Don't Miss!
- News ಕನಕಪುರಕ್ಕೆ ಕಾಲಿಡಲು ಭಯ; ಕೋರ್ಟ್ಗೆ ಯತ್ನಾಳ್ ಹೇಳಿಕೆ!
- Finance ತನ್ನ 4 ವರ್ಷದ ಮೊಮ್ಮಗನಿಗೆ 240 ಕೋಟಿ ಮೌಲ್ಯದ ಇನ್ಫೋಸಿಸ್ ಷೇರುಗಳನ್ನು ಉಡುಗೊರೆಯಾಗಿ ನೀಡಿದ ನಾರಾಯಣ ಮೂರ್ತಿ
- Technology ಇಂದು ಮಾರುಕಟ್ಟೆಗೆ ಬರಲಿದೆ ಗೆಸ್ಚರ್ ಮೂಲಕ ಕೆಲಸ ಮಾಡುವ ಸ್ಮಾರ್ಟ್ಫೋನ್!
- Automobiles Tata Nexon: ಮುಂಬರಲಿರುವ ಟಾಟಾ ನೆಕ್ಸಾನ್ ಸಿಎನ್ಜಿ ಕಾರಿನ ವಿಶೇಷತೆಗಳಿವು.. ಹೆಚ್ಚು ಮೈಲೇಜ್!
- Sports IPL 2024: ಐಪಿಎಲ್ ಆರಂಭಕ್ಕೂ ಮುನ್ನವೇ 'ಸೂಪರ್' ಭವಿಷ್ಯ; ಆರ್ಸಿಬಿ ಈ ಬಾರಿ ಕಪ್ ಗೆಲ್ಲುತ್ತದಾ? ಇಲ್ಲಿದೆ ಉತ್ತರ
- Lifestyle ಬಾಯಲ್ಲಿ ನೀರು ತರಿಸುವ ಮಸಾಲೆ ಮೊಟ್ಟೆ ಬುರ್ಜಿ ಮಾಡೋದು ಹೇಗೆ.? ತುಂಬಾ ಸಿಂಪಲ್ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಗ್ ಬಾಸ್ ಶೋಗಳ TRP ರಿಲೀಸ್ ಮಾಡಿದ 'ಎಂಡೆಮೊಲ್': ಇತಿಹಾಸ ನಿರ್ಮಿಸಿದ ತೆಲುಗು
Recommended Video
ಭಾರತ ಜನಪ್ರಿಯ ಯಶಸ್ವಿ ರಿಯಾಲಿಟಿ ಶೋಗಳ ಪೈಕಿ ಬಿಗ್ ಬಾಸ್ ಪ್ರಮುಖವಾದದು. ಹಾಲಿವುಡ್ ನಿಂದ ಭಾರತಕ್ಕೆ ಬಂದಿರುವ ಈ ಶೋ 2006ರಲ್ಲಿ ಮೊದಲ ಸಲ ಹಿಂದಿಯಲ್ಲಿ ಆರಂಭವಾಯಿತು. ಅದಾದ ಬಳಿಕ ಭಾರತದ ವಿವಿಧ ಭಾಷೆಗಳಲ್ಲಿ ಬಿಗ್ ಬಾಸ್ ಪ್ರಸಾರವಾಗಿದೆ.
ಹಿಂದಿಯಲ್ಲಿ 13ನೇ ಆವೃತ್ತಿ, ಕನ್ನಡದಲ್ಲಿ 7ನೇ ಆವೃತ್ತಿ, ತೆಲುಗು, ತಮಿಳು, ಮರಾಠಿ, ಬೆಂಗಾಳಿ ಹಾಗೂ ಮಲಯಾಳಂ ಭಾಷೆಯಲ್ಲಿ ಬಿಗ್ ಬಾಸ್ ಬಂದಿದೆ. ಇಷ್ಟು ವರ್ಷಗಳ ಇತಿಹಾಸದಲ್ಲಿ ಯಾವ ಶೋಗೂ ಸಿಗದ ಟಿ.ಆರ್.ಪಿ ತೆಲುಗಿಗೆ ಸಿಕ್ಕಿದೆ.
ಬಿಗ್ ಬಾಸ್-13 ಶೋನಿಂದ ಸಲ್ಮಾನ್ ಗೆ ಸಿಗುವ ಸಂಭಾವನೆ 400 ಕೋಟಿ.!
