Don't Miss!
- Automobiles Kia: ಬ್ರೇಕ್ ಇಲ್ಲದ ಟ್ರಕ್ನಂತೆ ಮುನ್ನುಗ್ಗುತ್ತಿದೆ ಕಿಯಾ: ಈಗ ಸಣ್ಣ ಪಟ್ಟಣಗಳಲ್ಲೂ ಸಿಗಲಿದೆ!
- Sports RCB vs KKR: ಯಶ್ ಮೇಲೆ 'ದಯೆ' ತೋರುತ್ತಾರಾ ರಿಂಕು ಸಿಂಗ್?; ಜಿದ್ದು ತೀರಿಸಿಕೊಳ್ತಾರಾ ಆರ್ಸಿಬಿ ವೇಗಿ?
- Technology ಪ್ರಜಾಪ್ರಭುತ್ವ ರಾಷ್ಟ್ರದಲ್ಲಿ ಡೀಪ್ಫೇಕ್ ದೊಡ್ಡ ಕಳವಳಕಾರಿ ಎಂದ ಮೋದಿ
- News ಚಿತ್ರದುರ್ಗದಲ್ಲಿ ಬಿಜೆಪಿಗೆ ಬಂಡಾಯದ ಬಿಸಿ: ಅಭ್ಯರ್ಥಿ ಬದಲಿಸದಿದ್ದರೆ ಪಕ್ಷೇತರ ಸ್ಪರ್ಧೆ, ಏ.3ಕ್ಕೆ ನಾಮಪತ್ರ ಸಲ್ಲಿಕೆ?
- Lifestyle ಯಾವ ದಿಕ್ಕಿಗೆ ತಲೆ ಇಟ್ಟು ಮಲಗಬಾರದು..? ಹಿರಿಯರು ಈ ರೀತಿ ಹೇಳೋದೇಕೆ.?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪತ್ನಿ ಖಾತೆಯಿಂದ ಕೋಟಿ ರುಪಾಯಿ ಹಣ ಎಗರಿಸಿದ ಟಿವಿ ನಟ
ಟಿವಿ ಧಾರಾವಾಹಿಗಳಲ್ಲಿ ನಟಿಸುವ ನಟ ಕರಣ್ ಮೆಹ್ರಾ ತನ್ನ ಪತ್ನಿಯ ಖಾತೆಗೆ ಕನ್ನ ಹಾಕಿ ಕೋಟಿ ರುಪಾಯಿಗೂ ಹೆಚ್ಚಿನ ಹಣ ಎಗರಿಸಿದ್ದಾನೆ.
ಕರಣ್ ಮೆಹ್ರಾ ಹಾಗೂ ನಿಶಾ ಮದುವೆಯಾಗಿ ಕೆಲ ಕಾಲವಾಗಿದೆ. ಆದರೆ ಇತ್ತೀಚೆಗೆ ಇಬ್ಬರ ನಡುವೆ ಕಲಹ ಏರ್ಪಟ್ಟಿದೆ. ಮೇ 31 ರಂದು ನಿಶಾ ಮೇಲೆ ಹಲ್ಲೆ ಮಾಡಿದ ಆರೋಪದಲ್ಲಿ ಕರಣ್ ಮೆಹ್ರಾ ಅನ್ನು ಗುರುಗ್ರಾಮ ಪೊಲೀಸರು ಬಂಧಿಸಿದ್ದರು.
ತನ್ನ ಮೇಲೆ ದೂರು ನೀಡಿ ಪೊಲೀಸರು ಬಂಧಿಸುವಂತೆ ಮಾಡಿದ ಪತ್ನಿ ನಿಶಾಗೆ ಬುದ್ಧಿ ಕಲಿಸಲೆಂದೇ ಆಕೆಯ ಖಾತೆಯಿಂದ 1 ಕೋಟಿ ರು ಹಣ ಎಗರಿಸಿದ್ದಾನೆ ಕರಣ್ ಮೆಹ್ರಾ. ಹಣ ಕಳೆದುಕೊಂಡಿರುವ ನಿಶಾ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು ಕರಣ್ ಸೇರಿದಂತೆ ಅವರ ಕುಟುಂಬದ ಇನ್ನೂ ಇಬ್ಬರ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
ಈ ಹಿಂದೆ ಕರಣ್ ಮೇಲೆ ನಿಶಾ ದೂರು ನೀಡಿದ್ದಾಗ ಮಾಧ್ಯಮದೊಟ್ಟಿಗೆ ಮಾತನಾಡಿದ್ದ ಕರಣ್, ''ನನ್ನ ಪತ್ನಿ ನಿಶಾ ಬಹಳ ಆಕ್ರಮಣಕಾರಿ ಸ್ವಭಾವದವಳು, ವಾಚಾಳಿ, ಬೈಯುವುದು ಅವಳ ಹವ್ಯಾಸ ಜೊತೆಗೆ ದೈಹಿಕ ಹಲ್ಲೆ ಸಹ ಮಾಡುತ್ತಾಳೆ'' ಎಂದು ಕಣ್ಣೀರು ಹಾಕಿದ್ದರು.
''ಆಕೆಗೆ ಮಾನಸಿಕ ಸಮಸ್ಯೆ ಇದೆ. ಆಕೆಗೆ ಎರಡು ವ್ಯಕ್ತಿತ್ವಗಳಿವೆ. ಅಷ್ಟೆ ಅಲ್ಲ ಆಕೆಯ ನಡುವಳಿಕೆ ಸಹ ಸರಿಯಿಲ್ಲ. ಮಾನಸಿಕವಾಗಿ ಹಾಗೂ ದೈಹಿಕವಾಗಿ ನನಗೆ ಸಾಕಷ್ಟು ಹಿಂಸೆ ನೀಡಿದ್ದಾಳೆ ನಾನು ಆತ್ಮಹತ್ಯೆಗೆ ಸಹ ಯತ್ನಿಸಿದ್ದೆ'' ಎಂದಿದ್ದರು ಕರಣ್.
ಕರಣ್ ಹಾಗೂ ನಿಶಾ ಎಂಟು ವರ್ಷಗಳ ಹಿಂದೆ ವಿವಾಹವಾಗಿದ್ದರು. ಅವರಿಗೆ ನಾಲ್ಕು ವರ್ಷದ ಮಗನಿದ್ದಾನೆ.