'ಮಜಾ ಟಾಕೀಸ್' ಹೆಸರಿನಲ್ಲಿ ಮೋಸ: ಸ್ಪಷ್ಟನೆ ಕೊಟ್ಟ ಸೃಜನ್ ಲೋಕೇಶ್.!

ಫೇಸ್ ಬುಕ್ ಲೈವ್ ಗೆ ಬಂದ 'ಮಜಾ ಟಾಕೀಸ್' ತಂಡ

''ನಿಮಗೊಂದು ಮಾಹಿತಿ ನೀಡಲು ಇಡೀ 'ಮಜಾ ಟಾಕೀಸ್' ತಂಡ ಫೇಸ್ ಬುಕ್ ಲೈವ್ ಗೆ ಬಂದಿದ್ದೀವಿ. 'ಮಜಾ ಟಾಕೀಸ್'ನಲ್ಲಿ ಸಿನಿಮಾ ಪ್ರಮೋಷನ್ ಗೆ ಬರುವ ಸಿನಿಮಾ ತಂಡ ಆಗಲಿ, ಅಥವಾ ಆಡಿಯನ್ಸ್ ನಿಂದಾಗಲಿ... ನಮ್ಮ ಲೋಕೇಶ್ ಪ್ರೊಡಕ್ಷನ್ಸ್ ಅಥವಾ ಕಲರ್ಸ್ ವಾಹಿನಿ ದುಡ್ಡು ಪಡೆಯುವುದಿಲ್ಲ'' - ಸೃಜನ್ ಲೋಕೇಶ್

ಮೋಸ ಹೋಗಬೇಡಿ

''ಯಾರೂ ಮೋಸ ಹೋಗಬಾರದು ಎಂಬ ಕಾರಣಕ್ಕೆ ನಮ್ಮ ಇಡೀ ತಂಡ ಫೇಸ್ ಬುಕ್ ಲೈವ್ ಗೆ ಬಂದು ಸ್ಪಷ್ಟನೆ ಕೊಡ್ತಿದ್ದೇವೆ'' ಎಂದಿದ್ದಾರೆ ನಟ ಸೃಜನ್ ಲೋಕೇಶ್

ಇದಕ್ಕೆಲ್ಲ ತುತ್ತಾಗಬೇಡಿ

''ಯಾರಾದರೂ ಬಂದು ನಿಮ್ಮನ್ನ 'ಮಜಾ ಟಾಕೀಸ್' ಗೆ ಕರ್ಕೊಂಡು ಹೋಗ್ತೀವಿ, 'ಮಜಾ ಟಾಕೀಸ್'ನಲ್ಲಿ ನಿಮಗೆ ಎಂಟ್ರಿ ಕೊಡಿಸ್ತೀವಿ, ನಮಗೆ ದುಡ್ಡು ಕೊಡಿ ಅಂತ ಕೇಳಿದ್ರೆ... ಕೈ ಮುಗಿದು ಕೇಳಿಕೊಳ್ಳುವೆ ಇದಕ್ಕೆ ತುತ್ತಾಗಬೇಡಿ'' - ಸೃಜನ್ ಲೋಕೇಶ್

ಕಾರ್ಯಕ್ರಮಕ್ಕೆ ನಿಮ್ಮ ಬೆಂಬಲ ಇರಲಿ

''ದಯವಿಟ್ಟು ಇದರ ಬಗ್ಗೆ ಗಮನ ಇರಲಿ. 'ಮಜಾ ಟಾಕೀಸ್' ಇರುವುದು ನಿಮಗೆ ಮನರಂಜನೆ ನೀಡಲು ಮಾತ್ರ. ನಮ್ಮ ಕಾರ್ಯಕ್ರಮಕ್ಕೆ ನಿಮ್ಮ ಬೆಂಬಲ ಇರಲಿ. 'ಮಜಾ ಟಾಕೀಸ್' ಯಾವುದೇ ಕಾರಣಕ್ಕೂ ದುಡ್ಡು ಪಡೆಯುವುದಿಲ್ಲ'' - ಸೃಜನ್ ಲೋಕೇಶ್

ಸೃಜನ್ ಕಳಕಳಿ

''ಮಜಾ ಟಾಕೀಸ್' ಹೆಸರಿನಲ್ಲಿ ಆಕ್ಟಿಂಗ್ ಕ್ಲಾಸ್ ಮಾಡ್ತೀವಿ ಅಂದರೂ ನಂಬಬೇಡಿ. 'ಮಜಾ ಟಾಕೀಸ್' ಹೆಸರಿನಲ್ಲಿ ಯಾರಿಗೂ ತೊಂದರೆ ಆಗಬಾರದು ಎಂಬುದು ನಮ್ಮ ಕಳಕಳಿ'' - ಸೃಜನ್ ಲೋಕೇಶ್