ಜೀ ಕನ್ನಡ ವಾಹಿನಿಯಲ್ಲಿ ಶುರು ಆಗಲಿದೆ 'ಸುಬ್ಬಲಕ್ಷ್ಮಿ ಸಂಸಾರ'

'ಸುಬ್ಬಲಕ್ಷ್ಮಿ'ಯಾಗಿ ದೀಪಾ ಭಾಸ್ಕರ್

ಈ ಧಾರಾವಾಹಿಯಲ್ಲಿ ಸುಬ್ಬಲಕ್ಷ್ಮಿ ಆಗಿ ರಂಗಭೂಮಿ ಹಿನ್ನಲೆಯುಳ್ಳ, ಕಂಠದಾನ ಕಲಾವಿದೆಯಾಗಿ ಜನಪ್ರಿಯರಾಗಿರುವ ದೀಪಾ ಭಾಸ್ಕರ್ ಕಾಣಿಸಿಕೊಳ್ಳುತ್ತಿದ್ದಾರೆ. ಸುಬ್ಬಲಕ್ಷ್ಮಿಯ ಗಂಡನಾಗಿ ಭವಾನಿ ಸಿಂಗ್ ಅಭಿನಯಿಸುತ್ತಿದ್ದಾರೆ.

ಮುಖ್ಯಭೂಮಿಕೆಯಲ್ಲಿ ಯಾರೆಲ್ಲಾ ಇದ್ದಾರೆ.?

ಇನ್ನೂ ಮುಖ್ಯ ಭೂಮಿಕೆಯಲ್ಲಿ ಮುಖ್ಯಮಂತ್ರಿ ಚಂದ್ರು, ರಮೇಶ್ ಭಟ್, ಗಿರಿಜಾ ಲೋಕೇಶ್, ಸಮೀಕ್ಷಾ ಇದ್ದಾರೆ.

ಮಹಿಳಾ ನಿರ್ದೇಶಕರು

ಈಗಾಗಲೇ ಐನೂರಕ್ಕೂ ಹೆಚ್ಚು ಸಂಚಿಕೆಗಳನ್ನು ಪೂರೈಸಿದ 'ಗೃಹಲಕ್ಷ್ಮಿ' ಹಾಗೂ ಐನೂರು ಸಂಚಿಕೆಗಳತ್ತ ದಾಪುಗಾಲು ಹಾಕುತ್ತಿರುವ 'ಗಂಗಾ' ಧಾರಾವಾಹಿಗಳನ್ನು ನಿರ್ದೇಶನ ಮಾಡುತ್ತಿರುವ ಸ್ವಪ್ನಾಕೃಷ್ಣ 'ಸುಬ್ಬುಲಕ್ಷ್ಮಿ ಸಂಸಾರ' ಸೀರಿಯಲ್ ನ ಡೈರೆಕ್ಟರ್.

RRR ಪ್ರೊಡಕ್ಷನ್ಸ್ ರವರ ಹ್ಯಾಟ್ರಿಕ್ ನಿರ್ಮಾಣ

ಈಗಾಗಲೇ ಎರಡು ಯಶಸ್ವಿ ಧಾರಾವಾಹಿಗಳನ್ನು ಕೊಟ್ಟಿರುವ RRR ಪ್ರೊಡಕ್ಷನ್ಸ್ ನಿರ್ಮಾಣದ ಮತ್ತೊಂದು ಕನಸಿನ ಕೂಸು 'ಸುಬ್ಬಲಕ್ಷ್ಮಿ ಸಂಸಾರ'.

ಪ್ರಸಾರ ಯಾವಾಗ.?

ಜೂನ್ 12 ರಿಂದ ಸಂಜೆ 6.30ಕ್ಕೆ ನಿಮ್ಮ ಜೀ ಕನ್ನಡ ವಾಹಿನಿಯಲ್ಲಿ 'ಸುಬ್ಬಲಕ್ಷ್ಮಿ ಸಂಸಾರ' ಪ್ರಸಾರ ಆಗಲಿದೆ.