ಈ ಮಾಹಿತಿಯನ್ನ ಖುದ್ದು ಬಿಗ್ ಬಾಸ್ ಶೋ ಹಕ್ಕು ಹೊಂದಿರುವ ಎಂಡೆಮೊಲ್ ಬಹಿರಂಗಪಡಿಸಿದೆ. ಅಷ್ಟಕ್ಕೂ, ತೆಲುಗು ಬಿಗ್ ಬಾಸ್ ನಿರ್ಮಿಸಿರುವ ಆ ದಾಖಲೆ ಏನು? ಮುಂದೆ ಓದಿ....
ಅತಿ ಹೆಚ್ಚು TRP ಪಡೆದ ಫೈನಲ್ ಎಪಿಸೋಡ್
ಬಿಗ್ ಬಾಸ್ ಎಲ್ಲ ಭಾಷೆಗಳನ್ನು ಒಳಗೊಂಡಂತೆ ಇದುವರೆಗೂ ಯಾವ ಫೈನಲ್ ಎಪಿಸೋಡ್ ಗೂ ಸಿಗದಷ್ಟು ಟಿ.ಆರ್.ಪಿ ಪಡೆದಿದೆ ತೆಲುಗು ಬಿಗ್ ಬಾಸ್ ಮೂರನೇ ಆವೃತ್ತಿಯ ಫೈನಲ್. ಎಂಡೆಮೊಲ್ ಪ್ರಕಟ ಮಾಡಿರುವ ಪ್ರಕಾರ, 4.5 ಗಂಟೆಯಲ್ಲಿ 18.29 ಟಿ.ಆರ್.ಪಿ ರೇಟಿಂಗ್ ಪಡೆದುಕೊಂಡಿದೆ. ಇದು ಬಿಗ್ ಬಾಸ್ ಇತಿಹಾಸದಲ್ಲಿ ಹೊಸ ದಾಖಲೆ ಅಂತೆ.
ಬಿಗ್ ಬಾಸ್ 7ನೇ ಆವೃತ್ತಿಯಲ್ಲಿ ಸುದೀಪ್ ಸಂಭಾವನೆ ಎಷ್ಟು?
ಮೋಡಿ ಮಾಡಿದ ನಾಗಾರ್ಜುನ
ಸಲ್ಮಾನ್ ಖಾನ್ ನಿರೂಪಣೆ ಮಾಡುತ್ತಿರುವ ಬಿಗ್ ಬಾಸ್ 13 ಆವೃತ್ತಿ ನಡೆಯುತ್ತಿದೆ. ಸಲ್ಮಾನ್ ಹಾಗೂ ಹಿಂದಿ ಬಿಗ್ ಬಾಸ್ ಗೆ ಹೆಚ್ಚು ವೀಕ್ಷಕರಿದ್ದಾರೆ. ಈ ಕಡೆ ಕನ್ನಡದಲ್ಲಿ ಸುದೀಪ್ ನಡೆಸಿಕೊಡುತ್ತಿರುವ ಕನ್ನಡ ಬಿಗ್ ಬಾಸ್ ಹಾಗೂ ಆ ಕಡೆ ಕಮಲ್ ಹಾಸನ್ ನಡೆಸಿಕೊಡುತ್ತಿರುವ ತಮಿಳು ಬಿಗ್ ಬಾಸ್ ಗೂ ಹೆಚ್ಚು ವೀಕ್ಷಕರಿದ್ದಾರೆ. ಆದರೆ, ಫೈನಲ್ ಎಪಿಸೋಡ್ ಗಳನ್ನ ಲೆಕ್ಕಾಚಾರಕ್ಕೆ ತೆಗೆದುಕೊಂಡಾಗ, ನಾಗಾರ್ಜುನ ಸಾರಥ್ಯದ ತೆಲುಗು 'ಕಿಂಗ್' ಎನಿಸಿಕೊಂಡಿದೆ. ವಿಶೇಷ ಅಂದ್ರೆ ನಾಗಾರ್ಜುನ ಬಿಗ್ ಬಾಸ್ ಹೋಸ್ಟ್ ಮಾಡಿದ್ದು ಇದೇ ಮೊದಲ ಸಲ.
ಫೈನಲ್ ನಲ್ಲಿ ಏನು ಸ್ಪೆಷಲ್ ಇತ್ತು?
