'ಮಿನಿಟ್' ಆಟ ಶುರು ಆಗೋಕೆ ಇನ್ನು ಮೂರೇ ದಿನ ಬಾಕಿ.!

ಕನ್ನಡ ಕಿರುತೆರೆಯ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್ ಕನ್ನಡ-4' ಮುಗಿದಿದ್ದು ಆಯ್ತು. ಈಗ ನಿಮಗೆಲ್ಲ ಮಜವಾದ ಆಟಗಳ ಮೂಲಕ ಮಸ್ತ್ ಮನರಂಜನೆ ನೀಡಲು ಕಲರ್ಸ್ ಕನ್ನಡ ವಾಹಿನಿಯಲ್ಲಿ 'ಸೂಪರ್ ಮಿನಿಟ್' ಶುರು ಆಗಲಿದೆ.

'ಸೂಪರ್ ಮಿನಿಟ್ ಸೀಸನ್-3' ಮೂಲಕ ಗೋಲ್ಡನ್ ಸ್ಟಾರ್ ಗಣೇಶ್ ನಿಮ್ಮ ಮನೆಗೆ ಬರಲಿದ್ದಾರೆ. ಫೆಬ್ರವರಿ 18 ರಿಂದ ಪ್ರತಿ ಶನಿವಾರ ಹಾಗೂ ಭಾನುವಾರ ರಾತ್ರಿ 9 ಗಂಟೆಗೆ 'ಸೂಪರ್ ಮಿನಿಟ್' ಪ್ರಸಾರ ಆಗಲಿದೆ.

ಕಳೆದ ಸೀಸನ್ ಹಾಗೆ, ಈ ಬಾರಿ 'ಸೂಪರ್ ಮಿನಿಟ್'ನಲ್ಲಿ ಜನ ಸಾಮಾನ್ಯರಿಗೆ ಎಂಟ್ರಿ ಇಲ್ಲ. 'ಕಲರ್ಸ್ ಕುಟುಂಬ'ದ 16 ತಂಡಗಳ ನಡುವೆ ಚಾಂಪಿಯನ್ ಶಿಪ್ ಗಾಗಿ ಸೆಣಸಾಟ ನಡೆಯಲಿದೆ.['ಬಿಗ್ ಬಾಸ್-4' ಮುಗಿದ ನಂತರ ಕಲರ್ಸ್ ವಾಹಿನಿಯಲ್ಲಿ 'ಸೂಪರ್ ಮಿನಿಟ್-3']

ಅಂದ್ಹಾಗೆ, ಈ ಬಾರಿ 'ನೀಲಾಂಬರಿ'ಯಲ್ಲಿ ಹೊಸ ಆಟಗಳು ಇರಲಿವೆ. ಮಿನಿಟ್ ಆಟವನ್ನು ಇಷ್ಟು ದಿನ ಮಿಸ್ ಮಾಡಿಕೊಂಡವರು, ಇನ್ಮೇಲೆ ವೀಕೆಂಡ್ ನಲ್ಲಿ 'ಕಲರ್ಸ್ ಕನ್ನಡ' ನೋಡುವುದನ್ನು ಮರೆಯಬೇಡಿ...