ಪಕ್ಷಪಾತ ಮಾಡಿದ 'ಬಿಗ್ ಬಾಸ್' ಮೇಲೆ ಮುನಿಸು: ಶೋಗೆ ಸಲ್ಮಾನ್ ಗುಡ್ ಬೈ.?

'ಬಿಗ್ ಬಾಸ್'ಗೆ ಸಲ್ಮಾನ್ ಖಾನ್ ಗುಡ್ ಬೈ.?

ವರ್ಷಗಳಿಂದ 'ಬಿಗ್ ಬಾಸ್' ಕಾರ್ಯಕ್ರಮವನ್ನು ಹೋಸ್ಟ್ ಮಾಡುತ್ತಾ ಬರುತ್ತಿರುವ ಸಲ್ಮಾನ್ ಖಾನ್, ಇದೀಗ ಒಂದು ನಿರ್ಧಾರಕ್ಕೆ ಬಂದಿದ್ದಾರಂತೆ. ಇನ್ಮುಂದೆ 'ಬಿಗ್ ಬಾಸ್' ಕಾರ್ಯಕ್ರಮದ ನಿರೂಪಣೆ ಮಾಡದಿರಲು ಸಲ್ಮಾನ್ ಖಾನ್ ಡಿಸೈಡ್ ಮಾಡಿದ್ದಾರಂತೆ. ''ಬಿಗ್ ಬಾಸ್-14'ನಲ್ಲಿ ನಾನಿರಲ್ಲ'' ಅಂತ ಆಯೋಜಕರು ಮತ್ತು ವಾಹಿನಿಯವರಿಗೆ ಸಲ್ಮಾನ್ ಖಾನ್ ತಿಳಿಸಿದ್ದಾರಂತೆ ಎಂಬ ಅಂತೆ-ಕಂತೆ ಕಿರುತೆರೆ ಲೋಕದಲ್ಲಿ ಕೇಳಿಬರುತ್ತಿದೆ.

ಕಾರಣ ಏನು.?

'ಬಿಗ್ ಬಾಸ್-13' ಕಾರ್ಯಕ್ರಮದ ಹಲವು ಸನ್ನಿವೇಶಗಳಲ್ಲಿ ತಪ್ಪಿದ್ದರೂ ಸಿದ್ಧಾರ್ಥ್ ಶುಕ್ಲಾ ಪರವಾಗಿ ವಾಹಿನಿ ನಿಂತಿದ್ದು ಸಲ್ಮಾನ್ ಖಾನ್ ಗೆ ಬೇಸರ ತಂದಿದೆ. ಇಡೀ ಸೀಸನ್ ನಲ್ಲಿ ಸಿದ್ಧಾರ್ಥ್ ಶುಕ್ಲಾ ಪರವಾಗಿ ವಾಹಿನಿ ಪಕ್ಷಪಾತ ಮಾಡಿತ್ತು. ಇದರಿಂದ ಸಲ್ಮಾನ್ ಖಾನ್ ಕೋಪಗೊಂಡಿದ್ದಾರಂತೆ. ಹೀಗಾಗಿ, ಇನ್ಮುಂದೆ 'ಬಿಗ್ ಬಾಸ್' ಜೊತೆಯಾಗದಿರಲು ಸಲ್ಮಾನ್ ಖಾನ್ ಮನಸ್ಸು ಮಾಡಿದ್ದಾರಂತೆ.

ಶೂಟ್ ಡಿಲೇ ಆಗಲು ಇದೇ ಕಾರಣ.?

'ಬಿಗ್ ಬಾಸ್-13' ವಿನ್ನರ್ ಪಟ್ಟವನ್ನು ಸಿದ್ಧಾರ್ಥ್ ಶುಕ್ಲಾಗೆ ನೀಡಲು ವಾಹಿನಿ ಮುಂದಾದಾಗ ಸಲ್ಮಾನ್ ಖಾನ್ ಮುನಿಸಿಕೊಂಡಿದ್ದರಂತೆ. ಇದೇ ಕಾರಣಕ್ಕೆ, ಗ್ರ್ಯಾಂಡ್ ಫಿನಾಲೆ ದಿನ ವಿನ್ನರ್ ಘೋಷಣೆ ತಡವಾಗಿ ಆಯಿತು (ಮಧ್ಯರಾತ್ರಿ 12 ಗಂಟೆ ಬಳಿಕ) ಎಂಬ ಸುದ್ದಿ ಹಬ್ಬಿದೆ.

ಮುಂಚಿನಿಂದಲೂ ಮಾತಿದೆ.!

'ಬಿಗ್ ಬಾಸ್' ಕಾರ್ಯಕ್ರಮಕ್ಕೆ ಸಲ್ಮಾನ್ ಖಾನ್ ಗುಡ್ ಬೈ ಹೇಳ್ತಾರೆ ಎಂಬ ಸುದ್ದಿ ಮುಂಚಿನಿಂದಲೂ ಕೇಳಿಬರುತ್ತಿದೆ. ಆರೋಗ್ಯ ಸಮಸ್ಯೆ ಮತ್ತು ಸಿನಿಮಾಗಳ ಬಿಜಿ ಶೆಡ್ಯೂಲ್ ಮಧ್ಯೆ 'ಬಿಗ್ ಬಾಸ್'ಗೆ ಸಮಯ ಕೊಡಲು ಆಗುತ್ತಿಲ್ಲ ಎಂದು ಈ ಹಿಂದೆ ಸಲ್ಮಾನ್ ಖಾನ್ ಹೇಳಿದ್ದರು. ಇದೀಗ, 'ಬಿಗ್ ಬಾಸ್' ಮೇಲೆ ಬೇಸರಗೊಂಡು ಸಲ್ಮಾನ್ ಖಾನ್ ಹೊರಗೆ ಬಂದಿದ್ದಾರೆ ಎಂದು ವರದಿ ಆಗಿದೆ. ಮುಂದಿನ 'ಬಿಗ್ ಬಾಸ್' ಆವೃತ್ತಿ ಶುರುವಾಗುವ ಹೊತ್ತಿಗೆ ಏನೇನು ಬದಲಾವಣೆ ಆಗುತ್ತೆ ಅಂತ ಕಾದು ನೋಡಬೇಕಿದೆ.