Don't Miss!
- Technology ಸದ್ಯ ನೀವೇನಾದರೂ ಹೊಸ ರೆಡ್ಮಿ ಫೋನ್ ಖರೀದಿಸ್ತೀರಾ?..ಹಾಗಿದ್ರೆ, ಇಲ್ಲಿ ಗಮನಿಸಿ!
- News ಡಿ.ಕೆ.ಶಿವಕುಮಾರ್, ಪ್ರಿಯಾಂಕ್ ಖರ್ಗೆ ವಿರುದ್ಧ ಬಿಜೆಪಿ ದೂರು: ಕಾರಣವೇನು?
- Lifestyle ದುಬೈ ಪ್ರವಾಹದ ವೈರಲ್ ವೀಡಿಯೋಗಳು: ಒಂದೊಂದು ದೃಶ್ಯವೂ ಬದುಕಿನ ಪಾಠ ಹೇಳುತ್ತೆ
- Finance Binance: ಫೈನ್ ಕಟ್ಟಿ ಭಾರತಕ್ಕೆ ಮರಳಿ ಬರಲಿದೆ ಕ್ರಿಫ್ಟೋಕರೆನ್ಸಿ ವಿನಿಮಯ ಕೇಂದ್ರ!
- Automobiles Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ!
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಧಾರಾವಾಹಿ ದೃಶ್ಯ ನೋಡಿ ಹಣೆ-ಹಣೆ ಬಡಿದುಕೊಂಡ ವೀಕ್ಷಕರು!
ಭಾರತೀಯ ಧಾರಾವಾಹಿಗಳ 'ಕ್ರಿಯೇಟಿವಿಟಿ' ಬಗ್ಗೆ ಹೊಸದಾಗಿ ಪೀಠಿಕೆ ಬೇಕಿಲ್ಲ. ಅದರಲ್ಲಿಯೂ ಹಿಂದಿ ಧಾರಾವಾಹಿಗಳಂತೂ ತರ್ಕ, ಭೌತಶಾಸ್ತ್ರ, ಮಾನವ ಸಹಜ ವರ್ತನೆ ಈ ಎಲ್ಲಾ ವಿಷಯಗಳನ್ನು ಮರೆತೇ ಬಿಟ್ಟಿವೆ ಎಂದೇ ಹೇಳಬೇಕು.
ಕೆಲವು ದಿನಗಳ ಹಿಂದೆ ವೈರಲ್ ಆಗಿದ್ದ 'ರಸೋಡಿ ಮೇ ಕೌನ್ ಥಾ' ನಿಮಗೆ ನೆನಪಿರಬಹುದು. ಅದಕ್ಕೂ ಹಿಂದೆ ಧಾರಾವಾಹಿ ಪಾತ್ರಧಾರಿಯೊಬ್ಬಾಕೆ ನೆಲದಲ್ಲಿ ನಿಂತುಕೊಂಡೆ ಕರ್ಟನ್ಗೆ ನೇಣು ಬಿಗಿದುಕೊಂಡಿದ್ದನ್ನೂ ವೀಕ್ಷಕ ಮಹಾಪ್ರಭುಗಳು ನೋಡಿದ್ದಾರೆ. ಸಾಮಾನ್ಯ ಗೃಹಿಣಿಯೊಬ್ಬಾಕೆ, ಆಪರೇಷನ್ ಥಿಯೇಟರ್ಗೆ ನುಗ್ಗಿ ಗಂಡನಿಗೆ ಹೃದಯ ಶಸ್ತ್ರಚಿಕಿತ್ಸೆ ಮಾಡಿದ ದೃಶ್ಯವನ್ನೂ ನೋಡಿದ್ದಾರೆ. ಈಗ ಅವೆಲ್ಲವನ್ನೂ ಮೀರಿಸುವಂತಹಾ ದೃಶ್ಯ ಸೃಷ್ಟಿಸಲಾಗಿದೆ.
