ಅವಕಾಶಗಳ ಕೊರತೆಯಿಂದ ಡ್ರಗ್ ವ್ಯಸನಿಯಾದ ಸರಿಗಮಪ ವಿನ್ನರ್

'ಇಂಡಿಯನ್ ಐಡಲ್ 11' ಕಾರ್ಯಕ್ರಮಕ್ಕೆ ಬಂದ ಅಜ್ಮತ್

18 ವರ್ಷದ ಬಾಲಕ ಅಜ್ಮತ್ ಹುಸೇನ್ 'ಇಂಡಿಯನ್ ಐಡಲ್' ರಿಯಾಲಿಟಿ ಶೋ ಆಡಿಷನ್ ನಲ್ಲಿ ಭಾಗಿಯಾಗಿದ್ದಾನೆ. ಕಾರ್ಯಕ್ರಮಕ್ಕೆ ಬಂದ ಆತನನ್ನು ತೀರ್ಪುಗಾರ್ತಿ ನೇಹಾ ಕಕ್ಕರ್ ಗುರುತು ಹಿಡಿದರು. ನಂತರ ಉಳಿದ ತೀರ್ಪುಗಾರರು ಆತನ ಬಗ್ಗೆ ಕೇಳಿದಾಗ, ತನ್ನ ಹಿಂದಿನ ಕತ್ತಲ ದಿನದ ಬಗ್ಗೆ ಮಾತನಾಡಿದ.

ಅವಕಾಶಗಳ ಕೊರತೆಯಿಂದ ಡ್ರಗ್ ವ್ಯಸನೆ

ಅಜ್ಮತ್ ಹುಸೇನ್ 2001 ರಲ್ಲಿ ಸರಿಗಮಪ ಕಾರ್ಯಕ್ರಮ ಗೆದ್ದರು. ಶಾರೂಖ್ ಖಾನ್ ಕೂಡ ಅಜ್ಮತ್ ಗಾಯನವನ್ನು ಹೊಗಳಿದರು. ಯಶಸ್ಸಿನ ಅಲೆಯಲ್ಲಿಯೇ ಆ ಹುಡುಗ ಅನೇಕ ಕಾರ್ಯಕ್ರಮಗಳನ್ನು ನೀಡಿದ. ಆದರೆ, ಆ ಕಾರ್ಯಕ್ರಮಗಳಿಂದ ತನ್ನ ಮನೆಯ ಹಣಕಾಸಿನ ಅಗತ್ಯಗಳನ್ನು ಪೂರೈಸಿಸಲು ಆಗಲಿಲ್ಲ. ಮನೆಯ ಪರಿಸ್ಥಿತಿ ಇನ್ನಷ್ಟು ಬಿಗಿಯಾಯ್ತು.

ಕೈ ಕೊಟ್ಟ ಅಜ್ಮತ್ ಧ್ವನಿ

ವರ್ಷಗಳು ಉರುತ್ತಿದ್ದ ಹಾಗೆ ಅಜ್ಮತ್ ಧ್ವನಿ ಬದಲಾಯಿತು. ಅವರ ಧ್ವನಿಯಲ್ಲಿ ಇದ್ದ ಮಾಧುರ್ಯತೆ ಕಳೆದುಹೋಯ್ತು. ಅದೇ ಸಮಯಕ್ಕೆ ಅಕ್ಕ ಪಕ್ಕದ ಜನ ಕೂಡ ನಿನ್ನ ಕತೆ ಮುಗಿತು ಎಂದು ಹೇಳಲು ಶುರು ಮಾಡಿದರು. ಅಜ್ಮತ್ ಗೆ ಧ್ವನಿ ಬದಲಾವಣೆಯಿಂದ ಯಾವುದೇ ಅವಕಾಶ ಸಿಗಲಿಲ್ಲ. ಹಾಡುವುದು ಇರಲಿ, ಹಾಡನ್ನು ಕೇಳುದನ್ನು ಕೂಡ ಆ ಹುಡುಗ ಬಿಟ್ಟ. ಇದರಿಂದ ಮಾನಸಿಕ ಒತ್ತಡಕ್ಕೆ ಒಳಗಾದ ಅಜ್ಮತ್ ಡ್ರಗ್ ಮೊರೆ ಹೋದ.

ಕೆಟ್ಟ ಚಟ ಬಿಟ್ಟು, ಹೊಸ ಜೀವನ ಆರಂಭ

ಡ್ರಗ್ಸ್ ನಿಂದ ತನ್ನ ಜೀವನ ಹಣ ಎರಡು ಹಾಳಾಯ್ತು ಎಂದು ಅಜ್ಮತ್ ಅರಿವಿಗೆ ಬಂತು. ಇದೀಗ ಈ ಹುಡುಗ ಮತ್ತೆ ಸಿಂಗಿಂಗ್ ಕಾರ್ಯಕ್ರಮ ಮೂಲಕ ಹೊಸ ಜೀವನ ಪ್ರಾರಂಭ ಮಾಡಲು ಬಂದಿದ್ದಾನೆ. 'ಇಂಡಿಯನ್ ಐಡಲ್ 11' ಕಾರ್ಯಕ್ರಮದ ಸ್ಪರ್ಧಿಯಾಗಿದ್ದಾನೆ. ಅಜ್ಮತ್ ನಿರ್ಧಾರ ತೀರ್ಪುಗಾರರಿಗೂ ಇಷ್ಟ ಆಗಿದ್ದು, ಅಜ್ಮತ್ ಸ್ಫೂರ್ತಿಯ ಮಾತುಗಳನ್ನು ಹೇಳಿದ್ದಾನೆ. ಜೀವನದ ಪಾಠವೇ ಮುಗಿಯಿತು ಎಂದುಕೊಂಡಿದ್ದ ಈ ಯುವಕ ಈಗ ಪುಟ ತಿರುಗಿಸಿದ್ದಾನೆ.