ವೀಳ್ಯದೆಲೆ, ಬನಾನ, ನವಿಲು: ಅಬ್ಬಬ್ಬಾ ಶಾಲಿನಿ ಬಳಿ ಇರುವ ಬ್ಲೌಸ್ ಒಂದೊಂದ್ ಅಲ್ಲ..!

ಬಾಳೆಗೊನೆಯಲ್ಲೂ ಬ್ಲೌಸ್ ಮಾಡಬಹುದು

ಹೆಡ್ಲೈನ್ ನೋಡಿ ಒಂದು ಕ್ಷಣ ಶಾಕ್ ಆಗಿರುತ್ತೀರಿ ಎಂಬುದು ಕನ್ಫರ್ಮ್ ಆಗಿದೆ. ಬಾಳೆಗೊನೆ ಬ್ಲೌಸ್ ಹಾಕಿಕೊಳ್ಳಬೇಕು ಅಂತ ತೋಟದ ಕಡೆಗೆ ಹೋಗಿ ಬಾಳೆಗೊನೆ ಕಿತ್ತು ತಂದಿರಾ..? ಅದಕ್ಕೂ ಮುನ್ನ ಸ್ಟೋರಿಯನ್ನೊಮ್ಮೆ ಓದಿ ಬಿಡಿ. ಶಾಲಿನಿ ಅವರು ಈ ವಾರದ ಸೂಪರ್ ಸ್ಟಾರ್ ಸಂಚಿಕೆಯಲ್ಲಿ ಬನಾನ ಬ್ಲೌಸ್ ಎಂದರೆ ಬಾಳೆಗೊನೆ ಬ್ಲೌಸ್ ತೊಟ್ಟಿದ್ದರು. ಅದು ವಿಭಿನ್ನತೆಯಿಂದ ಕೂಡಿತ್ತು. ಬ್ಲೌಸ್ ಪೀಸ್ ನಲ್ಲಿಯೇ ಸ್ಟೆಪ್ ಬೈ ಸ್ಟೆಪ್ ಆ ಬ್ಲೌಸ್ ಡಿಸೈನ್ ಮಾಡಲಾಗಿದೆ. ಒಂದು ವೇಳೆ ಆ ಡಿಸೈನ್ ಬೋರ್ ಹೊಡೆದರೆ ಮತ್ತೆ ಅದನ್ನ ತೆಗೆದು ನಾರ್ಮಾಲ್ ಆಗಿ ಕೂಡ ಬ್ಲೌಸ್ ಹಾಕಿಕೊಳ್ಳಬಹುದು. ಆದರೆ ಸಿಂಪಲ್ ಸೀರೆಗಳಿಗೆ ಈ ರೀತಿಯ ಬ್ಲೌಸ್ ಗ್ರ್ಯಾಂಡ್ ಲುಕ್ ಅಂತು ನೀಡುತ್ತೆ.

ಡ್ರಾಮಾ ಜ್ಯೂನಿಯರ್: 'ಏಕಾಂಗಿ' ಹಾಡಿಗೆ ಡ್ಯುಯೆಟ್ ಹಾಡಿದ 'ಮಲ್ಲ' ಜೋಡಿ

ಶಾಲಿನಿಯ ಬಾವಲಿ ಇಲ್ಲಿದೆ

ಬಾವಲಿ ಬಗ್ಗೆ ನಿಮಗೆಲ್ಲಾ ತಿಳಿದೆ ಇರುತ್ತೆ. ಆ ಕಡೆ ಈ ಕಡೆ ರೆಕ್ಕೆ ಬಿಚ್ಚಿ ಬಡಿದಾಡುತ್ತಿರುತ್ತದೆ. ಇದನ್ನು ನೋಡುವುದಕ್ಕೆ ಒಂದು ರೀತಿ ಚೆಂದ. ಆದರೆ ಇದರಲ್ಲಿ ಬ್ಲೌಸ್ ಕೂಡ ಮಾಡಬಹುದು ಎಂದರೆ ನೀವೂ ನಂಬುವೀರಾ..? ನಂಬಲೇಬೇಕಾಗುತ್ತದೆ. ಏನೋ ಡಿಫ್ರೆಂಟ್ ಆಗಿದೆ ಎಂದು ನೀವೂ ಬಾವಲಿ ಹುಡುಕಿಕೊಂಡು ಹೊರಡಬೇಡಿ ಆಮೇಲೆ. ಒಮ್ಮೆ ವಿಡಿಯೋ ನೋಡಿದರೆ ಆ ಬ್ಲೌಸ್ ನ ಎಷ್ಟು ಸಿಂಪಲ್ ಆಗಿ ಸ್ಟಿಚ್ ಮಾಡಿ, ರಾಯಲ್ ಆಗಿ ಕಾಣುವಂತೆ ಮಾಡಿಸಬಹುದು ಎಂಬ ಐಡಿಯಾ ಖಂಡಿತ ಮೂಡದೆ ಇರದು.

