Don't Miss!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿಗೆ ಬಿಜೆಪಿಯ ಹೊಸ ಸಂಗಾತಿಯನ್ನ ಕೇಳಿ ಎಂದು ಟಾಂಗ್ ಕೊಟ್ಟ ಸಿದ್ದರಾಮಯ್ಯ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಟ್ಟದ ಹೂ: ರಾಹುಲ್ ಹೂವಿಗೆ ಕೊಟ್ಟ ಸೀರೆಯಿಂದ ಮಾಲಿನಿ ಮತ್ತೊಂದು ಯುದ್ಧ ಶುರು ಮಾಡುತ್ತಾಳಾ..?
ರಾಹುಲ್ ಈಗ ಮೊದಲಿನಂತೆ ಇಲ್ಲ. ನೋಡುಗರಿಗೆ ಅದಂತು ಖುಷಿ ಕೊಟ್ಟಿದೆ. ಹೂವಿ ಕಂಡರೆ ಯಾವಾಗಲೂ ಸಿಡುಕು ಮೂತಿ ಸಿಂಗಪ್ಪ ಆಡಿದಂತೆ ಆಡುತ್ತಿದ್ದ ರಾಹುಲ್ ಇದೀಗ ಕಂಪ್ಲೀಟ್ ಬದಲಾಗಿದ್ದಾನೆ. ಹೂವಿ ತ್ಯಾಗಕ್ಕೆ ಇಷ್ಟು ಬದಲಾಗದೆ ಇದ್ದರೆ ಹೇಗೆ. ರಾಹುಲ್ಗೆ ಹೂವಿ ಕಂಡರೆ ಕಾಳಜಿ, ಸಿಂಪತಿ ಹುಟ್ಟಿಕೊಂಡಿದೆ. ಈ ಕಾರಣದಿಂದಲೇ ಹೂವಿಯನ್ನು ಕಾಳಜಿ ಮಾಡಲು ಶುರು ಮಾಡಿದ್ದಾನೆ.
ರಾಹುಲ್ ಮನೆಯವರೆಲ್ಲಾ ಹೂವಿಯನ್ನು ತಮ್ಮ ಮನೆ ಮಗಳಂತೆಯೇ ನೋಡುತ್ತಿದ್ದರು. ಆದರೆ ರಾಹುಲ್ ಅದರಿಂದ ಹೊರತಾಗಿದ್ದ. ಆದರೆ ಈಗ ರಾಹುಲ್ ಕೂಡ ಹೂವಿಯನ್ನು ತಮ್ಮ ಮನೆಯಲ್ಲಿ ಒಬ್ಬಳು ಎಂಬಂತೆ ಕಾಣುತ್ತಿದ್ದಾನೆ. ಇದು ಹೂವಿಗೆ ಒಂದಷ್ಟು ಸಂತಸವನ್ನು ಹೆಚ್ಚು ಮಾಡಿದೆ. ಪ್ರೀತಿ ಇಲ್ಲದೆ ಇದ್ದರು ಕಾಳಜಿ ಕೊಡುತ್ತಿದ್ದಾರಲ್ಲ ಎಂದು ಖುಷಿ ಪಡುತ್ತಿದ್ದಾಳೆ.
ಸಿಡಿದೆದ್ದ ಅನು ಸಿರಿಮನೆ, ಮುಂದೈತೆ ಮಾರಿ ಹಬ್ಬ!
ರಾಹುಲ್ಗೆ ಹೂವಿ ಮೇಲೆ ಕಾಳಜಿ
ರಾಹುಲ್ಗೆ ಕ್ಲಾರಿಟಿ ಇದೆ. ನಾನು ಹೂವಿಯನ್ನು ಯಾಕೆ ಇಷ್ಟ ಪಡುತ್ತಿರಬಹುದು ಎಂಬುದು ಗೊತ್ತಿದೆ. ಅದನ್ನು ಹೂವಿಗೂ ಈಗಾಗಲೇ ಹೇಳಿದ್ದಾನೆ. ನಾನು ಗಂಡನ ಸ್ಥಾನವನ್ನು ಕೊಡಲು ಸಾಧ್ಯವಿಲ್ಲ. ಒಳ್ಳೆ ಫ್ರೆಂಡ್ ಆಗಿರುತ್ತೀನಿ ಅಂತ. ರಾಹುಲ್ ಅದೇ ರೀತಿಯಲ್ಲಿಯೇ ನಡೆದುಕೊಳ್ಳುತ್ತಿದ್ದಾನೆ. ಹೂವಿಯನ್ನು ಒಬ್ಬ ಒಳ್ಳೆ ಫ್ರೆಂಡ್ ಆಗಿಯೇ ಕಾಣುತ್ತಿದ್ದಾನೆ. ರಾಹುಲ್ ಮನಸ್ಸಲ್ಲಿ ಮಾಲಿನಿಗೆ ಬಿಟ್ಟರೆ ಬೇರೆ ಯಾರಿಗೂ ಹೆಂಡತಿಯ ಸ್ಥಾನ ಇಲ್ಲ. ಹೂವಿ ಚನ್ನವಲ್ಸೆ ಬಿಟ್ಟು ಇಲ್ಲಿಗೆ ಬರುವಾಗ ಆ ಕನಸನ್ನು ಮರೆತಿಯೇ ಬಂದಿದ್ದಾಳೆ. ಹೀಗಾಗಿ ರಾಹುಲ್ ಕೋಪ ಮಾಡಿಕೊಂಡರು ಹೆಚ್ಚು ತಲೆ ಕೆಡಿಸಿಕೊಳ್ಳುತ್ತಿರಲಿಲ್ಲ.
