RCB ಸೋಲುತ್ತಾ ಬರುತ್ತಿರುವುದಕ್ಕೆ 'ಅಗ್ನಿಸಾಕ್ಷಿ' ಅಂತಹ ಧಾರಾವಾಹಿಗಳು ಕಾರಣ.!

ಈಗಲಾದರೂ ಧಾರಾವಾಹಿ ಮುಗಿಸಿ

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ರೋಚಕ ತಿರುವು ಸಿಕ್ಕಿದೆ. ಚಂದ್ರಿಕಾ ಮುಖವಾಡ ಕಳಚಿ ಬಿದ್ದಿದೆ. ಹೀಗಾಗಿ ಈಗ್ಲಾದ್ರೂ ಈ ಧಾರಾವಾಹಿಯನ್ನು ಮುಗಿಸಿ.. ಇಲ್ಲಾಂದ್ರೆ ಅಮ್ಮ ನಮ್ಮ ಕೈಗೆ ರಿಮೋಟ್ ಕೊಡಲ್ಲ.. ನೆಮ್ಮದಿಯಿಂದ ಐಪಿಎಲ್ ನೋಡೋಕಾಗಲ್ಲ ಎಂದು ವೀಕ್ಷಕರೊಬ್ಬರು ಕಲರ್ಸ್ ಕನ್ನಡ ಅಫೀಶಿಯಲ್ ಫೇಸ್ ಬುಕ್ ಪುಟದಲ್ಲಿ ಕಾಮೆಂಟ್ ಮಾಡಿದ್ದಾರೆ.

ಪಕ್ಕದ ಮನೆ ಮಗು ಹುಟ್ಟಿ ಒಂದನೇ ಕ್ಲಾಸ್ ಸೇರಿದರೂ, 'ಅಗ್ನಿಸಾಕ್ಷಿ' ಕಥೆ ಮಾತ್ರ ಮುಂದಕ್ಕೆ ಹೋಗಿಲ್ಲ.!

RCB ಸೋಲಲು ಪ್ರಮುಖ ಕಾರಣ

RCB ಪ್ರತಿ ಬಾರಿ ಸೋಲಲು ಇಂತಹ ಧಾರಾವಾಹಿಗಳೇ ಕಾರಣ. ನಾವು ಪ್ರತಿ ಬಾರಿ ಐಪಿಎಲ್ ನೋಡಬೇಕಾದರೆ, ಪ್ರತಿ ಮನೆಯಲ್ಲೂ ಅಕ್ಕ, ತಂಗಿ, ತಾಯಂದಿರು ನಾವು ಧಾರಾವಾಹಿ ನೋಡಕ್ಕೆ ಬಿಡಲ್ಲ ಅಂತ RCB ಮೇಲೆ ಶಾಪ ಹಾಕಿ ಪ್ರತಿ ಬಾರಿ ಸೋಲುತ್ತಿದ್ದಾರೆ ಎಂಬುದು ವೀಕ್ಷಕರೊಬ್ಬರ ಅಭಿಪ್ರಾಯ.

'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ದೊಡ್ಡ ತಿರುವು: ಚಂದ್ರಿಕಾ ಮುಖವಾಡ ಬಯಲು.!

ರಿಮೋಟ್ ಗಾಗಿ ಕಿತ್ತಾಡುವುದು ತಪ್ಪಲ್ಲ

ಈ ಬಾರಿಯೂ ಮನೆಯಲ್ಲಿ ಐಪಿಎಲ್ ನೋಡೋಕೆ ರಿಮೋಟ್ ಗಾಗಿ ಕಿತ್ತಾಡುವುದು ತಪ್ಪಲ್ಲ... ಹೀಗಾಗಿ ಧಾರಾವಾಹಿಗಳು ಯಾವ್ಯಾವ ಚಾನಲ್ ನಲ್ಲಿ ಬರುತ್ತೋ, ಅವನ್ನೆಲ್ಲಾ ಡಿಲೀಟ್ ಮಾಡಿಸುತ್ತೇನೆ ಎಂದು ವೀಕ್ಷಕರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಬೇಜಾರಾಗಿದೆ

ಈಗಲಾದರೂ ಈ ಧಾರಾವಾಹಿಯನ್ನು ಮುಗಿಸಿ.. ಜನರಿಗೂ ಬೇಜಾರಾಗಿದೆ ಎಂದು ವೀಕ್ಷಕರು ಕಲರ್ಸ್ ವಾಹಿನಿಯನ್ನ ಪರಿಪರಿಯಾಗಿ ಬೇಡಿಕೊಳ್ಳುತ್ತಿದ್ದಾರೆ. 'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ಚಂದ್ರಿಕಾ ಮ್ಯಾಟರ್ ಇಡೀ ಫ್ಯಾಮಿಲಿ ಗೆ ಗೊತ್ತಾಗಿರುವ ಕಾರಣ ಸೀರಿಯಲ್ ಗೆ ಫುಲ್ ಸ್ಟಾಪ್ ಬೀಳುತ್ತೋ, ಇಲ್ವೋ ನೋಡೋಣ.