ತೀರ್ಪುಗಾರರನ್ನ ಮೂಕವಿಸ್ಮಿತಗೊಳಿಸಿದ 'ಲಕ್ಷ್ಮಿ' ಬದುಕಿನ ರೋಚಕ ಕಥೆ

ಸಣ್ಣ ಕುಟುಂಬದ ಕುಡಿ

9ನೇ ತರಗತಿ ಓದುತ್ತಿರುವ ಲಕ್ಷ್ಮಿ, ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲ್ಲೂಕಿನ ಗೋಡಿಗೇರಿ. ಇವರ ಅಪ್ಪ ಮತ್ತು ಅಮ್ಮ ಕೂಲಿ ಕೆಲಸ ಮಾಡುತ್ತಾರೆ. ಲಕ್ಷ್ಮಿಗೊಬ್ಬರು ಅಣ್ಣ ಇದ್ದಾರೆ.

ಸಂಗೀತ ಅಭ್ಯಾಸವಿಲ್ಲ

ಅಂದ್ಹಾಗೆ, ಲಕ್ಷ್ಮಿ ಇದುವರೆಗೂ ಯಾವುದೇ ಸಂಗೀತ ಅಭ್ಯಾಸ ಮಾಡಿಲ್ಲ. ಯಾವುದೇ ತರಗತಿಗೂ ಹೋಗಿಲ್ಲ. ಮೊಬೈಲ್ ನಲ್ಲೇ ಹಾಡಿ ಕೇಳಿ, ಹಾಡುವ ಅಭ್ಯಾಸ ಮಾಡಿಕೊಂಡಿದ್ದಾರೆ.

'ಸರಿಗಮಪ'ಗೆ ಬರಲು ಸ್ಪೂರ್ತಿ ಯಾರು?

'ಸರಿಗಮಪ' ಕಾರ್ಯಕ್ರಮವನ್ನ ನೋಡುತ್ತಿದ್ದ ಲಕ್ಷ್ಮಿ ಅವರ ಅಪ್ಪ-ಅಮ್ಮ ''ನಮ್ಮ ಮಗಳು ಅಲ್ಲಿ ಹಾಡಿದ್ರೆ ಚೆನ್ನಾಗಿರುತ್ತೆ'' ಎಂದುಕೊಳ್ಳುತ್ತಿದ್ದರಂತೆ. ಅದನ್ನ ಕೇಳಿದ ಲಕ್ಷ್ಮಿಗೆ 'ಸರಿಗಮಪ' ವೇದಿಕೆಗೆ ಬರಲು ಛಲ ಹುಟ್ಟಿತು. ಈಗ ಸಾಧಿಸಲು ಸಿದ್ದವಾಗಿ ನಿಂತಿದ್ದಾರೆ.

ಆಡಿಷನ್ ಗೆ ಅಪ್ಪ-ಅಮ್ಮ ಬರಲಿಲ್ಲ

ಲಕ್ಷ್ಮಿ ಅವರು ಸರಿಗಮಪ ಆಡಿಷನ್ ಗೆ ಅವರ ಅಪ್ಪ ಮತ್ತ ಅಮ್ಮ ಬರಬೇಕಿತ್ತು. ಆದ್ರೆ, ಬೆಳಗಾವಿಯಿಂದ ಯಶವಂತಪುರವರೆಗೂ ಬಂದಿದ್ದರು. ಆದ್ರೆ, ಸ್ಟುಡಿಯೋಗೆ ಬರಲು ದಾರಿ ಗೊತ್ತಾಗದೇ ವಾಪಸ್ಸು ಹೋಗಿದ್ದಾರೆ. ಮುಂದಿನ ಸಲ ಅವರನ್ನ ಕರೆಯಿಸುವ ಮಾತು ನೀಡಿದೆ ಜೀ-ವಾಹಿನಿ.