ಜೀ‌ ಕನ್ನಡದಲ್ಲಿ ಬರುತ್ತಿರುವ ಶ್ರೀರಸ್ತು ಶುಭಮಸ್ತು ಯಾವ ಧಾರಾವಾಹಿಯ ರೀಮೇಕ್ ಗೊತ್ತಾ?

ಮೊದಲ ಬಾರಿ ಕಿರುತೆರೆಯಲ್ಲಿ ಸುಧಾರಾಣಿ

'ಶ್ರೀ ರಸ್ತು ಶುಭ ಮಸ್ತು' ಧಾರಾವಾಹಿ ಮೂಲಕ ಸುಧಾರಾಣಿಯವರು ಇದೇ ಮೊದಲ ಬಾರಿಗೆ ಕಿರುತೆರೆಯಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಸೀರಿಯಲ್‌ಗೆ ಮೊದಲು ನಟಿ ಮಾಲಾಶ್ರೀ ಹಾಗೂ ತಾರಾ ಅವರನ್ನು ಒಪ್ಪಿಸಲು ಯತ್ನ ನಡೆಸಲಾಗಿತ್ತು. ತದನಂತರ ಕೆಲವು ಕಾರಣಗಳಿಂದ ನಟಿ ಸುಧಾರಾಣಿ ಅವರನ್ನೇ ಫೈನಲ್ ಮಾಡಲಾಯಿತು ಎಂಬ ಸುದ್ದಿಯೂ ಇದೆ.

ಮರಾಠಿಯಲ್ಲಿ ಟಿಆರ್‌ಪಿ ಗಳಿಸಿರುವ ಧಾರಾವಾಹಿ

ಮರಾಠಿಯಲ್ಲಿಯೂ ಸಹ ಈ ಧಾರಾವಾಹಿ ಸಾಕಷ್ಟು ಟಿಆರ್‌ಪಿ ಗಳಿಸಿದೆ. ಜೀ ಕನ್ನಡದಲ್ಲೂ ಸಹ ಈ ಧಾರಾವಾಹಿ ಸಾಕಷ್ಟು ಸದ್ದು ಮಾಡುತ್ತಿದೆ. ಕ್ಷಣ ಕ್ಷಣವೂ ಕುತೂಹಲವನ್ನು ಹೆಚ್ಚಿಸುವ ಮೂಲಕ ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಳ್ಳುತ್ತಿದೆ. ಇನ್ನೂ ಅತ್ತೆ ಸೊಸೆಯ ಪಾತ್ರ ಈ ಧಾರಾವಾಹಿಯಲ್ಲಿ ತುಂಬಾ ಚೆನ್ನಾಗಿ ಬರುತ್ತಿದೆ. ಮುಂದೆ ಸೊಸೆಯೇ ಅತ್ತೆಗೆ ಮದುವೆ ಮಾಡಿಸುತ್ತಾಳೆ ಎಂಬೆಲ್ಲಾ ಮಾತುಗಳು ಕೇಳಿ ಬರುತ್ತಿವೆ.

ಭಿನ್ನವಾಗಿದೆ ಧಾರಾವಾಹಿಯ ಕತೆ

ಇದಕ್ಕೆ ಮನೆಯ ಯಜಮಾನನಾಗಿರುವ ದತ್ತ ಒಪ್ಪುತ್ತಾನಾ ಇಲ್ವ ಎಂಬುದೇ ಇಲ್ಲಿ ಯಕ್ಷಪ್ರಶ್ನೆಯಾಗಿ ಉಳಿದುಕೊಂಡಿದೆ. ಇನ್ನೂ ದತ್ತ ಒಪ್ಪಿದರೂ ಸಹ ಮನೆಯ ಮಗ ಅಮ್ಮನ ಮರು ಮದುವೆಗೆ ಒಪ್ಪುತ್ತಾನಾ ಎಂಬೆಲ್ಲಾ ಕುತೂಹಲಗಳು ಸಹ ಈ ಧಾರಾವಾಹಿ ಹಿಡಿದಿಟ್ಟುಕೊಂಡಿದೆ. 'ಪಾರು', 'ಹಿಟ್ಲರ್ ಕಲ್ಯಾಣ', 'ಪುಟ್ಟಕ್ಕನ ಮಕ್ಕಳು', 'ಗಟ್ಟಿಮೇಳ', 'ಜೊತೆ ಜೊತೆಯಲಿ', 'ಸತ್ಯ', 'ನಾಗಿಣಿ' ಧಾರಾವಾಹಿಗಳಿಗಿಂತ ಇದರ ಕಥೆ ಕೊಂಚ‌ ಭಿನ್ನವಾಗಿದೆ ಎಂದು ಪ್ರೇಕ್ಷಕರೇ ಮಾತನಾಡಿಕೊಳ್ಳುತ್ತಿದ್ದಾರೆ.