ಸದ್ದಿಲ್ಲದೆ ನಡೆದಿದೆ 'ಬಿಗ್ ಬಾಸ್ ಕನ್ನಡ-6' ಸುದೀಪ್ ಪ್ರೋಮೋ ಶೂಟ್

ಸ್ಪೆಷಲ್ ಸೆಟ್, ಸ್ಪೆಷಲ್ ಪ್ರೋಮೋ ಶೂಟ್

ಜೀನ್ಸ್ ಪ್ಯಾಂಟ್, ಟಿ-ಶರ್ಟ್ ಹಾಗೂ ಜಾಕೆಟ್ ತೊಟ್ಟು... ಸೋಫಾ ಮೇಲೆ ಕೂತು ಸುದೀಪ್ 'ಫೋನ್ ಹಾಗೂ ವೂಟ್ ಆಪ್' ಬಗ್ಗೆ ಮಾತನಾಡುವ ಪ್ರೋಮೋವನ್ನ ನಿನ್ನೆ ಚಿತ್ರೀಕರಣ ಮಾಡಲಾಗಿದೆ. ಇದಕ್ಕಂತಲೇ ವಿಶೇಷ ಸೆಟ್ ಕೂಡ ನಿರ್ಮಾಣ ಮಾಡಲಾಗಿತ್ತು.

ವೂಟ್ ನಲ್ಲಿ ನೋಡಿಲ್ಲ ಅಂದ್ರೆ, 'ಬಿಗ್ ಬಾಸ್' ನೋಡಿಲ್ಲ.!

''ಮೆಸೇಜ್ ಗೆ ಫೋನ್,

ಸೋಷಿಯಲ್ ಮೀಡಿಯಾಗೂ ಫೋನ್,

ಫೋಟೋ ತೆಗೆಯೋಕೂ ಫೋನ್,

ಬ್ಯಾಂಕಿಂಗ್ ವ್ಯವಸ್ಥೆಗೂ ಫೋನ್,

ಹೀಗೆ ಇಡೀ ಲೈಫ್ ಫೋನ್ ನಲ್ಲಿ ಇರಬೇಕಾದರೆ, 'ಬಿಗ್ ಬಾಸ್' ಫೋನ್ ನಲ್ಲಿ ಇಲ್ಲ ಅಂದ್ರೆ...

ವೂಟ್ ಡೌನ್ ಲೋಡ್ ಮಾಡಿಕೊಳ್ಳಿ...

ಬಿಗ್ ಬಾಸ್ ನೋಡಿ...

ವೂಟ್ ನಲ್ಲಿ ನೋಡಿಲ್ಲ ಅಂದ್ರೆ ನೀವು ಬಿಗ್ ಬಾಸೇ ನೋಡಿಲ್ಲ'' ಎಂಬ ಡೈಲಾಗ್ ಇರುವ ಸುದೀಪ್ ಪ್ರೋಮೋವನ್ನ ನಿನ್ನೆ ಶೂಟಿಂಗ್ ಮಾಡಲಾಗಿದೆ.

ಈ ಬಾರಿ ವೂಟ್ ನಲ್ಲಿ ಬೋನಸ್.?

''ವೂಟ್ ನಲ್ಲಿ ನೋಡಿಲ್ಲ ಅಂದ್ರೆ ನೀವು ಬಿಗ್ ಬಾಸೇ ನೋಡಿಲ್ಲ'' ಅಂತ ಸುದೀಪ್ ಹೇಳಿರುವುದರಿಂದ ಈ ಬಾರಿ ವೂಟ್ ನಲ್ಲಿ ವೀಕ್ಷಕರಿಗೆ 'ಬಿಗ್ ಬಾಸ್' ಕಡೆಯಿಂದ ಎಕ್ಸ್ ಟ್ರಾ ಬೋನಸ್ ಸಿಗುವ ಹಾಗಿದೆ.

ಯಾವಾಗ್ಲಿಂದ 'ಬಿಗ್ ಬಾಸ್' ಶುರು.?

ಮೂಲಗಳ ಪ್ರಕಾರ, ಸೆಪ್ಟೆಂಬರ್ ಅಂತ್ಯದ ಹೊತ್ತಿಗೆ 'ಬಿಗ್ ಬಾಸ್ ಕನ್ನಡ-6' ಪ್ರಸಾರ ಆಗಲಿದೆ. ಎಂದಿನಂತೆ ಈ ಬಾರಿಯೂ ಸುದೀಪ್ ನಿರೂಪಣೆ ಇರಲಿದೆ. ಬಿಗ್ ಬಾಸ್ ಕನ್ನಡ ಆರನೇ ಸೀಸನ್ ಗಾಗಿ ಇನ್ನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಬೃಹತ್ ಮನೆ ತಲೆಯೆತ್ತಿದೆ.