ಮನೆಗೆ ವಾಪಸ್ ಬಂದ್ಮೇಲೆ ಪತ್ನಿಯಿಂದ ದಿವಾಕರ್ ಗೆ ಕಾದಿತ್ತು ಶಾಕಿಂಗ್ ನ್ಯೂಸ್.! ಏನದು.?

ದಿವಾಕರ್ ಗೆ ಸಿಕ್ತು ಕಹಿ ಸುದ್ದಿ.!

ದಿವಾಕರ್ ಹಾಗೂ ಪತ್ನಿ ಮಮತಾ ಎರಡನೇ ಮಗುವನ್ನು ನಿರೀಕ್ಷೆ ಮಾಡುತ್ತಿದ್ದರು. 'ಬಿಗ್ ಬಾಸ್' ಮನೆಯೊಳಗೆ ದಿವಾಕರ್ ಹೋಗುವ ಮುನ್ನ ಪತ್ನಿ ಮಮತಾ ಗರ್ಭಿಣಿ ಆಗಿದ್ದರು. ಆದ್ರೆ, 'ದೊಡ್ಮನೆ'ಯೊಳಗೆ ದಿವಾಕರ್ ಬಂಧಿಯಾಗಿದ್ದಾಗ ಪತ್ನಿ ಮಮತಾ ಅನಾರೋಗ್ಯಕ್ಕೆ ಒಳಗಾದರು. ಇದರಿಂದ ಗರ್ಭಪಾತ ಉಂಟಾಯಿತು. ಈ ವಿಚಾರ ದಿವಾಕರ್ ಅವರಿಗೆ ಗೊತ್ತಾಗಿದ್ದು 'ಬಿಗ್ ಬಾಸ್' ಮನೆಯಿಂದ ಹೊರಗೆ ಬಂದ್ಮೇಲೆ.!

ಒಳಗೆ ಹೋಗಿದ್ದಾಗ ಹೇಳಲಿಲ್ಲ.!

'ಬಿಗ್ ಬಾಸ್' ಮನೆಯೊಳಗೆ ಪತ್ನಿ ಮಮತಾ ಹೋಗಿದ್ದಾಗ, ಈ ಸಂಗತಿಯನ್ನ ದಿವಾಕರ್ ಅವರಿಗೆ ಹೇಳಿರಲಿಲ್ಲ. ಎರಡನೇ ಮಗುವಿನ ಕುರಿತಾಗಿ ದಿವಾಕರ್ ಪದೇ ಪದೇ ಕೇಳುತ್ತಿದ್ದರೂ, ಬೇಸರ ಮಾಡಿಕೊಳ್ಳುತ್ತಾರೆ ಎಂಬ ಕಾರಣಕ್ಕೆ ಪತ್ನಿ ಮಮತಾ ಬಹಿರಂಗ ಪಡಿಸಿರಲಿಲ್ಲ.

ದಿವಾಕರ್ ಗೆ ಸತ್ಯ ಗೊತ್ತಾಗಿದೆ

ತಮ್ಮ ಪತ್ನಿಗೆ ಗರ್ಭಪಾತ ಆಗಿರುವ ವಿಷಯ ಸದ್ಯ ದಿವಾಕರ್ ಗೆ ಗೊತ್ತಾಗಿದೆ. ''ವಿಷಯ ಕೇಳಿ ತುಂಬಾ ಬೇಜಾರು ಆಯ್ತು. ಕೊಡುವುದು, ತೆಗೆದುಕೊಳ್ಳುವುದು ಎರಡೂ ದೇವರೇ. ಹೆಣ್ಣು ಮಗು ಆಗಬೇಕು ಅಂತ ಕನಸು ಕಂಡಿದ್ದೆ. ಆದ್ರೆ ಹೀಗಾಗಿರುವುದು ತುಂಬಾ ಬೇಸರ ತಂದಿದೆ'' ಎಂದಿದ್ದಾರೆ ದಿವಾಕರ್. ಸದ್ಯ ದಿವಾಕರ್ ಹಾಗೂ ಪತ್ನಿ ಮಮತಾಗೆ ಗಂಡು ಮಗು ಇದೆ.

ಸಿನಿಮಾ ಆಫರ್ ಬರ್ತಿದ್ಯಂತೆ.!

'ಬಿಗ್ ಬಾಸ್' ಮನೆಯಿಂದ ಹೊರಗೆ ಬಂದ್ಮೇಲೆ, ದಿವಾಕರ್ ಅವರಿಗೆ ಸಿನಿಮಾ ಹಾಗೂ ಸೀರಿಯಲ್ ಆಫರ್ ಬರ್ತಿದ್ಯಂತೆ. ಆದ್ರೆ, ಇನ್ನೂ ಯಾವ ನಿರ್ಧಾರ ಕೂಡ ತೆಗೆದುಕೊಂಡಿಲ್ಲ ಅಂತಾರೆ ದಿವಾಕರ್.

ಕೋಪ ಕಮ್ಮಿ ಆಗಿದೆ

'ಬಿಗ್' ಮನೆಯಲ್ಲಿ ಇದ್ದು ಬಂದ್ಮೇಲೆ, ದಿವಾಕರ್ ಅವರಿಗೆ ಕೋಪ ಕಮ್ಮಿ ಆಗಿದ್ಯಂತೆ. ಹಾಗೇ, ತಾಳ್ಮೆ ಕೂಡ ಜಾಸ್ತಿ ಆಗಿದೆ ಅಂತಾರೆ ದಿವಾಕರ್.