ಪ್ರಪಂಚದ ಅತಿ ದೊಡ್ಡ ಪ್ರಾಣಿ ಯಾವ ಪರಿಸರದಲ್ಲಿ ಬದುಕುತ್ತದೆ?

Published: Monday, July 15, 2019, 17:15 [IST]

ಪ್ರಪಂಚದ ಅತಿ ದೊಡ್ಡ ಪ್ರಾಣಿ ಯಾವುದು ಎಂದು ಕೇಳಿದ್ರೆ ಹಲವರಿಗೆ ಹಲವು ಪ್ರಾಣಿಗಳು ನೆನಪಾಗುತ್ತೆ. ಆದರೆ ಅದು ಸರಿಯಾದ ಉತ್ತರನಾ ಎಂದು ಗೊಂದಲ ಉಂಟಾಗುತ್ತೆ. ಸರಿಯಾದ ಉತ್ತರ ಆಗಿದ್ದರೂ ತಪ್ಪಾಯ್ತಾ ಎಂಬ ಅನುಮಾನ ಕಾಡ್ತಿರುತ್ತೆ.

ಇಂತಹದ್ದೇ ಒಂದು ಪ್ರಶ್ನೆ ಕನ್ನಡದ ಕೋಟ್ಯಧಿಪತಿಯ ಮೂರನೇ ಆವೃತ್ತಿಯಲ್ಲಿ ಕೇಳಲಾಯಿತು. ನಾಲ್ಕನೇ ವಾರದ ಮೊದಲ ಸ್ಪರ್ಧಿ ಗೀತಾ ಅವರಿಗೆ 'ಪ್ರಪಂಚದ ಅತಿ ದೊಡ್ಡ ಪ್ರಾಣಿ ಯಾವ ಪರಿಸರದಲ್ಲಿ ಬದುಕುತ್ತದೆ?' ಎಂದು ಕೇಳಲಾಗಿತ್ತು.

ಬಹಳ ಕಾನ್ಫಿಡೆನ್ಸ್ ಆಗಿ ಗೀತಾ ಉತ್ತರ ನೀಡಿದ್ರು. ಆದರೆ ಗೀತಾ ನೀಡಿದ ಉತ್ತರ ಸರಿಯಾಗಿರಲಿಲ್ಲ. ಗೀತಾ ಈ ಪ್ರಶ್ನೆಯಿಂದ ಸ್ವಲ್ಪ ಕನ್ ಫ್ಯೂಸ್ ಮಾಡಿಕೊಂಡ್ರು. ಆಮೇಲೆ ಪುನೀತ್ ಹೇಳಿದ ಸ್ಪಷ್ಟನೆ ಕೇಳಿ ನಿರಾಸೆಯಿಂದ ಹೊರನಡೆದರು. ಅಷ್ಟಕ್ಕೂ, ಪ್ರಪಂಚದ ಅತಿ ದೊಡ್ಡ ಪ್ರಾಣಿ ಯಾವ ಪರಿಸರದಲ್ಲಿ ಬದುಕುತ್ತದೆ? ಮುಂದೆ ಓದಿ.....

1.60 ಲಕ್ಷದ ಪ್ರಶ್ನೆಗೆ ಉತ್ತರಿಸಲಿಲ್ಲ

ಸತತ ಏಂಟು ಪ್ರಶ್ನೆಗಳಿಗೆ ಸರಿಯಾದ ಉತ್ತರ ನೀಡಿ 80 ಸಾವಿರ ರೂಪಾಯಿ ಗೆದ್ದುಕೊಂಡಿದ್ದ ಗೀತಾ ಅವರು, ಒಂಭತ್ತನೇ ಪ್ರಶ್ನೆಯಲ್ಲಿ ಗೊಂದಲಕ್ಕೆ ಒಳಗಾದರು. ಹೆಚ್ಚು ಯೋಚನೆ ಮಾಡದೇ ಆತುರ ಮತ್ತು ಆತಂಕದಿಂದ ಉತ್ತರ ನೀಡಿ ಕೈಸುಟ್ಟುಕೊಂಡರು. ಅಲ್ಲಿಗೆ 1.60 ಲಕ್ಷದ ಪ್ರಶ್ನೆಯಿಂದ ನಿರ್ಗಮಿಸಿದರು.