ವೀಳ್ಯದೆಲೆಯಲ್ಲೂ ಬ್ಲೌಸ್ ಮಾಡಬಹುದು

ವೀಳ್ಯದೆಲೆಯನ್ನು ಅಚ್ಚುಕಟ್ಟಾಗಿ ಜೋಡಿಸಿ ಇಟ್ಟರೆ ವಾವ್ ಅದನ್ನ ನೋಡುವುದಕ್ಕೆ ಖುಷಿಯಾಗುತ್ತೆ. ಅದರಲ್ಲಿ ಬ್ಲೌಸ್ ಹೆಣೆಯಬಹುದು ಎಂದರೆ ಖುಷಿ ಇರದೆ ಇರುತ್ತದೆಯೇ. ಅದರಲ್ಲೂ ಶಾಲಿನಿ ಬ್ಲೌಸ್ ಮಾಡಿಸಿಕೊಂಡು ಹಾಕಿಕೊಂಡಿದ್ದಾರೆ. ಸೇಮ್ ಟು ಸೇಮ್ ಬುಟ್ಟಿಯಲ್ಲಿ ವೀಳ್ಯದೆಲೆಯನ್ನು ಜೋಡಿಸಿದ ರೀತಿಯಲ್ಲಿಯೇ ಈ ಬ್ಲೌಸ್ ಕಾಣಿಸುತ್ತಿದೆ. ಅದರಲ್ಲೂ ಕಲರ್ ಕಾಂಬಿನೇಷನ್ ಅಂತು ಇನ್ನಷ್ಟು ಕಣ್ಣಿಗೆ ಕಟ್ಟುವಂತಿದೆ. ಅಷ್ಟೇ ಅಲ್ಲ ಒಮ್ಮೆ ಈ ಬ್ಲೌಸ್‌ನ ಟ್ರೈ ಮಾಡಬಹುದು ಎಂಬಷ್ಟು ಖುಷಿ ಕೊಡುತ್ತಿದೆ.

ಸುಧಾರಾಣಿ ಎಂಟ್ರಿ ಕೊಟ್ಟಾಯ್ತು: ಇನ್ನಾದ್ರೂ ಅತ್ತೆ-ಸೊಸೆ ಜಗಳ ನಿಲ್ಲುತ್ತಾ?

ಬ್ಲೌಸ್ ಪರಿಚಯಿಸುವ ರೀತಿಯೇ ವಿಭಿನ್ನ

ಶಾಲಿನಿ ಹಾಕುವ ಒಂದೊಂದು ಬ್ಲೌಸ್‌ಗಳು ಕೂಡ ವಿಭಿನ್ನವಾಗಿರುತ್ತದೆ. ಅದನ್ನು ಧರಿಸಿದ ಮೇಲೆ ಆ ಬಗ್ಗೆ ಪರಿಚಯ ಮಾಡಿಕೊಡುವ ರೀತಿ ಇನ್ನು ವಿಶಿಷ್ಠವಾಗಿದೆ. ಶಾಲಿನಿ ಜೊತೆ ಮೂವರ ಸಂಘವೊಂದಿದೆ. ಹೇಳಿ ಕೇಳಿ ಶಾಲಿನಿ ಸಖತ್ ಕಾಮಿಡಿ ಮಾಡುತ್ತಾರೆ. ಇದೀಗ ಬ್ಲೌಸ್ ವಿಚಾರಕ್ಕೂ ಅಷ್ಟೇ, ಕಾಮಿಡಿ ಮೂಲಕ ಆ ಬ್ಲೌಸ್‌ನ ವಿಶೇಷತೆಯನ್ನು ತಿಳಿಸುತ್ತಿದ್ದಾರೆ. ಈ ಎಲ್ಲಾ ಬ್ಲೌಸ್ ಡಿಸೈನ್ ಮಾಡುವವರು ಶಾಲಿನಿ ಜೊತೆಗೆ ಇರುವ ಮೋನಿಶ್ ಅವರೇ.