'ಬೆಟ್ಟದ ಮೇಲಿಂದ ಬಿದ್ದ ಪುಟ್ಟಗೌರಿ': ಆಮೇಲೆ ಆದ ಅದ್ಭುತಗಳು ಇವು.!

ಬೆಟ್ಟದಿಂದ ಬಿದ್ದ ಗೌರಿಗೇನೂ ಆಗಲಿಲ್ಲ. ಮುಖದಲ್ಲಿ ಹಾಗೂ ಕೈಮೇಲೆ ಒಂದಿಷ್ಟು ರಕ್ತ ಬಿಟ್ಟರೇ ಗಾಯವೂ ಆಗಿಲ್ಲ. ಇದರ ಮಧ್ಯೆ ಕಾಡಿನಲ್ಲಿ ಗೌರಿ ಮೇಲೆ ಹುಲಿ ಅಟ್ಯಾಕ್ ಮಾಡಿತ್ತು. ಆದ್ರೆ, ಹುಲಿಯ ವಿರುದ್ಧ ಹೋರಾಡಿ ತಪ್ಪಿಸಿಕೊಂಡ ಗೌರಿಗೆ ವೀಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಬೆಟ್ಟದಿಂದ ಬಿದ್ದ ಗೌರಿ ಮರದ ಕೊಂಬೆ ಮೇಲೆ ಬೀಳುತ್ತಾಳೆ. ಆ ಸಮಯದಲ್ಲೊಂದು ದೊಡ್ಡ ಹಾವು ಕಣ್ಣೆದುರಿಗೆ ಬಂದು ಬುಸುಗುಡುತ್ತೆ. ಆದ್ರೆ, ಗೌರಿ, ಹಾವಿನ ಕಪಾಳಕ್ಕೆ ಹೊಡೆದು ಅಲ್ಲಿಂದ ಎಸ್ಕೆಪ್ ಆಗುತ್ತಾಳೆ.

ಜಗತ್ತಿನಲ್ಲಿ 'ಸ್ಪೈಡರ್ ಮ್ಯಾನ್', 'ಸೂಪರ್ ಮ್ಯಾನ್' ಸಾಹಸ ಕಂಡು ಚಪ್ಪಾಳೆ ಹೊಡೆದಿರುವ ಪ್ರೇಕ್ಷಕರು ಈಗ ಅದೇ ಸಾಲಿಗೆ 'ಪುಟ್ಟಗೌರಿ'ಯನ್ನ ಹೋಲಿಸಿದ್ದಾರೆ.

'ಜಂಗಲ್ ಬುಕ್' ಸಿನಿಮಾ ನೋಡಿದವರಿಗೆ 'ಪುಟ್ಟಗೌರಿ'ಯ ಸನ್ನಿವೇಶ ಖುಷಿ ಕೊಡುತ್ತೆ ಎನ್ನುವುದಕ್ಕೆ ಈ ಟ್ರೋಲ್ ಸಾಕ್ಷಿ. ಯಾಕಂದ್ರೆ, ಗೌರಿಯನ್ನ 'ಜಂಗಲ್ ಗೌರಿ' ಎಂದು ಬಿಂಬಿಸಲಾಗ್ತಿದೆ.

ತೆಲುಗು ಸಿನಿಮಾಗಳಲ್ಲಿ ಬಾಲಕೃಷ್ಣ ಅವರ ಸಾಹಸಗಳನ್ನ ಕಂಡು ಬೆರಗಾಗಿದ್ದವರಿದ್ದಾರೆ. ಆದ್ರೆ, ಪುಟ್ಟಗೌರಿಯ ಸಾಹಸಕ್ಕೆ ಸ್ವತಃ ಬಾಲಯ್ಯನವರೇ ಶಬ್ಬಾಶ್ ಎಂದಿದ್ದಾರೆ ಎಂಬ ಟ್ರೋಲ್ ಗಮನ ಸೆಳೆಯುತ್ತಿದೆ.

ಗೌರಿಯ ಸಾಹಸ ಕಂಡು ನಟಸಾರ್ವಭೌಮ ಡಾ.ರಾಜ್ ಕುಮಾರ್ ಕೂಡ ಒಂದು ಕ್ಷಣ ಆಶ್ಚರ್ಯವಾಗಿದ್ದಾರೆ. 'ಭಕ್ತ ಪ್ರಹ್ಲಾದ' ಚಿತ್ರದ 'ಹಿರಣ್ಯಕಶಿಪು' ಪಾತ್ರದಲ್ಲಿ ರಾಜ್ ಕುಮಾರ್ ಎಕ್ಸ್ ಪ್ರೆಶನ್ ಕೊಟ್ಟಿರುವ ಟ್ರೋಲ್ ಆಕರ್ಷಣೆಯಾಗಿದೆ.

ಹುಲಿಯನ್ನೇ ಬೆಚ್ಚಿಬೀಳಿಸಿದ ಈ ದಿಟ್ಟ ಮಹಿಳೆ ಯಾರು ಎಂದು ಟ್ರೋಲ್ ಪೇಜ್ ಗಳು ಟ್ರೋಲ್ ಮಾಡುತ್ತಿದೆ.

ಅತಿ ಎತ್ತರದ ಬೆಟ್ಟದಿಂದ ಕೆಳಗೆ ಬಿದ್ದ ಪುಟ್ಟಗೌರಿ ಮರದ ಕೊಂಬೆಗಳ ಮೇಲೆ ಬಿದ್ದು, ಹುಲಿಯಿಂದ ತಪ್ಪಿಸಿಕೊಂಡು ಬಂದರೂ, ತಲೆಯಲ್ಲಿನ ಹೂವು ಬಾಡಿಲ್ಲ, ಚಪ್ಪಲಿ ಕಳೆದುಕೊಂಡಿಲ್ಲ ಎನ್ನುವುದು ಗಮನಾರ್ಹ.