ತೆಲುಗು ಬಿಗ್ ಬಾಸ್ ಫೈನಲ್ ದಿನ ಅಂತಹದ್ದೇನಿತ್ತು ವಿಶೇಷ ಎಂದು ಗಮನಿಸಿದ್ರೆ, ಅಂದು ಫೈನಲ್ ವೇದಿಕೆ ಮೆಗಾಸ್ಟಾರ್ ಚಿರಂಜೀವಿ ಎಂಟ್ರಿಕೊಟ್ಟಿದ್ದರು. ಚಿರು ಎಂಟ್ರಿಯಿಂದ ಶೋಗೆ ಮತ್ತಷ್ಟು ಟಿ.ಆರ್.ಪಿ ಲಭಿಸಿದೆ ಎನ್ನುತ್ತಿವೆ ಟಾಲಿವುಡ್ ಮೂಲಗಳು.
ಬಿಗ್ ಬಾಸ್ ಸಂಭಾವನೆ ಬಗ್ಗೆ ಕೇಳಿದ್ದಕ್ಕೆ ಸುದೀಪ್ ಏನಂದ್ರು?
ಕುತೂಹಲ ಮೂಡಿಸಿದ್ದ ಅಂತಿಮ ಸ್ಪರ್ಧಿಗಳು
ಇನ್ನು ತೆಲುಗು ಬಿಗ್ ಬಾಸ್ ಮೂರನೇ ಆವೃತ್ತಿ ಯಾರು ಗೆಲ್ಲಬಹುದು ಎಂಬುದು ಭಾರಿ ಸಂಚಲನ ಸೃಷ್ಟಿಸಿತ್ತು. ಫೈನಲ್ ವೇದಿಕೆಯಲ್ಲಿ ರಾಹುಲ್ ಮತ್ತು ಶ್ರೀಮುಖಿ ಇದ್ದರು. ಶ್ರೀಮುಖಿ ಗೆಲ್ಲಬಹುದು ಎಂದು ಕೆಲವರು ಊಹಿಸಿದ್ದರು. ಆದರೆ, ಅಂತಿಮವಾಗಿ ರಾಹುಲ್ ಬಿಗ್ ಬಾಸ್ ಗೆದ್ದಿದ್ದರು. ಈ ಇಬ್ಬರು ಸ್ಪರ್ಧಿಗಳು ಬಗ್ಗೆ ಹೆಚ್ಚು ಕುತೂಹಲ ಇದ್ದ ಕಾರಣ, ಫೈನಲ್ ಗೆ ಹೆಚ್ಚು ವೀಕ್ಷಕರು ಬರುವಂತೆ ಮಾಡಿತ್ತು ಎನ್ನುವುದನ್ನು ಅಲ್ಲೆಗಳೆಯುವಂತಿಲ್ಲ.
'ಬಿಗ್ ಬಾಸ್ ಬ್ಯಾನ್ ಮಾಡಿ' ಎಂದು ರೊಚ್ಚಿಗೆದ್ದ ಜನರು
ಈ ದಾಖಲೆ ಬ್ರೇಕ್ ಆಗುತ್ತಾ?
ಖುದ್ದು ಬಿಗ್ ಬಾಸ್ ಮಾಲಿಕರಾಗಿರುವ ಎಂಡೆಮೋಲ್ ಸಂಸ್ಥೆ ಈ ಟಿ.ಆರ್.ಪಿ ಪ್ರಕಟ ಮಾಡಿರುವುದರಿಂದ ಇತರೆ ಬಿಗ್ ಬಾಸ್ ಗಳಿಗೆ ಇದು ಪ್ರತಿಷ್ಠೆಯಾಗಿದೆ. ಬಿಗ್ ಬಾಸ್ ಕನ್ನಡ 7ನೇ ಆವೃತ್ತಿ ಹಾಗೂ ಹಿಂದಿ ಬಿಗ್ ಬಾಸ್ 13ನೇ ಆವೃತ್ತಿಯ ಫೈನಲ್ ಮುಂದಿನ ದಿನಗಳಲ್ಲಿ ಪ್ರಸಾರವಾಗಲಿದ್ದು, ತೆಲುಗು ಬಿಗ್ ಬಾಸ್ ನಿರ್ಮಿಸಿರುವ ಈ ದಾಖಲೆ ಬ್ರೇಕ್ ಮಾಡುತ್ತಾ? ಕಾದುನೋಡಬೇಕಿದೆ.