Don't Miss!
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Automobiles ಶಿಯೋಮಿಯ ಈ ಎಲೆಕ್ಟ್ರಿಕ್ ಕಾರು ಸ್ಮಾರ್ಟ್ಫೋನ್ಗಳಂತೆ ಅಗ್ಗದ ಬೆಲೆ: ರೇಂಜ್ ಕೇಳಿದ್ರೆ ತಲೆ ತಿರುಗುತ್ತೆ!
- Technology ಈ Amoled ಡಿಸ್ಪ್ಲೇ ಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ!..ಈ ಆಫರ್ಗೆ ನೀವು ಫಿದಾ ಆಗ್ತೀರಾ!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸುವರ್ಣ ಚಾನೆಲ್ ಗೆ ಲಗ್ಗೆ ಇಟ್ಟ 'ಗುಂಡ್ಯಾನ ಹೆಂಡ್ತಿ'
ಸುವರ್ಣ ವಾಹಿನಿ ವೀಕ್ಷಕರ ಅಭಿಲಾಷೆಗೆ ತಕ್ಕ ಹಾಗೆ ವಿಭಿನ್ನ ರುಚಿಯ ಹೊಸ ಹೊಸ ಕಾರ್ಯಕ್ರಮಗಳನ್ನು ನೀಡುವುದರಲ್ಲಿ ಎತ್ತಿದ ಕೈ. ಕೆಲವು ದಿನಗಳ ಹಿಂದೆ ಆರಂಭವಾದ 'ದುರ್ಗಾ' ಮತ್ತು 'ಅಮ್ಮ' ಧಾರಾವಾಹಿ ಎಲ್ಲರ ಮನೆಮಾತಾಗಿದ್ದು, ಇದೀಗ ಅದೇ ಹಾದಿಯಲ್ಲಿ ಮತ್ತೊಂದು ಧಾರಾವಾಹಿಯನ್ನು ಪ್ರಾರಂಭಿಸಲು ಸುವರ್ಣ ವಾಹಿನಿ ಕ್ಷಣಗಣನೆ ಆರಂಭಿಸಿದೆ.
ಉತ್ತರ ಕರ್ನಾಟಕದ ಭಾಷೆ ಎಲ್ಲರಿಗೂ ಇಷ್ಟವಾದ ಭಾಷೆ. ಮಾತಿನ ಶೈಲಿ ತುಂಬಾ ಹೃದಯವಂತಿಕೆಯಿಂದ ಕೂಡಿರುತ್ತದೆ. ಈ ಭಾಷೆಯ ಆದೆಷ್ಟೋ ಧಾರಾವಾಹಿಗಳು, ಚಲನಚಿತ್ರಗಳು ರಾಜ್ಯ ಮತ್ತು ರಾಷ್ಟ್ರಮಟ್ಟದಲ್ಲಿ ತನ್ನದೇ ಆದ ಛಾಪನ್ನು ಮೂಡಿಸಿದೆ. ಅಂತೆಯೇ ಸುವರ್ಣ ಚಾನಲ್ ಕೂಡ ಗಂಡು ಮೆಟ್ಟಿನ ನಾಡು ಉತ್ತರ ಕರ್ನಾಟಕದ ಶೈಲಿಯಲ್ಲಿ ಮತ್ತೊಂದು ಹೊಚ್ಚ ಹೊಸ ಧಾರಾವಾಹಿಯನ್ನು ವೀಕ್ಷಕರಿಗೆ ನೀಡುತ್ತಿದೆ.
ಈ ಬಾರಿ 'ಗುಂಡ್ಯಾನ ಹೆಂಡ್ತಿ' ಎಂಬ ಶೀರ್ಷಿಕೆಯಲ್ಲಿ ಮೂಡಿಬರುತ್ತಿರುವ ಈ ಧಾರಾವಾಹಿ 'ಗುಂಡ್ಯಾನ ಹೆಂಡತಿ'ಯ ಸುತ್ತಮುತ್ತ ಸುತ್ತುವ ಕಥೆ.