ಸ್ನೇಹಾ ಊಟಕ್ಕೆ ಬಾರದೆ ಇದ್ದರೂ ಕಂಠಿಗೆ ತಪ್ಪಿಲ್ಲ ಕಂಟಕ..!
ರಾಹುಲ್ ಮೇಲೆ ಹೂವಿಗೆ ಪ್ರೀತಿ ಹುಟ್ಟುತ್ತಾ?
ಹೂವಿಗೆ ರಾಹುಲ್ ಮಾತನಾಡಿಸುವುದಕ್ಕೂ ಭಯ ಆಗುತ್ತಿತ್ತು. ರಾಹುಲ್ ಕೂಡ ಅಷ್ಟೇ ಮಾತಿಗೆ ಮುಂಚೆ ಹೂವಿ ಕಂಡರೆ ಕೋಪವನ್ನೇ ಮಾಡಿಕೊಳ್ಳುತ್ತಿದ್ದ. ಆದರೆ ಅದೊಂದು ಘಟನೆ ಇದೀಗ ರಾಹುಲ್ನನ್ನು ಸಂಪೂರ್ಣವಾಗಿ ಬದಲು ಮಾಡಿದೆ. ಹೂವಿ ಬಳಿ ಸಮಾಧಾನ ಮಾತುಗಳನ್ನು ಆಡುತ್ತಾನೆ. ತಮಾಷೆ ಮಾಡುತ್ತಾನೆ, ನಗುತ್ತಾನೆ, ನಗಿಸುತ್ತಿದ್ದಾನೆ. ಇದು ಹೂವಿಗೆ ಇನ್ನಿಲ್ಲದೆ ಖುಷಿ ತಂದಿದೆ. ರಾಹುಲ್ ಕೊನೆ ತನಕ ನನ್ನ ಗಂಡ ಎಂದು ಕೊಂಡಿರುವ ಹೂವಿ ಈ ಕಾಳಜಿಯನ್ನೇ ಪ್ರೀತಿ ಎಂದುಕೊಳ್ಳುವ ಸಾಧ್ಯತೆಯೂ ಇದೆ. ಈ ಪ್ರೀತಿಗೆ ಬಿದ್ದು, ರಾಹುಲ್ ಕಡೆಯಿಂದ ಬಯಸಿದ ಪ್ರೀತಿ ಸಿಗದೆ ಹೋದರೆ ಮತ್ತೆ ನೋವು ತಿನ್ನುವ ಸಾಧ್ಯತೆ ಹೆಚ್ಚಾಗಿದೆ.
