»   » ಸರಿಗಮಪ ಲಿಟ್ಲ್ ಚಾಂಪ್ ಫೈನಲ್ ಗೆ ಉಷಾ ಉತುಪ್!

ಸರಿಗಮಪ ಲಿಟ್ಲ್ ಚಾಂಪ್ ಫೈನಲ್ ಗೆ ಉಷಾ ಉತುಪ್!

Posted By:
Subscribe to Filmibeat Kannada
Usha Utup
ಜೀ ಕನ್ನಡ ವಾಹಿನಿಯ ಜನಪ್ರಿಯ ಕಾರ್ಯಕ್ರಮಗಳಲ್ಲಿ ಒಂದಾದ ಬಾಲ ಸಂಗೀತ ಪ್ರತಿಭೆಗಳನ್ನು ಬೆಳಕಿಗೆ ತರುವ 'ಸರಿಗಮಪ ಲಿಟ್ಲ್ ಚಾಂಪ್ಸ್' ಕುತೂಹಲ ಘಟ್ಟಕ್ಕೆ ಬಂದು ನಿಂತಿದೆ. ಈ ಶೋನ ಅಂತಿಮ ಹಣಾಹಣಿ ಅಕ್ಟೋಬರ್ 28ರಂದು ರಾತ್ರಿ 9 ಗಂಟೆಗೆ ಕನ್ನಡಿಗರ ಕಣ್ಮಣಿ ಜೀ ಕನ್ನಡದಲ್ಲಿ ಪ್ರಸಾರವಾಗಲಿದೆ.

ಈ ಬಾರಿಯ ಗ್ರ್ಯಾಂಡ್ ಫಿನಾಲೆಗೆ ಖ್ಯಾತ ಗಾಯಕಿ ಉಷಾ ಉತುಪ್ ತೀರ್ಪುಗಾರರಾಗಿ ಪಾಲ್ಗೊಳ್ಳುತ್ತಿದ್ದಾರೆ. ಅವರಿಗೆ ಜೊತೆಯಾಗಿ ಕನ್ನಡದ ಗಾಯಕ ವಿಜಯ್ ಪ್ರಕಾಶ್ ಇರುತ್ತಾರೆ. ಈ ಸರಣಿಗಾಗಿ ಜೀ ಕನ್ನಡ ಸಾಕಷ್ಟು ಸಿದ್ಧತೆಗಳನ್ನು ನಡೆಸಿ ರಾಜ್ಯದಾದ್ಯಂತ ಬಾಲ ಪ್ರತಿಭೆಗಳಿಗಾಗಿ ಆಡಿಷನ್ ನಡೆಸಿತ್ತು.

ಈ ಸರಣಿಯಲ್ಲಿ ವಿವಿಧ ಹಂತಗಳ ಎಲಿಮಿನೇಷನ್ ಇದ್ದು ಅಂತಿಮ ವಿಜೇತರು ಭಾರಿ ಬಹುಮಾನವನ್ನು ತನ್ನದಾಗಿಸಿಕೊಳ್ಳಲಾಗಿದ್ದಾರೆ. ಮಕ್ಕಳ ಮನಸ್ಸಿಗೆ ನೋವುಂಟಾಗದಂತೆ ಸ್ಪರ್ಧೆ ನಡೆಸಿರುವುದಾಗಿ ವಾಹಿನಿ ತಿಳಿಸಿದೆ.

'ಸರಿಗಮಪ ಲಿಟ್ಲ್ ಚಾಂಪ್ಸ್ ಸೀಸನ್ 9' ಅಂತಿಮ ಹಣಾಹಣಿ ಅತ್ಯದ್ಭುತವಾಗಿ ಮೂಡಿಬರಲಿದೆ ಎಂದು ಚಾನಲ್ ಹೇಳಿದೆ. ಈ ಬಾರಿಯ ಗ್ರ್ಯಾಂಡ್ ಫಿನಾಲೆಯಲ್ಲಿ ಹಲವು ಆಕರ್ಷಣೆಗಳೂ ಇರುತ್ತವಂತೆ. ಹಲವಾರು ಕಲಾವಿದರು ಈ ಬಾರಿಯ ಶೋನಲ್ಲಿ ಪಾಲ್ಗೊಳ್ಳಲಿದ್ದು ಮತ್ತಷ್ಟು ಹುರುಪು ತರಲಿದ್ದಾರೆ. (ಒನ್ಇಂಡಿಯಾ ಕನ್ನಡ)

English summary
Zee Kannada's reality musical show for children 'Sa Re Ga Ma Pa Little Champs' season 9 grand finale being aired on Zee at 9 pm on 28th October. 
Please Wait while comments are loading...