ಅಸಭ್ಯವಾಗಿ ಮಾತನಾಡಿದ ವ್ಯಕ್ತಿಗೆ ಬುದ್ಧಿ ಹೇಳಿದ ಶುಭಾ ಪೂಂಜಾ!

ನಟಿ ಶುಭಾ ಪೂಂಜಾ ಬಗ್ಗೆ ಅಸಭ್ಯ ಕಮೆಂಟ್‌ಗಳು, ಕೆಟ್ಟ ರೀತಿಯ ಕಮೆಂಟ್‌ಗಳು, ಪೋಸ್ಟ್‌ಗಳು ಸಾಮಾಜಿಕ ಜಾಲತಾಣದಲ್ಲಿ ಹಾಕುತ್ತಲೇ ಇರುತ್ತಾರೆ ಕೆಲವು ಕಿಡಿಗೇಡಿಗಳು.

ಇದೀಗ ನಟಿ ಶುಭಾ ಪೂಂಜಾ ಬಿಗ್‌ಬಾಸ್ ಮನೆಗೆ ಹೋಗಿದ್ದಾರೆ. ತಮ್ಮ ಪ್ರೀತಿ ತುಂಬಿದ ಮನಸ್ಸಿನಿಂದ ಎಲ್ಲರ ಹೃದಯ ಗೆಲ್ಲುತ್ತಿದ್ದಾರೆ. ಆದರೆ ಶುಭಾ ರ ದೇಹದ ಬಗ್ಗೆ ಅಸಭ್ಯವಾಗಿ ಮಾತನಾಡುವವರು ತಮ್ಮ ಅಸಭ್ಯತೆ ಮೆರೆಯುತ್ತಲೇ ಇದ್ದಾರೆ.

ಶುಭಾ ಪೂಂಜಾ ಅವರ ಚಿತ್ರಕ್ಕೆ ಕೆಟ್ಟದಾಗಿ ಕಮೆಂಟ್ ಮಾಡಿದ ವ್ಯಕ್ತಿಗೆ ಸಮಾಧಾನದಿಂದಲೇ ಉತ್ತರ ನೀಡಿದ್ದಾರೆ ಶುಭಾ ಪೂಂಜಾ!

ಶುಭಾ ಬಗ್ಗೆ ಕಟ್ಟದಾಗಿ ಕಮೆಂಟ್ ಮಾಡಿದ ವ್ಯಕ್ತಿಗೆ, 'ನಿನ್ನ ಅಕ್ಕ-ತಂಗಿಗೆ ಇದೇ ರೀತಿ ಕಮೆಂಟ್ ಮಾಡಬಲ್ಲೆಯಾ' ಎಂದು ಶುಭಾ ಪೂಂಜಾ ತಂಡದವರು ರಿಪ್ಲೈ ಮಾಡಿದ್ದಾರೆ. ಕೆಟ್ಟದಾಗಿ ಕಮೆಂಟ್ ಮಾಡಿದ ವ್ಯಕ್ತಿ ಕೆಲವೇ ಕ್ಷಣಗಳಲ್ಲಿ ತನ್ನ ಅಸಭ್ಯ ಕಮೆಂಟ್ ಅನ್ನು ಡಿಲೀಟ್ ಮಾಡಿದ್ದಾರೆ.

ಶುಭಾ ಪೂಂಜಾ ಅವರು ಬಿಗ್‌ಬಾಸ್ ಮನೆಯಲ್ಲಿ ಬಹಳ ಚೆನ್ನಾಗಿ ಆಟವಾಡುತ್ತಿದ್ದಾರೆ. ತಮ್ಮ ಮಾನವೀಯ ಹೃದಯದಿಂದ, ನೇರವಾದ ಮಾತುಗಳಿಂದ ಗಮನ ಸೆಳೆಯುತ್ತಿದೆ.