ಜೀ ಕನ್ನಡದಲ್ಲಿ ಶಿವರಾಜ್ ಕುಮಾರ್ 101ನೇ ಚಿತ್ರ

ಗ್ಯಾಲರಿ: ಶಿವ

ಇದೇ ಮೊದಲ ಬಾರಿಗೆ ಶಿವಣ್ಣ ಅಭಿನಯದ ಶಿವ ಚಿತ್ರ ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿದೆ. ಮೂಲಗಳ ಪ್ರಕಾರ ಈ ‌ಚಿತ್ರದ ಸ್ಯಾಟಲೈಟ್ ರೈಟ್ಸನ್ನು ಜೀ ಕನ್ನಡ ವಾಹಿನಿ ಸರಿಸುಮಾರು ರು.2.5 ಕೋಟಿಗೆ ಖರೀದಿಸಿತ್ತು. ಶಿವಣ್ಣ ಅಭಿನಯದ ಎಲ್ಲಾ ಚಿತ್ರಗಳ ಟಿವಿ ರೈಟ್ಸ್ ಗಳಲ್ಲೇ ಇದು ಅತ್ಯಧಿಕ ಎನಿಸಿದೆ.

ಶಿವಣ್ಣ ಹಾಗೂ ಓಂ ಪ್ರಕಾಶ್ ಸಂಗಮದ 'AK-47' ಚಿತ್ರ ಸೂಪರ್ ಹಿಟ್ ಆಗಿತ್ತು. ಆ ಕಾರಣಕ್ಕೇ ಈ ಚಿತ್ರವನ್ನು ಖರೀದಿ ಮಾಡಿದ್ದಾಗಿ ಜೀ ಕನ್ನಡ ವಾಹಿನಿ ಹೇಳಿಕೊಂಡಿತ್ತು. ಓಂ ಪ್ರಕಾಶ್ ರಾವ್ ಡೈರೆಕ್ಷನ್ ಎಂದರೆ ಕೇಳಬೇಕೆ, ಅದೆಲ್ಲಿಂದಲೋ ಅದೇನನ್ನೋ ಎತ್ತಿಕೊಂಡು ಇನ್ನೇನನ್ನೋ ಮಾಡಿರುತ್ತಾರೆ. ಶಿವ ಚಿತ್ರದ ಚಿತ್ರ ವಿಮರ್ಶೆ ಓದಿ.

ಶಿವರಾಜ್ ಕುಮಾರ್ ಅವರ ಸ್ಟೈಲಿಶ್ ಅಭಿನಯ, ರಾಗಿಣಿ ದ್ವಿವೇದಿ ಅವರ ಗ್ಲಾಮರ್, ಒಂದಷ್ಟು ಫೈಟ್ಸ್, ಇನ್ನೊಂದಿಷ್ಟು ಹಾಡು ಮಸಾಲೆ ಚಿತ್ರದಲ್ಲಿ ಇದ್ದೇ ಇದೆ. ಥಿಯೇಟರ್ ನಲ್ಲಿ ಶಿವ ಚಿತ್ರವನ್ನು ಮಿಸ್ ಮಾಡಿಕೊಂಡಿದ್ದರೆ ಶನಿವಾರ ಜೀ ಕನ್ನಡದಲ್ಲಿ ನೋಡಿ ಆನಂದಿಸಬಹುದು. (ಒನ್ಇಂಡಿಯಾ ಕನ್ನಡ)