'ಬಿಗ್ ಬಾಸ್-13' ಹೆಚ್ಚುವರಿ ಎಪಿಸೋಡ್ ಗಾಗಿ ಸಲ್ಮಾನ್ ಗೆ ಸಿಗ್ತಿದೆ ಕೋಟಿ ಕೋಟಿ ರೂಪಾಯಿ

ಐದು ವಾರಗಳು ಹೆಚ್ಚಿಸಲು ನಿರ್ಧಾರ

ಸದ್ಯ ಪ್ರಸಾರವಾಗುತ್ತಿರುವ ಬಿಗ್ ಬಾಸ್-13 ಶೋವನ್ನು ಐದು ವಾರಗಳ ಕಾಲ ಹೆಚ್ಚುವರಿಯಾಗಿ ಪ್ರಸಾರ ಮಾಡಲು ನಿರ್ಮಾಣ ಸಂಸ್ಥೆ ಪ್ಲಾನ್ ಮಾಡಿದೆಯಂತೆ. ಐದು ವಾರಗಳಿಗಾಗಿ ಸಲ್ಮಾನ್ ಖಾನ್ ಗೆ ಕೋಟಿ ಕೋಟಿ ಕೊಡಲು ಆಯೋಜಕರು ಮುಂದಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.

ಒಂದು ಸೀಸನ್ ಗೆ 200 ಕೋಟಿ

ವರದಿಗಳ ಪ್ರಕಾರ ಸಲ್ಮಾನ್ ಖಾನ್ ಗೆ ಸೀಸನ್ ಒಂದಕ್ಕೆ 200 ಕೋಟಿಗೂ ಅಧಿಕ ಸಂಭಾವನೆ ನೀಡಲಾಗುತ್ತಿದೆಯಂತೆ. ಈ ಮೊದಲು ಒಂದು ಎಪಿಸೋಡ್ ಗೆ 6.5 ಕೋಟಿ ಕೊಡುತ್ತಿದ್ದರಂತೆ. ಆದರೀಗ ಒಂದು ಎಪಿಸೋಡ್ ಗೆ 8.5 ನೀಡಲಾಗುತ್ತಿದೆಯಂತೆ. ಸಲ್ಮಾನ್ ಸುಮಾರು 10 ವರ್ಷಗಳಿಂದ ಬಿಗ್ ಬಾಸ್ ನಡೆಸಿಕೊಂಡು ಬರುತ್ತಿದ್ದಾರೆ.

ಹೆಚ್ಚುವರಿ ಎಪಿಸೋಡ್ ಗೆ 2 ಕೋಟಿ

ಬಿಗ್ ಬಾಸ್-13 ಸೀಸನ್ ಅನ್ನು ಐದು ದಿನಗಳನ್ನು ಹೆಚ್ಚಿಸಲು ಆಯೋಜಕರು ನಿರ್ಧರಿಸಿರುವ ಕಾರಣ. ಹೆಚ್ಚುವರಿ ಎಪಿಸೋಡ್ ಗಳಿಗೆ 2 ಕೋಟಿ ನೀಡಲು ಮುಂದಾಗಿದ್ದಾರಂತೆ. ಅಂದರೆ ಹೆಚ್ಚುವರಿ ಒಂದು ಎಪಿಸೋಡ್ ಗೆ ಸಲ್ಲುಗೆ 2 ಕೋಟಿ ಸಿಗುತ್ತಿದೆ.

ಹೆಚ್ಚುವರಿ ಎಪಿಸೋಡ್ ಮಾಡಲು ಸಲ್ಲು ನಿರಾಕರಣೆ

ಸಲ್ಮಾನ್ ಖಾನ್ ಹೆಚ್ಚುವರಿ ಎಪಿಸೋಡ್ ಗಳನ್ನು ನಡೆಸಿ ಕೊಡಲು ಒಪ್ಪಿಕೊಳ್ಳುತ್ತಿಲ್ಲವಂತೆ. ಕಾರಣ ಸಿನಿಮಾಗಳ ಕಮಿಟ್ ಮೆಂಟ್ ಕಾರಣ ಹೆಚ್ಚುವರಿ ಎಪಿಸೋಡ್ ಹೋಸ್ಟ್ ಮಾಡಲು ನಿರಾಕರಿಸಿದ್ದಾರಂತೆ. ಆದರೆ ಆಯೋಜಕರು ಸಲ್ಮಾನ್ ಖಾನ್ ಅವರನ್ನು ಮನ ಒಲಿಸು ಕೆಲಸ ಮಾಡುತ್ತಿದ್ದಾರಂತೆ.

ಬಿಗ್ ಬಾಸ್ ನಡೆಸಿ ಕೊಡಲ್ಲ ಎನ್ನುವ ಸಲ್ಮಾನ್

ಪ್ರತಿವರ್ಷ ಬಿಗ್ ಬಾಸ್ ಪ್ರಾರಂಭವಾಗುವ ಮುನ್ನ ಸಲ್ಮಾನ್ ಖಾನ್ ಹೋಸ್ಟ್ ಮಾಡುವುದಿಲ್ಲ ಎಂದು ಪಟ್ಟು ಹಿಡಿಯುತ್ತಾರಂತೆ. ಮುಂದಿನ ಸರಣಿ ನಡೆಸಿಕೊಡುವುದಿಲ್ಲ ಎಂದು ಹೇಳುತ್ತಾರೆ. ಈ ಬಗ್ಗೆ ಸ್ವತಹ ಸಲ್ಮಾನ್ ಖಾನ್ ಅವರೆ ಹೇಳಿದ್ದಾರೆ. ಆದರೆ ಮತ್ತೆ ನಡೆಸಿಕೊಡಲು ಒಪ್ಪಿಕೊಳ್ಳುತ್ತಾರೆ. ಅಲ್ಲದೆ ಸಲ್ಲು ಬಿಗ್ ಬಾಸ್ ಶೋ ಕೈಬಿಡದಿರಲು ಕಾರಣ ಕೋಟಿ ಕೋಟಿ ಹಣ ಹರಿದು ಬರುತ್ತಿದೆ. ಈ ಬಾರಿಯ ಶೋ ಮತ್ತೆ 5 ವಾರಗಳು ಹೆಚ್ಚುವರಿಯಾದ ಕಾರಣ ಗ್ರಾಂಡ್ ಫಿನಾಲೆ ಫೆಬ್ರವರಿಯಲ್ಲಿ ನಡೆಯುವ ಸಾಧ್ಯತೆ ಇದೆ.