ಆಯೋಜಕರು.