ಹಿಂದಿಯ 'ಸಸುರಾಲ್ ಸಿಮ್ರನ್ ಕಾ' ಹೆಸರಿನ ಧಾರಾವಾಹಿಯಲ್ಲಿ ತರ್ಕರಹಿತ, ಬುದ್ಧಿಹೀನ ದೃಶ್ಯವೊಂದನ್ನು ಚಿತ್ರಿಸಿ ಪ್ರಸಾರ ಮಾಡಲಾಗಿದೆ. ದೃಶ್ಯವನ್ನು ನೋಡಿದವರು ಆ ದೃಶ್ಯದ 'ಬುದ್ಧಿಹೀನತೆ' ಮೆಚ್ಚಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ದೃಶ್ಯದಲ್ಲಿ ನಾಯಕಿ ಸಿಮ್ರನ್ ತನ್ನ ಅಜ್ಜಿಯ ಬಳಿ ಕ್ಷಮಾಪಣೆ ಕೇಳುತ್ತಿದ್ದಾರೆ. ಅಂಗಲಾಚುವಂತೆ ಕೆಳಗೆ ಕೂತು ಅಜ್ಜಿಯ ಶಾಲುವನ್ನು ಹಿಡಿದು ಬೇಡಿಕೊಳ್ಳುತ್ತಿದ್ದಾಳೆ. ಆದರೆ ಅಜ್ಜಿ ಸಿಮ್ರನ್ ಕಡೆ ನೊಡದೇ ಸಿಮ್ರನ್ ಹಿಡಿದಿದ್ದ ಶಾಲನ್ನು ಎಳೆಯುತ್ತಾ ಮುಂದೆ ಹೋಗುಲು ಪ್ರಯತ್ನ ಪಡುತ್ತಿದ್ದಾಳೆ.
ದೃಶ್ಯ ಇಷ್ಟೇ ಆಗಿದ್ದರೆ ವಿಶೇಷವೇನೂ ಇರಲಿಲ್ಲ. ಭೌತಶಾಸ್ತ್ರದ ಅದ್ಯಾವ ನಿಯಮ ಅಲ್ಲಿ ತನ್ನ ಕರಾಮತ್ತು ತೋರಿಸಿತೋ ಏನೋ ಹಠಾತ್ತನೆ ಸಿಮ್ರನ್ ಹಿಡಿದಿದ್ದ ಶಾಲು ಸಿಮ್ರನ್ ನ ಕುತ್ತಿಗೆಗೆ ಸುತ್ತಿಕೊಳ್ಳುತ್ತದೆ, ಅಷ್ಟೇ ಅಲ್ಲ ಕುಣಿಕೆಯಂತಾಗಿ ಸಿಮ್ರನ್ಗೆ ಉಸಿರಾಡಲು ಸಹ ಆಗುವುದಿಲ್ಲ. ಆದರೆ ಇದಾವುದನ್ನೂ ಗಮನಿಸದೇ ಅಜ್ಜಿ ಶಾಲನ್ನು ಎಳೆಯುತ್ತಲೇ ಇರುತ್ತಾಳೆ.
ದಶ್ಯ ಅದೆಷ್ಟು ಕೃತಕವಾಗಿ, ಅಸಹಜವಾಗಿ ಇದೆಯೆಂದರೆ ಸಿಮ್ರನ್ ಪಾತ್ರಧಾರಿ ಸ್ವತಃ ಆ ಶಾಲನ್ನು ತನ್ನ ಕುತ್ತಿಗೆ ಸುತ್ತಿಕೊಂಡು ಉಸಿರಾಡಲು ಹೆಣಗಾಡುವ ನಟನೆ (?) ಮಾಡುವುದು ಗೊತ್ತಾಗುತ್ತದೆ. ನೆಟ್ಟಿಗರು ಈ ವಿಡಿಯೋವನ್ನು ಸಖತ್ ಆಗಿ ಟ್ರೋಲ್ ಮಾಡುತ್ತಿದ್ದಾರೆ.