ತೀವ್ರ ಅನಾರೋಗ್ಯ, ಬಿಗ್‌ ಬಾಸ್ ಮನೆಯಿಂದ ಹೊರಬಂದ ಸ್ಪರ್ಧಿ

ನೊಯಿಲ್ ಸೀನ್ ಬಿಗ್‌ಬಾಸ್ ಮನೆ ತೊರೆದಿದ್ದಾರೆ

ಹೌದು, ರ್ಯಾಪರ್ ಹಾಗೂ ನಟನಾಗಿ ಹೆಸರು ಮಾಡಿದ್ದ ನೊಯಿಲ್ ಸೀನ್ ಅವರು ಬಿಗ್‌ಬಾಸ್ ಮನೆ ತೊರೆದಿದ್ದಾರೆ. ಕೆಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ನೊಯಿಲ್ ಸೀನ್ ಅವರು ಹೆಚ್ಚಿನ ಚಿಕಿತ್ಸೆಗಾಗಿ ಬಿಗ್‌ಬಾಸ್ ಮನೆಯಿಂದ ಹೊರಗೆ ಬಂದಿದ್ದಾರೆ.

ಮೈ-ಕೈ ನೋವು ಉಲ್ಬಣ

ನೊಯಿಲ್ ಸೀನ್ ಅವರಿಗೆ ಕೆಲವು ದಿನದಿಂದ ಮೈ-ಕೈ ನೋವು ಕಾಣಿಸಿಕೊಳ್ಳುತ್ತಿತ್ತಂತೆ. ಬರು-ಬರುತ್ತಾ ಮೈ-ಕೈ ನೋವು ಹೆಚ್ಚಾಗುತ್ತಲೇ ಹೋದ ಕಾರಣ ಅನಿವಾರ್ಯವಾಗಿ ಅವರು ಶೋ ನಿಂದ ಹೊರಗೆ ಹೋಗಬೇಕಾಗಿ ಬಂದಿದೆ.

ಕುಟುಂಬ ವೈದ್ಯರ ಸಲಹೆಯಂತೆ ಹೊರಕ್ಕೆ

ಆರಂಭದಲ್ಲಿ ಅವರು ಬಿಗ್‌ಬಾಸ್ ಮನೆಯಲ್ಲಿಯೇ ಚಿಕಿತ್ಸೆ ತೆಗೆದುಕೊಂಡರು, ಆದರೆ ಮೈ-ಕೈ ನೋವು ಉಲ್ಬಣವಾದ ಕಾರಣ ತಮ್ಮ ಖಾಸಗಿ ವೈದ್ಯರನ್ನು ಸಂಪರ್ಕಿಸಿ ಸಲಹೆ ಪಡೆದಿದ್ದಾರೆ. ವೈದ್ಯರ ಸಲಹೆಯಂತೆ ಹೆಚ್ಚಿನ ಚಿಕಿತ್ಸೆಗೆ ಬಿಗ್‌ಬಾಸ್ ಮನೆಯಿಂದ ಹೊರಬಂದಿದ್ದಾರೆ.

ನೊಯಿಲ್ ಸೀನ್ ಒಳ್ಳೆಯ ಸ್ಪರ್ಧಿಯಾಗಿದ್ದರು

ಬಿಗ್‌ಬಾಸ್ ಮನೆಯಲ್ಲಿ ನೊಯಿಲ್ ಸೀನ್ ಅವರು ಒಳ್ಳೆಯ ಸ್ಪರ್ಧಿಯಾಗಿ ಗುರುತಿಸಿಕೊಂಡಿದ್ದರು. ಯಾವುದಕ್ಕೂ ಸಿಟ್ಟು ಮಾಡಿಕೊಳ್ಳದೆ, ನ್ಯಾಯವಾಗಿ ಆಟವಾಡುವ, ಟಾಸ್ಕ್‌ಗಳನ್ನು ಪೂರೈಸುವ, ಮತ್ತೊಬ್ಬರಿಗೆ ಸಹಾಯ ಮಾಡುವ ವ್ಯಕ್ತಿ ಎಂದು ನೊಯಿಲ್ ಸೀನ್ ಅವರನ್ನು ಗುರುತಿಸಲಾಗಿತ್ತು.