ಸತ್ಯ ಸೀರಿಯಲ್: ಸತ್ಯಗೆ ಮನೆ ಮುರುಕಿ ಪಟ್ಟ!

ಸತ್ಯಾಗೆ ಮನೆ ಮುರುಕಿ ಎಂದ ಸೀತಾ!

ಪ್ರಸಾದ ತಂದ್ದೀವಲ್ಲ ಇನ್ಯಾಕೆ ಇಲ್ಲೇ ಪ್ರಸಾದ ಮಾಡೋದು ಎಂದು ಕೇಳಿದ್ದಕ್ಕೆ ಸೀತಾ ಕೆಂಡಾಮಂಡಲವಾಗುತ್ತಾಳೆ. ಮನೆಯಿಂದ ಪ್ರಸಾದ ಮಾಡಿಕೊಂಡು ಬರೋದಕ್ಕೆ ಯಾರು ಹೇಳಿದ್ದು ಎಂದು ಕೇಳುತ್ತಾಳೆ. ಆಗ ಸತ್ಯ ಹೇಗೂ ಪೂಜೆ ಮಾಡಿಸುತ್ತಿದ್ದೀವಲ್ಲ. ಹಾಗಾಗಿ ಅಮ್ಮನ ಮನೆಯವರ ಹೆಸರಲ್ಲೂ ಪೂಜೆ ಮಾಡಿಸೋಕೆ ಎನ್ನುತ್ತಾಳೆ. ಈ ಮಾತನ್ನು ಕೇಳಿ ಸೀತಾ, ನೀವು ಮನೆಯಿಂದ ತಂದಿರುವ ಪ್ರಸಾದನಾ ನಾವು ನೈವೇದ್ಯಕ್ಕೆ ಇಡಬೇಕಾ..? ಈಗಲೇ ನಿಮ್ಮ ಮನೆ ನಮ್ಮ ಮನೆ ಅಂತ ಮಾತನಾಡುತ್ತೀಯಾ. ಮನೆಗೆ ಬಂದು ಎರಡು ದಿನ ಆಗಿಲ್ಲ ಆಗಲೇ ಮನೆ ಒಡೆಯುವ ಯೋಜನೆ ನಿನ್ನದು ಎಂದು ಬೈಯುತ್ತಾಳೆ.

ರಿತು ಮಾಡಿದ ಎಡವಟ್ಟು!

ರಾಕಿ ನೀರು ತರಲು ಕಲ್ಯಾಣಿಗೆ ಹೋಗುತ್ತಾನೆ. ಆಗ ರಿತು ಬಂದು ರಾಕಿಯನ್ನು ತಡೆಯುತ್ತಾಳೆ. ನನ್ನನ್ನ ಪ್ರಿತಿಸುತ್ತಿದ್ದೀನಿ ಎಂದು ಒಪ್ಪಿಕೋ ಎಂದು ಬಿಂದಿಗೆ ಹಿಡಿದು ಎಳೆದಾಡುತ್ತಾಳೆ. ರಾಕಿ ಎಷ್ಟು ಹೇಳಿದರೂ ಕೇಳುವುದಿಲ್ಲ. ಆಗ ಆಯ ತಪ್ಪಿ ಬಿಂದಿಗೆ ಕೈಜಾರಿ ಬೀಳುತ್ತದೆ, ರಾಕಿ ರಿತು ಕೈ ಹಿಡಿದು ಬಚಾವ್ ಆಗುತ್ತಾನೆ. ಈ ದೃಶ್ಯವನ್ನು ನೋಡುವ ಕೀರ್ತನಾ ಬಂದು ರಿತುಗೆ ಬೈದು ಕಳಿಸುತ್ತಾಳೆ.

ಸತ್ಯ ಬಗ್ಗೆ ಕೀರ್ತನಾ ವ್ಯಂಗ್ಯ!

ಅಷ್ಟಕ್ಕೆ ಸುಮ್ಮನಿರದ ಕೀರ್ತನಾ, ಯೋಗ್ಯತೆಗೆ ತಕ್ಕಂತೆ ಬಿಹೇವ್ ಮಾಡು. ಸತ್ಯಗೆ ಬುದ್ಧಿ ಇಲ್ಲ. ನಮ್ಮ ಮನೆಯ ಪೂಜೆಗೆ ಇವರನ್ನೆಲ್ಲಾ ಕರೆಸಿದ್ದಾಳೆ. ಸ್ಟೇಟಸ್ ನೋಡಿ ಸಂಬಂಧ ಬೆಳೆಸು. ಲವ್ ಅದು ಇದು ಅಂತೆಲ್ಲಾ ಮುಂದುವರಿದರೆ ಸರಿ ಇರೋದಿಲ್ಲ. ಇನ್ನೊಂದು ಸಲ ರಿತು ಜೊತೆ ಕಂಡರೆ ಗ್ರಹಚಾರ ಬಿಡಿಸುತ್ತಿನಿ ಎಂದು ವಾರ್ನ್ ಮಾಡುತ್ತಾಳೆ. ನೀರು ತಂದು ಕೊಟ್ಟ ರಾಕಿ ನಾವಿನ್ನು ಹೊರಡುತ್ತೀವಿ ಎನ್ನುತ್ತಾನೆ. ಆದರೆ, ಸತ್ಯ ಪೂಜೆ ಮುಗಿಯುವವರೆಗೂ ಇಲ್ಲೇ ಇರಿ ಎಂದು ಬಲವಂತೆ ಮಾಡಿದರೂ ಇಲ್ಲ ಹೊರಡುತ್ತೇವೆ ಎಂದಾಗ, ರಿತು ಸತ್ಯ ಕಿವಿಯಲ್ಲಿ ನಡೆದ ಘಟನೆಯನ್ನೆಲ್ಲಾ ವಿವರಿಸುತ್ತಾಳೆ.

ಕೀರ್ತನಾ ನಡೆಗೆ ಕೋಪಗೊಂಡ ಸತ್ಯ!

ಕೋಪಗೊಳ್ಳುವ ಸತ್ಯ. ರಾಕಿ ನೀನು ನಮ್ಮ ಮನೆಯವನೇ ಈ ಪೂಜೆ ಮುಗಿಯುವವರೆಗೂ ಎಲ್ಲೂ ಹೋಗಬೇಡ. ಯಾರು ಏನು ಹೇಳುತ್ತಾರೋ ನಾನು ನೋಡುತ್ತೀನಿ ಎಂದು, ಕೀರ್ತನಾಳನ್ನು ನೋಡಿಕೊಂಡು ಹೇಳುತ್ತಾಳೆ. ಆದರೆ ರಾಕಿ ಮತ್ತು ಕಾಕ್ರೋಚ್ ಇಲ್ಲ ನಿಮ್ಮ ಫ್ಯಾಮಿಲಿ ಪೂಜೆ ಇದು. ಇನ್ನೊಂದು ಸಲ ಸಿಗುತ್ತೀವಿ ಎಂದು ಹೇಳಿ ಹೊರಟು ಹೋಗುತ್ತಾರೆ.