ಶೋ ಮುಗಿಯುವ ಮೊದಲೇ ಸಿನಿಮಾದಲ್ಲಿ ಹಾಡಿದ ಸರಿಗಮಪ ಸ್ಪರ್ಧಿಗಳು

ಜೀ ಕನ್ನಡ ವಾಹಿನಿಯ ಸರಿಗಮಪ ಕಾರ್ಯಕ್ರಮದ ಸಾಕಷ್ಟು ಸ್ಪರ್ಧಿಗಳು ಈಗಾಗಲೇ ಸಿನಿಮಾದಲ್ಲಿ ಹಾಡಿದ್ದಾರೆ. ಈಗ ಈ ಸೀಸನ್ ನ (ಸೀಸನ್ 15) ಇಬ್ಬರು ಸ್ಪರ್ಧಿಗಳು ಸಿನಿಮಾದಲ್ಲಿ ಹಾಡಿದ್ದಾರೆ.

ಹೌದು, ಈ ಬಾರಿಯ ಸರಿಗಮಪ ಕಾರ್ಯಕ್ರಮ ಇನ್ನೂ ಮುಗಿದಿಲ್ಲ. ಆಗಲೇ, ಈ ಸೀಸನ್ ಸ್ಪರ್ಧಿಗಳಾದ ಪೃಥ್ವಿ ಹಾಗೂ ನಿಹಾಲ್ ವಿಜೇತ್ ಸಿನಿಮಾದಲ್ಲಿ ಹಾಡಿ ಬಂದಿದ್ದಾರೆ. ಈ ಸಂಗತಿಗಳನ್ನ ನಿಹಾಲ್ ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಹಂಚಿಕೊಂಡಿದ್ದಾರೆ.

'ತುಂಗಭದ್ರಾ' ಎಂಬ ಕನ್ನಡ ಸಿನಿಮಾದ ಒಂದು ಹಾಡನ್ನ ಪೃಥ್ವಿ ಹಾಗೂ ನಿಹಾಲ್ ಹಾಡಿದ್ದಾರೆ. ಸದ್ಯದಲ್ಲೇ ಈ ಹಾಡು ಬಿಡುಗಡೆಯಾಗಲಿದೆಯಂತೆ.

ಪೃಥ್ವಿ ಹಾಗೂ ನಿಹಾಲ್ ಈ ಬಾರಿಯ ಕಾರ್ಯಕ್ರಮದ ಹೈಲೆಟ್ ಆಗಿದ್ದರು. ಪ್ರತಿ ಸಂಚಿಕೆಯಲ್ಲಿ ಸೊಗಸಾಗಿ ಹಾಡುತ್ತಿದ್ದರು. ಇವರ ಪ್ರತಿಭೆಗೆ ಈಗ ಸಿನಿಮಾ ಅವಕಾಶ ಸಿಕ್ಕಿದೆ. ಅದರಲ್ಲಿಯೂ ಕಾರ್ಯಕ್ರಮದ ಈ ಸೀಸನ್ ಮುಗಿಯುವ ಮೊದಲೇ ಇವರು ಸಿನಿಮಾದಲ್ಲಿ ಹಾಡಿರುವುದು ಅಚ್ಚರಿಯ ವಿಷಯ.