ಮುಖಪುಟ

ಟಿವಿ

Recommended Video

ನಟ ಶರಣ್ ರಂಗಭೂಮಿ ಕುಟುಂಬದ ಹಿನ್ನೆಲೆಯಿಂದ ಬಂದವರು. ಅವರ ತಾತ ಗುಬ್ಬಿ ವೀರಣ್ಣ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ತಂದೆ ಸ್ವಂತ ನಾಟಕ ಕಂಪನಿಯನ್ನ ನಡೆಸುತ್ತಿದ್ದರು. ತಮ್ಮ ಮಕ್ಕಳನ್ನ ಸಿನಿಮಾ ಕಲಾವಿದರನ್ನ ಮಾಡಬೇಕು ಎಂಬ ಆಸೆಯಿಂದ ರಂಗಭೂಮಿಯನ್ನ ಬಿಟ್ಟು ಸಿನಿ ಇಂಡಸ್ಟ್ರಿಗೆ ಬಂದವರು.

ಇಂದು ಶರಣ್ ಮತ್ತು ಶ್ರುತಿ ಇಬ್ಬರು ಕನ್ನಡ ಚಿತ್ರರಂಗದಲ್ಲಿ ಅಪಾರ ಅಭಿಮಾನಿಗಳನ್ನ ಹೊಂದಿರುವ ಪ್ರತಿಭಾನ್ವಿತ ಕಲಾವಿದರು. ಇತ್ತೀಚಿಗಷ್ಟೆ ನಟ ಶರಣ್ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಈ ವೇಳೆ ಶರಣ್ ಗೆ ಮೊದಲ ಸಲ 10 ರೂಪಾಯಿ ಗೌರವಧನ ನೀಡಿದ ಹಿರಿಯ ನಟ ಯಾರೆಂಬ ಕುತೂಹಲಕಾರಿ ಸಂಗತಿ ಬಹಿರಂಗವಾಗಿದೆ.

ವೀಕೆಂಡ್ ವಿತ್ ರಮೇಶ್ ಶೋಗೆ ಬಂದ ಶರಣ್ ಬಗ್ಗೆ ವೀಕ್ಷಕರು ಏನ್ ಹೇಳುತ್ತಿದ್ದಾರೆ?

ಆಗ ಶರಣ್ ಅವರಿಗೆ ಸುಮಾರು ಎರಡೂವರೆ ವರ್ಷ ವಯಸ್ಸು. ಹಾಸನದಲ್ಲಿ ಸಿದ್ದಲಿಂಗಯ್ಯ ಎಂಬ ನಾಟಕದಲ್ಲಿ ತಂದೆ ಜೊತೆ ಶರಣ್ ಕೂಡ ನಟಿಸಿದ್ದರು. ತಂದೆಗೆ ಶಿಷ್ಯನಾಗಿ ಶರಣ್ ಕಾಮಿಡಿ ಪಾತ್ರ ಮಾಡಿದ್ದರಂತೆ. ಈ ನಾಟಕದ ಬಳಿಕ ಹಿರಿಯ ನಟ, ನಿರ್ಮಾಪಕ ದ್ವಾರಕೀಶ್ ಅವರು ಶರಣ್ ಕೈಯಲ್ಲಿ 10 ನೀಡಿದರಂತೆ.

ಅಂದು ದ್ವಾರಕೀಶ್ ಅವರಿಂದ ಹತ್ತು ರೂಪಾಯಿ ಪಡೆದುಕೊಂಡು ಶರಣ್, ಇಂದು ಸ್ಯಾಂಡಲ್ ವುಡ್ ನಿರ್ಮಾಪಕರಿಂದ ಲಕ್ಷಾಂತರ ರೂಪಾಯಿ ಸಂಭಾವನೆ ಪಡೆಯುವ ನಟನಾಗಿ ಬೆಳೆದಿದ್ದಾರೆ.

ಖುಷಿ, ನೋವು, ಕಣ್ಣೀರು ತುಂಬಿದ ಅಧ್ಯಕ್ಷ ಶರಣ್ ಪ್ರೋಮೋ

ವಿಶೇಷ ಅಂದ್ರೆ ಶರಣ್ ಅವರ ಸಹೋದರಿ ನಟಿ ಶ್ರುತಿ ಅವರಿಗೂ ನಾಯಕಿಯಾಗಿ ಮೊದಲ ಅವಕಾಶ ನೀಡಿದ್ದು ಕೂಡ ದ್ವಾರಕೀಶ್ ಎಂಬುದು ಗಮನಾರ್ಹ. ದ್ವಾರಕೀಶ್ ನಿರ್ಮಾಣದ ಶ್ರುತಿ ಸಿನಿಮಾದಲ್ಲಿ ಹೆಸರು ಬದಲಿಸಿಕೊಂಡ ಶ್ರುತಿ, ಅಲ್ಲಿಂದ ಕನ್ನಡದ ಟಾಪ್ ನಟಿಯಾಗಿ ಬೆಳೆದಿದ್ದು ಈಗ ಇತಿಹಾಸ.