ಐಷಾರಾಮಿ ಕಾರಿಗೆ ಒಡೆಯನಾದ 'ಪುಟ್ಟಗೌರಿ', 'ಗಟ್ಟಿಮೇಳ' ಹುಡುಗ ರಕ್ಷ್.!

ಆಡಿ ಖರೀದಿ ಮಾಡಿದ ರಕ್ಷ್

ಕಿರುತೆರೆಯ ಖ್ಯಾತ ನಟ ರಕ್ಷ್ ದುಬಾರಿ ಬೆಲೆಯ ಆಡಿ ಎ5 ಸ್ಟೋರ್ಟ್ ಬ್ಯಾಕ್ ಕಾರನ್ನು ಖರೀದಿ ಮಾಡಿದ್ದಾರೆ. ಬೆಂಗಳೂರಿನಲ್ಲಿ ಈ ಮಾಡೆಲ್ ಕಾರು ತೀರಾ ಅಪರೂಪ. ಈ ಕಾರಿನ ಆನ್ ರೋಡ್ ಬೆಲೆ ಅಂದಾಜು 65-70 ಲಕ್ಷ ರೂಪಾಯಿ.

ಹುಟ್ಟುಹಬ್ಬದಂದು ಕಾರು ಖರೀದಿ ಮಾಡಿದ ರಕ್ಷ್

ತಮ್ಮ ಹುಟ್ಟುಹಬ್ಬದ ಪ್ರಯುಕ್ತ ನಟ ರಕ್ಷ್ ಆಡಿ ಎ5 ಸ್ಟೋರ್ಟ್ ಬ್ಯಾಕ್ ಖರೀದಿ ಮಾಡಿದ್ದಾರೆ. ಕಿರುತೆರೆ ಲೋಕದಲ್ಲಿ ಹತ್ತು ವರ್ಷಗಳಿಂದ ಶ್ರಮ ಪಟ್ಟಿರುವ ರಕ್ಷ್ ಇದೀಗ ಐಷಾರಾಮಿ ಕಾರು ಕೊಂಡುಕೊಂಡಿದ್ದಾರೆ.

ಕರುನಾಡ ಜನತೆಗೆ ಧನ್ಯವಾದ ತಿಳಿಸಿದ ರಕ್ಷ್

ಹೊಸ ಕಾರಿನ ಫೋಟೋಗಳನ್ನು ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡು ನಟ ರಕ್ಷ್ ಸಂತಸ ವ್ಯಕ್ತಪಡಿಸಿದ್ದಾರೆ. ''ಶ್ರಮ ನನ್ನದೇ ಆದರೂ, ಈ ಕಾರನ್ನು ನಾನು ಖರೀದಿ ಮಾಡಲು ಸಾಧ್ಯವಾಗಿಸಿದ್ದು ಕರುನಾಡ ಜನತೆಯ ಆಶೀರ್ವಾದ ಹಾಗೂ ಪ್ರೀತಿ. ಹೀಗಾಗಿ, ಎಲ್ಲಾ ಕ್ರೆಡಿಟ್ ಕರ್ನಾಟಕ ಜನತೆಗೆ ಸಲ್ಲಬೇಕು'' ಎಂದು ನಟ ರಕ್ಷ್ ಇನ್ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿದ್ದಾರೆ.

ಸ್ಟೂಡೆಂಟ್ ಬಸ್ ಪಾಸ್ ನಿಂದ ಇಲ್ಲಿಯವರೆಗೆ.!

''ಬಿಎಂಟಿಸಿ ಸ್ಟೂಡೆಂಟ್ ಬಸ್ ಪಾಸ್ ನಿಂದ ಇಲ್ಲಿಯವರೆಗೆ ಬಂದಿದ್ದೇನೆ. ನಿಮ್ಮೆಲ್ಲರ ಆಶೀರ್ವಾದಕ್ಕೆ ನನ್ನ ಧನ್ಯವಾದ. ನಿಮ್ಮ ಪ್ರೀತಿ ಇಲ್ಲದೇ ಹೋಗಿದ್ರೆ, ಇದು ಸಾಧ್ಯವಾಗುತ್ತಿರಲಿಲ್ಲ. ನಿಮ್ಮ ಸ್ವಂತ ದುಡ್ಡಿನಿಂದ ಕಾರು ಖರೀದಿ ಮಾಡಿದ್ರೆ, ಅದರಲ್ಲಿನ ಡ್ರೈವ್ ವರ್ಣಿಸಲಸಾಧ್ಯ'' ಎಂದು ಬರೆದುಕೊಂಡಿದ್ದಾರೆ ನಟ ರಕ್ಷ್.