ಉತ್ತರ ಕರ್ನಾಟಕದ ಜಮೀನ್ದಾರ ದೇಸಾಯಿ ಮನೆತನದ ಹುಡುಗ ಗುಂಡ್ಯಾ 10ನೇ ಕ್ಲಾಸ್ ನಲ್ಲಿ ಸತತ ನಾಲ್ಕು ಬಾರಿ ಅನುತ್ತೀರ್ಣ ಹೊಂದಿರುವ ಹುಡುಗ. ಗುಂಡ್ಯಾನಿಗೆ ಮದುವೆ ಮಾಡಿ ಆಸ್ತಿ ಕಬಳಿಸಬೇಕೆಂಬುದು ಈ ಮನೆಯವರ ದುರಾಸೆ. ಇಲ್ಲಿ ಗುಂಡ್ಯಾನ ಅಜ್ಜಿ ಆಸ್ತಿಗಾಗಿ ತಂತ್ರವನ್ನು ರಚಿಸಿರುತ್ತಾರೆ. ಅಷ್ಟಕ್ಕೂ ಆ ತಂತ್ರ ಯಾವುದು? ಕುತಂತ್ರಿಗಳಿಗೆ ಅದನ್ನು ಭೇಧಿಸಲು ಆಗುತ್ತಾ ಅನ್ನೋದು ಕಥೆ.
'ಮೂರು ಗಂಟು, ನೂರು ಗುಟ್ಟು' ಎಂಬ ಸಹ ಶೀರ್ಷಿಕೆಯನ್ನು ಹೊಂದಿರುವ ಈ ಧಾರಾವಾಹಿಯಲ್ಲಿ 'ಕಮಲಿ' ಎಂಬ ಕಥಾ ನಾಯಕಿ ಬಡ ಕುಟುಂಬದಿಂದ ಬಂದಿರುತ್ತಾಳೆ. ತಂದೆ-ತಾಯಿಯನ್ನು ಕಳೆದುಕೊಂಡಿರುವ ಈಕೆ ತಂದೆಯ ಸಾವಿನ ರಹಸ್ಯದ ಹಿಂದೆ ಬೀಳುತ್ತಾಳೆ.
ಪಕ್ಕಾ ಉತ್ತರ ಕರ್ನಾಟಕದ ಭಾಷೆಯಲ್ಲಿರುವ ಗುಂಡ್ಯಾನ ಹೆಂಡ್ತಿ ಧಾರಾವಾಹಿಗೆ ವಿ.ಸೋಮಶೇಖರ್ ಅವರು ನಿರ್ದೇಶನ ಮಾಡುತ್ತಿದ್ದು, ನಂದಿತಾ ಅವರು ಕಥೆ ಬರೆದಿದ್ದಾರೆ. ಅಂಜುಮ್ ರಿಜ್ವಿ ನಿರ್ಮಾಣದ ಧಾರಾವಾಹಿಯಲ್ಲಿ ಸಮೀಪ್, ಸುದೀಪನಾ ಪ್ರಭುದೇವ್, ರಮೇಶ್ ಪಂಡಿತ್, ನಟಿ ಸುಂದಶ್ರೀ, ಶಶಿಕುಮಾರ, ಸುಷ್ಮಾ ನಾಣಯ್ಯ, ಪವಿತ್ರಾ ಮುಂತಾದವರು ಮಿಂಚಿದ್ದಾರೆ.
ಫೆಬ್ರವರಿ 22 ರಿಂದ ಸೋಮವಾರದಿಂದ ಶನಿವಾರದವರೆಗೆ ಸಂಜೆ 6.30ಕ್ಕೆ ಸುವರ್ಣ ವಾಹಿನಿಯಲ್ಲಿ ಹೊಸ ಧಾರಾವಾಹಿ 'ಗುಂಡ್ಯಾನ ಹೆಂಡ್ತಿ ಪ್ರಸಾರವಾಗಲಿದೆ.