ಮುಖಪುಟ

ಟಿವಿ

ಕ್ರಿಕೆಟ್ ವೀಕ್ಷಕ ವಿವರಣೆ ಸಾಮಾನ್ಯವಾಗಿ ಇಂಗ್ಲಿಷ್ ನಲ್ಲಿಯೇ ಇರುತ್ತದೆ. ಅದನ್ನು ಕನ್ನಡದಲ್ಲಿ ಕೇಳುವುದು ಎಂದರೆ ಅಸಾಧ್ಯದ ಮಾತಾಯಿತು. ಈ ಅಸಾಧ್ಯವನ್ನು ಸಾಧ್ಯವಾಗಿಸುತ್ತಿದೆ ಕನ್ನಡದ ಜನಪ್ರಿಯ ವಾಹಿನಿ ಸುವರ್ಣ ಪ್ಲಸ್.

ಕ್ರಿಕೆಟ್ ವರ್ಲ್ಡ್ ಕಪ್ ವೀಕ್ಷಕ ವಿವರಣೆಯನ್ನು ಕನ್ನಡದಲ್ಲಿ ಕೇಳುವುದೇನು ಬಂತು ಕನ್ನಡ ವಾಹಿನಿಯಲ್ಲಿಯೇ ನೋಡುವ ಹಾಗೂ ಕನ್ನಡದಲ್ಲಿಯೇ ವೀಕ್ಷಕ ವಿವರಣೆಯನ್ನು ಕೇಳುವ ಮಜಾ ನೋಡಿ ಆನಂದಿಸಿ! [ಗೃಹಿಣಿಯರಿಗಾಗಿ 'ಈಟಿವಿ ಕನ್ನಡ' ಬಂಪರ್ ಆಫರ್]

ವಿಶ್ವದಾದ್ಯಂತ ನಮಗೆಲ್ಲರಿಗೂ ತಿಳಿದಿರುವಂತೆ ಅಂತರಾಷ್ಟ್ರೀಯ ಮಟ್ಟದ ಕ್ರೀಡೆ ಕ್ರಿಕೆಟ್. ಈ ವರ್ಷದ ಐಸಿಸಿ ವಿಶ್ವಕಪ್ ಇದೇ ಫೆಬ್ರುವರಿ 14 ರಿಂದ ಪ್ರಾರಂಭವಾಗಲಿದ್ದು, ಈ ದಿನಗಣನೆಯ ಅಬ್ಬರದಲ್ಲಿ ಎಲ್ಲ ಕ್ರೀಡಾಭಿಮಾನಿಗಳ ಎದೆ ಬಡಿತ ಜೋರಾಗಿದೆ.

ನಮ್ಮ ರಾಜ್ಯದ ಕ್ರಿಕೆಟ್ ಅಭಿಮಾನಿಗಳು ತಮ್ಮ ನೆಚ್ಚಿನ ವಾಹಿನಿಯನ್ನು ನಿರ್ಧರಿಸುವ ಸದಾವಕಾಶ. ಯಾವುದು ಎಂದು ನಿರ್ಧರಿಸುವುದಕ್ಕಿಂತ ಯಾವಾಗ ಎನ್ನುವ ಪ್ರಶ್ನೆ! ಸ್ಟಾರ್ ನೆಟ್ ವರ್ಕ್ಸ್ ನ ಕನ್ನಡ ಸಿನಿಮಾ ವಾಹಿನಿ ಸುವರ್ಣ ಪ್ಲಸ್ ನಲ್ಲಿ ಇದೇ ಪ್ರಪ್ರಥಮ ಬಾರಿಗೆ ಅತ್ಯಾಕರ್ಷಕವಾದ, ದೇಶಭಿಮಾನವನ್ನು ಮೆರೆಯುವ ಅಂತರಾಷ್ಟ್ರೀಯ ಮಟ್ಟದಲ್ಲಿ ಅಂದರೆ ನ್ಯೂಜಿಲ್ಯಾಂಡ್ ಮತ್ತು ಆಸ್ಟ್ರೇಲಿಯಾದಲ್ಲಿ ನಡೆಯುವ ವಿಶ್ವಕಪ್ ನ್ನು ನಮ್ಮ ಕನ್ನಡ ಭಾಷೆಯಲ್ಲಿಯೇ ನೋಡುವ ಅವಕಾಶವನ್ನು ವೀಕ್ಷಕರಿಗೆ ವಾಹಿನಿಯು ಕಲ್ಪಿಸುತ್ತಿದೆ.

ಅಲ್ಲದೇ ಪಂದ್ಯದ ರೋಚಕ ಕ್ಷಣಗಳನ್ನು ಸುವರ್ಣ ಪ್ಲಸ್ ನಲ್ಲಿ ಪ್ರಸಾರ ಮಾಡಲಾಗುತ್ತದೆ. ಇದಕ್ಕಿಂತ ಬೇರೆ ಶುಭಸುದ್ದಿ ಇದೆಯೇ? ಖಂಡಿತ ಇಲ್ಲ, ಕ್ರೀಡಾಲೋಕದ ಅತ್ಯದ್ಭುತ ಇವೆಂಟನ್ನು ನೋಡಿ ಕಣ್ಮನ ಸೆಳೆದುಕೊಳ್ಳಲು ಸಿದ್ಧರಾಗಿ.

"ಕ್ರಿಕೆಟ್ ಜ್ವರಕ್ಕೆ ತಣಿಸುವಂತೆ ಒಂದು ಎಸೆತದಿಂದ ಪ್ರತಿಯೊಂದು ಎಸೆತವನ್ನು ವೀಕ್ಷಿಸಲು ನಾವು ದಾರಿ ಮಾಡಿಕೊಡುತ್ತೇವೆ. ನಿಮ್ಮ ನೆಚ್ಚಿನ ವಿಶ್ವಕಪ್ ಕ್ರಿಕೆಟ್ ಪಂದ್ಯಗಳನ್ನು sಸುವರ್ಣ ಪ್ಲಸ್‍ನಲ್ಲಿ ನೋಡಿ ಆನಂದಿಸಿ" ಎನ್ನುತ್ತಿದೆ ಸುವರ್ಣ ಪ್ಲಸ್ ವಾಹಿನಿ.