ಸುದೀಪ್ ನಿರೂಪಣೆ ಬಗ್ಗೆ ಬೇಸರಗೊಂಡ ವೀಕ್ಷಕ: ಖಡಕ್ ಉತ್ತರ ಕೊಟ್ಟ ಕಿಚ್ಚ

ಸುದೀಪ್ ಪಕ್ಷಪಾತ ಮಾಡ್ತಾರಂತೆ?

ಬಿಗ್ ಬಾಸ್ ನಿರೂಪಣೆಯಲ್ಲಿ ಸುದೀಪ್ ಪಕ್ಷಪಾತ ಮಾಡ್ತಿದ್ದಾರೆ ಎಂಬ ಆರೋಪವನ್ನ ಪ್ರೇಕ್ಷಕನೊಬ್ಬ ಮಾಡಿದ್ದಾರೆ. ಸ್ಪರ್ಧಿ ಬಳಿ ಸುದೀಪ್ ಹೇಗೆ ನಡೆದುಕೊಳ್ಳುತ್ತಿದ್ದಾರೆ ಎಂಬುದನ್ನ ಕಾಮೆಂಟ್ ಮಾಡುವ ಮೂಲಕ ತಮ್ಮ ಅಭಿಪ್ರಾಯವನ್ನ ವ್ಯಕ್ತಪಡಿಸಿದ್ದಾರೆ.

ಆ ವ್ಯಕ್ತಿ ಮಾಡಿದ ಕಾಮೆಂಟ್ ನೋಡಿ

''ನನ್ನ ವಿನಮ್ರ ವಿನಂತಿ...ಪಕ್ಷಪಾತಿ ನಿರೂಪಣೆ ಮಾಡಬೇಡಿ. ಜೆಕೆ ಅವರ ವಿಚಾರದಲ್ಲಿ ನೀವು ಮಾಡಿದ್ದನ್ನ ಇಡೀ ಕರ್ನಾಟಕದ ಜನ ನೋಡಿದ್ದಾರೆ'' ಎಂದು ಕಾಮೆಂಟ್ ಮಾಡಿದ್ದಾರೆ.

ಸುದೀಪ್ ಕೊಟ್ಟು ಬುದ್ಧಿವಂತಿಕೆ ಉತ್ತರ

''ಈ ವೀಕ್ಷಕನಿಗೆ ಟ್ವಿಟ್ಟರ್ ನಲ್ಲೇ ಉತ್ತರ ಕೊಟ್ಟ ಸುದೀಪ್, ಪರೋಕ್ಷವಾಗಿ ತಿರುಗೇಟು ನೀಡಿದ್ದಾರೆ. ಖಚಿತವಾಗಿ ಸರ್....ಈ ಸಂದೇಶವನ್ನ ನನಗೆ ಕಳುಹಿಸಲು ಕರ್ನಾಟಕದ ಎಲ್ಲಾ ಜನರು ನಿಮ್ಮನ್ನು ಸಂಪರ್ಕಿಸಿದ್ದಾರೆ ಎಂದು ನಾನು ಖುಷಿ ಪಡುತ್ತೇನೆ'' ಎಂದು ಹೇಳುವ ಮೂಲಕ ಆ ಪ್ರೇಕ್ಷಕನಿಗೆ ಉತ್ತರಿಸಿದ್ದಾರೆ.

ಅಭಿಮಾನಿಗಳು ಅಭಿಪ್ರಾಯ

ಟಿವಿ ವೀಕ್ಷಕನೊಬ್ಬನ ಈ ಸಂದೇಶ ಸುದೀಪ್ ಅಭಿಮಾನಿಗಳಿಗೆ ಬೇಸರ ತರಿಸಿದೆ. ಸುದೀಪ್ ಅವರ ನಿರೂಪಣೆ ಬಗ್ಗೆ ಮಾತನಾಡುವ ಹಕ್ಕಿಲ್ಲ ನಿಮಗೆ, ನೀವು ಸರಿಯಾಗಿ ಕಾರ್ಯಕ್ರಮ ನೋಡಿಲ್ಲ. ಅವರು ಅತ್ಯುತ್ತಮ ನಿರೂಪಕ. ಎಲ್ಲಿಯೂ ಪಕ್ಷಪಾತ ಮಾಡಿಲ್ಲ. ಮಾಡುವ ಅವಶ್ಯಕತೆ ಅವರಿಗಿಲ್ಲ ಎಂದು ತಿರುಗೇಟು ನೀಡುತ್ತಿದ್ದಾರೆ.