'ತಕಧಿಮಿತ' ಶೋದಿಂದ ಶ್ರುತಿ ಪ್ರಕಾಶ್ ನಿರ್ಗಮನ, ಕವಿತಾ ಗೌಡ ಆಗಮನ.!

ಶ್ರುತಿ ಪ್ರಕಾಶ್ ಕ್ವಿಟ್ ಮಾಡಿದ್ಯಾಕೆ.?

'ತಕಧಿಮಿತ' ಕಾರ್ಯಕ್ರಮದ ಮೊದಲ ಸಂಚಿಕೆ ಮುಗಿದಾಗಲೇ ನಟಿ ಶ್ರುತಿ ಪ್ರಕಾಶ್ ರವರ ಕಾಲಿಗೆ ಪೆಟ್ಟಾಗಿತ್ತು. ಲಿಗಮೆಂಟ್ ಟೇರ್ ಆದ ಕಾರಣ ಡ್ಯಾನ್ಸ್ ಮಾಡದಂತೆ ಆಕೆಗೆ ವೈದ್ಯರು ಸೂಚಿಸಿದ್ದಾರೆ. ಹೀಗಾಗಿ ಈ ಡ್ಯಾನ್ಸ್ ರಿಯಾಲಿಟಿ ಶೋದಿಂದ ಶ್ರುತಿ ಪ್ರಕಾಶ್ ಹೊರ ಬಂದಿದ್ದಾರೆ.

ಶ್ರುತಿ ಜಾಗಕ್ಕೆ ಬಂದ ಕವಿತಾ ಗೌಡ

ನಟಿ ಶ್ರುತಿ ಪ್ರಕಾಶ್ ಬಿಟ್ಟು ಹೋದ ಜಾಗಕ್ಕೆ ಇದೀಗ ನಟಿ ಕವಿತಾ ಗೌಡ ಎಂಟ್ರಿ ಕೊಟ್ಟಿದ್ದಾರೆ. ಕಿರುತೆರೆಯಲ್ಲಿ ಚಿನ್ನು ಅಂತಲೇ ಖ್ಯಾತಿ ಪಡೆದಿರುವ ಕವಿತಾ ಗೌಡ ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.

ಗೊಂಬೆ-ಚಿನ್ನು ನಡುವೆ ಟಕ್ಕರ್

ಈ ಹಿಂದೆ 'ಲಕ್ಷ್ಮಿ ಬಾರಮ್ಮ' ಧಾರಾವಾಹಿಯಲ್ಲಿ ಗೊಂಬೆ ಖ್ಯಾತಿಯ ನೇಹಾ ಗೌಡ ಮತ್ತು ಚಿನ್ನು ಖ್ಯಾತಿಯ ಕವಿತಾ ಗೌಡ ತೆರೆ ಹಂಚಿಕೊಂಡಿದ್ದರು. ಇದೀಗ 'ತಕಧಿಮಿತ' ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ಇಬ್ಬರ ಮಧ್ಯೆ ಸ್ಪರ್ಧೆ ಏರ್ಪಟ್ಟಿದೆ.

ಮೊದಲ ಪರ್ಫಾರ್ಮೆನ್ಸ್ ನಲ್ಲೇ ತೀರ್ಪುಗಾರರ ಮನಗೆದ್ದ ಕವಿತಾ

ಮೊದಲ ಪರ್ಫಾರ್ಮೆನ್ಸ್ ನಲ್ಲೇ ಕವಿತಾ ಮತ್ತು ದೀಕ್ಷಿತ್ ಜೋಡಿ ತೀರ್ಪುಗಾರರ ಮನ ಗೆಲ್ಲುವಲ್ಲಿ ಯಶಸ್ವಿಯಾದರು. ಸಂಚಿಕೆ ಮುಗಿಯುವ ಹೊತ್ತಿಗೆ ಕವಿತಾ ಮತ್ತು ದೀಕ್ಷಿತ್ ಜೋಡಿ ಮೂರನೇ ಸ್ಥಾನ ಪಡೆದುಕೊಂಡು ಸೇಫ್ ಝೋನ್ ಸೇರಿದರು.