ಸತ್ಯ ಧಾರಾವಾಹಿ ನಟನ ಪ್ರೇಯಸಿ ಹೆಸರು ರಿವೀಲ್: ಇವಳೇ ಸಾಗರ್ ಬಿಳಿಗೌಡ ಮದುವೆಯಾಗುವ ಹುಡುಗಿ!

ಸತ್ಯ ಧಾರಾವಾಹಿಯಲ್ಲಿ ಅಮುಲ್ ಬೇಬಿ

ಆಕ್ಟಿಂಗ್ ಕೋರ್ಸ್ ಎಲ್ಲಾ ಮುಗಿದ ಮೇಲೆ ಸಾಗರ್ ಅವರು ಕಿರುತೆರೆಗೂ ಎಂಟ್ರಿ ಕೊಟ್ಟರು. ಕಿನ್ನರಿ ಧಾರಾವಾಹಿ ಮೂಲಕ ಕಿರುತೆರೆ ಲೋಕಕ್ಕೆ ಪಾದಾರ್ಪಣೆ ಮಾಡಿದರು. ಇದರಲ್ಲಿ ಮನೆ ಕೆಲಸದವನ ಪಾತ್ರ ಮಾಡಿದ್ದರು. ನಂತರ ಸಾಗರ್ ಅವರಿಗೆ ಉದಯ ಟಿವಿಯಲ್ಲಿ ಮೂಡಿ ಬಂದ ಮನಸಾರೆ ಧಾರಾವಾಹಿಯಲ್ಲಿ ಅವಕಾಶ ಸಿಕ್ಕಿತು. ಇದರಲ್ಲಿ ಸಾಗರ್ ತಲೆಹರಟೆ, ತುಂಟಾಟ, ತಮಾಷೆ ಮಾಡಿಕೊಂಡು ನಟಿಸಿದ್ದರು. ಬಳಿಕ ಸತ್ಯ ಧಾರಾವಾಹಿಯಲ್ಲಿ ನಾಯಕ ನಟನ ಪಾತ್ರವನ್ನು ನಿಭಾಯಿಸುತ್ತಿದ್ದಾರೆ. ಈಗಾಗಲೇ ಸುಮಾರು ಎರಡು ವರ್ಷಗಳಿಂದ ಮೂಡಿ ಬರುತ್ತಿರುವ ಸತ್ಯ ಧಾರಾವಾಹಿಯಲ್ಲಿ ಸಾಗರ್ ಅವರ ಪಾತ್ರವನ್ನು ಎಲ್ಲರೂ ಮೆಚ್ಚಿಕೊಂಡಿದ್ದಾರೆ.

ಸಿರಿ ರಾಜು ಜೊತೆಗೆ ಜೀವನ ನಡೆಸಲಿರುವ ಸಾಗರ್

ಇನ್ನು ಸಾಗರ್ ಬಿಳಿ ಗೌಡ ಅವರು ತಮ್ಮ ಜೀವನದ ಮುಖ್ಯ ಹಂತವನ್ನು ತಲುಪಿದ್ದಾರೆ. ಅದೇನೆಂದರೆ, ಕಿರುತೆರೆಯ ಜೋಡಿಗಳ ಸಾಲಿಗೆ ಸಾಗರ್ ಕೂಡ ಸೇರಲಿದ್ದಾರೆ. ಕಳೆದ ವರ್ಷ ನಡೆದ ಸಂದರ್ಶನ ಒಂದರಲ್ಲಿ ಮಾತನಾಡಿದ್ದ ಸಾಗರ್ ಅವರು ತಮಗೆ ಬೈಕ್, ಕಾರುಗಳೆಂದರೆ ಪ್ರೀತಿ. ಅದು ಬಿಟ್ಟು ಯಾವುದೇ ಹುಡುಗಿಯ ಮೇಲೂ ಲವ್ ಇಲ್ಲ ಎಂದಿದ್ದರು. ಆದರೆ ಈಗ ಕಿರುತೆರೆ ನಟಿಯೊಂದಿಗೆ ಉಂಗುರ ಬದಲಾಯಿಸಿಕೊಳ್ಳಲು ಸಜ್ಜಾಗಿದ್ದಾರೆ. ತಮ್ಮ ಪ್ರೇಯಸಿಯನ್ನು ಅಭಿಮಾನಿಗಳಿಗೆ ಪರಿಚಯಿಸಿ ಶಾಕ್ ಕೊಟ್ಟಿದ್ದಾರೆ. ಅದು ಬೇರೆ ಯಾರೂ ಅಲ್ಲ. ಎಲ್ಲರಿಗೂ ಗೊತ್ತಿರುವ ನಟಿ ಸಿರಿ ರಾಜು ಅವರು.

ಸ್ಯಾಂಡಲ್ ವುಡ್ ನಲ್ಲೂ ನಟನೆ

ಮಾಡೆಲ್ ಕಮ್ ಕಿರುತೆರೆ ನಟಿಯಾಗಿರುವ ಸಿರಿ ರಾಜು ಅವರು ಕೂಡ ಬಣ್ಣದ ಲೋಕದವರೇ. ಈಗಾಗಲೇ ಕೆಲ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿದ್ದಾರೆ. ವಿಜಯ್ ರಾಘವೇಂದ್ರ ಅವರೊಂದಿಗೆ ಎಫ್ಐಆರ್ 6ಟು6 ಎಂಬ ಸಿನಿಮಾದಲ್ಲಿ ನಟಿಸಿದ್ದರೆ. ಇನ್ನು ನಾಲ್ಕು ವರ್ಷಗಳ ಹಿಂದೆಯೇ ಇದಂ ಪ್ರೇಮಂ ಜೀವನಂ ಎಂಬ ಸಿನಿಮಾದಲ್ಲೂ ನಟಿಸಿದ್ದರು. ಇನ್ನು ಕೆಲ ಧಾರಾವಾಹಿ ಹಾಗೂ ವೆಬ್ ಸೀರೀಸ್ ಗಳಲ್ಲಿ ಸಿರಿ ರಾಜು ಅವರು ನಟಿಸಿದ್ದಾರೆ.

ನಿಶ್ಚಿತಾರ್ಥಕ್ಕೆ ಸಜ್ಜಾದ ಜೋಡಿಗಳು

ಸದ್ಯ ಸಿರಿ ರಾಜು ಮತ್ತು ಸಾಗರ್ ಬಿಳಿಗೌಡ ಈಗ ಪ್ರೇಮ ಲೋಕದಲ್ಲಿದ್ದಾರೆ. ಇಬ್ಬರೂ ಪ್ರೀತಿಸಿ ಈಗ ಮದುವೆಯಾಗುವ ಹಂತವನ್ನೂ ತಲುಪಿದ್ದಾರೆ. ಇಷ್ಟರಲ್ಲೇ ಇಬ್ಬರೂ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದು, ದಿನಾಂಕದ ಬಗ್ಗೆ ಮಾಹಿತಿ ನೀಡಿಲ್ಲ. ಈ ಸಂತಸದ ಸುದ್ದಿಯನ್ನು ಸಿರಿ ರಾಜು ಅವರು ತಮ್ಮ ಇನ್ ಸ್ಟಾಗ್ರಾಂ ಪೇಜ್ ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ನನ್ನ ಬದುಕಿನ ಅತ್ಯತ್ತಮ ವ್ಯಕ್ತಿ ಎಂದು ಪರಿಚಯಿಸಿದ್ದಾರೆ. ಇನ್ನು ಸಾಗರ್ ಬಿಳಿಗೌಡ ಅವರು ಕೂಡ ಇಬ್ಬರ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ.