ಸಖತ್ ಸಂಡೇ ವಿತ್ ಸುದೀಪ್ ಜೊತೆ ಸುಮಂತ್, ಕೃತಿ

ಸುವರ್ಣ ವಾಹಿನಿಯ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್ ಕನ್ನಡ 2' ಅರ್ಧ ಶತಕ ಪೂರೈಸಿ ಮುನ್ನಡೆದಿದೆ. ಈ ವಾರ ಗುರುಪ್ರಸಾದ್ ಮತ್ತು ಸಂತೋಷ್ ನಾಮಿನೇಟ್ ಆಗಿದ್ದಾರೆ. ಆದರೆ ಅವರಿಬ್ಬರಲ್ಲಿ ಯಾರೊಬ್ಬರೂ ಮನೆಯಿಂದ ಹೊರಗೆ ಹೋಗುತ್ತಿಲ್ಲ.

ಓಟಿಂಗ್ ಲೈನ್ಸ್ ಇಲ್ಲದ ಕಾರಣ ಅವರು ಮನೆಯಲ್ಲೇ ಉಳಿಯುತ್ತಾರೆ. ಆದರೆ ಈ ವಿಷಯ ಮಾತ್ರ ಅತ್ತ ಗುರುಪ್ರಸಾದ್ ಇತ್ತ ಸಂತೊಷ್ ಅವರಿಬ್ಬರಿಗೂ ಗೊತ್ತಿಲ್ಲ. ಒಟ್ಟಾರೆ ಸುದೀಪ್ ಈ ವಾರ ಅವರಿಬ್ಬರ ಜೊತೆ ಟಪಾಂಗುಚಿ ಆಡುವುದಂತೂ ಇದ್ದೇ ಇದೆ. ಜೊತೆಗೆ ವೀಕ್ಷಕರಿಗೆ ಭರಪೂರ ಮನರಂಜನೆ. [ಹೆಚ್ಚಾಗಿ ನೋವನ್ನೇ ಉಂಡ 'ನೀಲಕಂಠ' ರವಿಚಂದ್ರನ್]

ತಿರುಪತಿ ಎಕ್ಸ್ ಪ್ರೆಸ್

ಇವರಿಬ್ಬರ ಜೋಡಿಯ 'ತಿರುಪತಿ ಎಕ್ಸ್ ಪ್ರೆಸ್' ಚಿತ್ರ ಬಿಡುಗಡೆಗೆ (ಸೆಪ್ಟೆಂಬರ್ 5) ಸಿದ್ಧವಾಗಿದೆ. ಈ ಚಿತ್ರದ ಬಗೆಗಿನ ತಮ್ಮ ಅನುಭವಗಳನ್ನು ಬಿಗ್ ಬಾಸ್ ವೇದಿಕೆ ಮೇಲೆ ಕೃತಿ ಮತ್ತು ಸುಮಂತ್ ಹಂಚಿಕೊಳ್ಳಲಿದ್ದಾರೆ. 'ದಿಲ್ ವಾಲಾ' ಚಿತ್ರದ ಬಳಿಕ ಸುಮಂತ್ ಈ ಚಿತ್ರದ ಮೇಲೆ ಬಹಳಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ.

ಈಗಾಗಲೆ ಬಿಗ್ ಬಾಸ್ ವೇದಿಕೆ ಮೇಲೆ ಹಲವಾರು ತಾರೆಗಳು ಬಂದು ತಮ್ಮ ಅನುಭಗಳನ್ನು ಹಂಚಿಕೊಂಡಿದ್ದಾರೆ. ಅವರಲ್ಲಿ ಮುಖ್ಯವಾಗಿ ರವಿಚಂದ್ರನ್, ರವಿಶಂಕರ್, ವಿಜಯ್ ಪ್ರಕಾಶ್, ಉಮಾಶ್ರೀ, ತಾರಾ, ಎಸ್ ನಾರಾಯಣ್ ಮುಂತಾದವರು. (ಒನ್ಇಂಡಿಯಾ ಕನ್ನಡ)