ರಾಹುಲ್ ಉಡುಗೊರೆ ಕಂಡು ಹೂವಿ ಭಾವುಕ
ಈ ಮೊದಲೇ ಹೇಳಿದಂತೆ ರಾಹುಲ್ ಹೂವಿಯನ್ನು ತನ್ನ ಮನೆಯಲ್ಲಿ ಒಬ್ಬಳಂತೆ ಕಾಣುತ್ತಿದ್ದಾಳೆ. ಇದೇ ಕಾರಣಕ್ಕೆ ಹೂವಿಗೆ ಸೀರೆಯೊಂದನ್ನು ಗಿಫ್ಟ್ ಆಗಿ ತಂದುಕೊಟ್ಟಿದ್ದಾನೆ. ಆ ಸೀರೆಯನ್ನು ಸರ್ಪೈಸ್ ಆಗಿ ತಂದಿದ್ದ ರಾಹುಲ್, ಈ ಸೀರೆ ನಿನಗೇನೆ ಎಂದಾಗ ಹೂವಿ ಶಾಕ್ ಆಗಿದ್ದಾಳೆ. ಒಂದು ಕ್ಷಣ ಖುಷಿ ಪಟ್ಟರೂ, ಇಷ್ಟು ದೊಡ್ಡ ಮೊತ್ತದ ಸೀರೆ ನನಗೆ ಬೇಡ ಎಂದಿದ್ದಾಳೆ. ನಮ್ಮ ಅರ್ಹತೆ ಮೀರಿ ಉಡುಗೊರೆಗೆ ಆಸೆ ಪಡುವುದು ಬೇಡ ಎಂದಿದ್ದಾಳೆ. ಆದರೆ ಆ ಕ್ಷಣ ರಾಹುಲ್ ಅದೆಷ್ಟು ಅದ್ಭುತವಾಗಿ ಹೂವಿಯ ಮನಸ್ಸಿಗೆ ನಾಟುವಂತೆ ಹೇಳಿದ್ದಾನೆ ಎಂದರೆ, ನಿನ್ನ ಯೋಗ್ಯತೆ ಈ ಮನೆಯಲ್ಲಿ ದೊಡ್ಡಮಟ್ಟದಲ್ಲಿಯೇ ಇದೆ. ನಮ್ಮ ಯೋಗ್ಯತೆಯನ್ನು ನಾವೇ ಅಳೆದುಕೊಳ್ಳಬಾರದು. ಅದನ್ನು ಅಕ್ಕ ಪಕ್ಕ ಇರುವವರು ಅಳೆಯುತ್ತಾರೆ. ನಾವು ಹಾಕುವ ಬಟ್ಟೆ ಮೇಲೆ ಅದನ್ನು ಅಳೆಯುತ್ತಾರೆ. ನನ್ನ ಮೇಲೆ ಪ್ರೀತಿ ಇದ್ದರೆ ಈ ಸೀರೆ ತೆಗೆದುಕೊಳ್ಳಬೇಕು ಎಂದಾಗ ಹೂವಿಯ ಮನಸ್ಸು ಕರಗಿ ನೀರಾಗಿತ್ತು. ಸೀರೆಯನ್ನು ತೆಗೆದುಕೊಂಡು ಅಷ್ಟೇ ಭಾವುಕಳಾದಳು. ಎಷ್ಟೇ ಆಗಲಿ ಗಂಡ ಕೊಡಿಸಿದ ಮೊದಲ ಸೀರೆಯಲ್ಲವೇ.
'ಅರ್ಧಾಂಗಿ'ಗೆ ರಾಯಬಾರಿ ಪ್ರಿಯಾಂಕ ಉಪೇಂದ್ರ
ತಾಯಿಯಂತೆ ಮಾಲಿನಿ ರಂಪಾ ರಾದ್ಧಾಂತ!
ಈಗಾಗಲೇ ಹೂವಿಯ ವಿಚಾರವಾಗಿಯೇ ರಾಹುಲ್ ಮನೆಯಲ್ಲಿ ದೊಡ್ಡ ಯುದ್ಧವೇ ನಡೆದು ಹೋಗಿದೆ. ಅದು ಹೂವಿಯನ್ನು ಮಾಲಿನಿ ತಂದೆ ಕಾಳಜಿ ಮಾಡಿದ್ದರ ಉದ್ದೇಶವಷ್ಟೇ. ಮಂದ್ರಾ ಹಿಂದೂ ಮುಂದು ನೋಡದೆ, ನಾನು ಯಾರ ಮನೆಯಲ್ಲಿ ಇದ್ದೀನಿ ಎಂಬ ಪರಿವೂ ಇಲ್ಲದೆ ಜಗಳ ಶುರು ಮಾಡಿಕೊಂಡಿದ್ದಳು. ಹೋಗುವಾಗ ಮಗಳು ಮಾಲಿನಿ ತೆಲೆಗೂ ಒಂದಷ್ಟು ಹುಳ ಬಿಟ್ಟು ಹೋಗಿದ್ದಾಳೆ. ರಾಹುಲ್ ಮೊದಲಿಗೆ ಹೂವಿಗೆ ಕೊಡುವ ಸೀರೆಯನ್ನು ತಂದು ಬೆಡ್ ಮೇಲೆ ಇಟ್ಟಿದ್ದ. ಆ ಸೀರೆಯನ್ನು ನೋಡಿದ್ದ ಮಾಲಿನಿ ಇದು ನನಗೋಸ್ಕರವೇ ತಂದ ಸೀರೆ ಎಂದುಕೊಂಡಿದ್ದಳು. ಆದರೆ ಈಗ ಅದು ಹೂವಿಯ ಕೈ ಸೇರಿದೆ. ಹೂವಿ ಸೀರೆಯುಟ್ಟು ಬಂದಾಗ ಮಾಲಿನಿ ಮತ್ತೊಂದು ಯುದ್ಧ ಶುರು ಮಾಡಿದರೂ ಮಾಡಬಹುದು.