ಫೆಬ್ರವರಿಯಲ್ಲೇ 'ದಿ ವಿಲನ್' ಕಿರುತೆರೆ ಎಂಟ್ರಿ: ದಿನಾಂಕ-ಸಮಯ ಬಹಿರಂಗ

ಫೆಬ್ರವರಿ 17ಕ್ಕೆ ಮಹೂರ್ತ ಫಿಕ್ಸ್

ಶಿವಣ್ಣ ಮತ್ತು ಕಿಚ್ಚ ಸುದೀಪ್ ಒಟ್ಟಿಗೆ ಅಭಿನಯಿಸಿದ್ದ ದಿ ವಿಲನ್ ಚಿತ್ರವನ್ನ ಚಿತ್ರಮಂದಿರದಲ್ಲಿ ನೋಡಲು ಮಿಸ್ ಮಾಡಿಕೊಂಡಿದ್ದ ಪ್ರೇಕ್ಷಕರಿಗೆ ಈಗ ಇನ್ನೊಂದು ಅವಕಾಶ ಸಿಕ್ಕಿದೆ. ಈ ಬಾರಿ ಮನೆಯಲ್ಲೇ ಕೂತು ಫ್ಯಾಮಿಲಿ ಜೊತೆ ನೋಡುವ ಅವಕಾಶ. ಹೌದು, ಫೆಬ್ರವರಿ 17 ರಂದು ರಾತ್ರಿ 7 ಗಂಟೆಗೆ ದಿ ವಿಲನ್ ಸಿನಿಮಾ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗ್ತಿದೆ.

ಅತಿ ಹೆಚ್ಚು ಬೆಲೆಗೆ ಸೇಲ್ ಆಗಿದ್ದ ಚಿತ್ರ

ಸ್ವತಃ ನಿರ್ಮಾಪಕರೇ ಹೇಳಿರುವ ಪ್ರಕಾರ, 'ದಿ ವಿಲನ್'ಸ ಸಿನಿಮಾದ ಟಿವಿ ಹಕ್ಕು 6.5 ಕೋಟಿಗೆ ಸೇಲ್ ಆಗಿತ್ತು. ಇದು ಕನ್ನಡ ಚಿತ್ರರಂಗದ ಮಟ್ಟಿಗೆ ಅತಿ ದೊಡ್ಡ ಮೊತ್ತ ಎಂದು ಹೇಳಲಾಗಿದೆ.

ಅತಿ ಹೆಚ್ಚು ಕಲೆಕ್ಷನ್ ಕಂಡಿದೆ

ದಿ ವಿಲನ್ ಸಿನಿಮಾದ ಗಳಿಕೆಯೂ ದೊಡ್ಡ ಮಟ್ಟದಲ್ಲಿದೆ. ಆದ್ರೆ, ನಿಖರವಾದರ ಮೊತ್ತವನ್ನ ಚಿತ್ರತಂಡ ಬಹಿರಂಗಪಡಿಸಿಲ್ಲ. ಮೊದಲ ದಿನದ ಕಲೆಕ್ಷನ್ 20 ಕೋಟಿ ಇತ್ತು ಎಂದು ಹೇಳಿದ್ದ ನಿರ್ದೇಶಕ ಪ್ರೇಮ್ ಆಮೇಲೆ ಸೈಲೆಂಟ್ ಆದರು.

ನೆಗಿಟೀವ್ ರೆಸ್ಪಾನ್ಸ್ ಚಿತ್ರಕ್ಕೆ ವಿಲನ್ ಆಗಿತ್ತು

ದಿ ವಿಲನ್ ಸಿನಿಮಾನ ಯಾಕೆ ನೋಡ್ಬೇಕು ಎಂದು ಕೇಳೋರಿಗೆ ಎರಡು ಉತ್ತರ. ಮೊದಲನೇಯದು ಶಿವಣ್ಣ ಮತ್ತು ಸುದೀಪ್ ಕಾಂಬಿನೇಷನ್ ನೋಡುವ ಅಪರೂಪದ ಸಿನಿಮಾ ಇದು. ಎರಡನೇಯದು ವಿಲನ್ ಸಿನಿಮಾ ಸುಮಾರು ಜನಕ್ಕೆ ಇಷ್ಟ ಆಗಿಲ್ಲ, ಸೋ, ಯಾಕೆ ಇಷ್ಟ ಆಗಿಲ್ಲ ಎಂದು ತಿಳಿದುಕೊಳ್ಳುವ ಕುತೂಹಲಕ್ಕಾಗಿ ವಿಲನ್ ಚಿತ್ರವನ್ನ ಒಮ್ಮೆ ನೋಡಬೇಕಾಗಿದೆ.