ವಿವಾಹಿತೆಗೆ ನಗ್ನ ಫೋಟೋ ಕಳುಹಿಸಿ ಸಿಕ್ಕಿಬಿದ್ದ ನಟ

ಈ ಸಂಬಂಧ ಆಕೆ ಪೊಲೀಸರ ಮೊರೆ ಹೋಗಿದ್ದರು. ಕಾರ್ಯಾಚರಣೆ ಇಳಿದ ಮುಂಬೈ ಪೊಲೀಸರು ಈತನ ಮೊಬೈಲ್ ಫೋನನ್ನು ಅನುಸರಿಸಿ ಭಾನುವಾರ ರಾತ್ರಿ ಈತನ ಮನೆ ಕದ ತಟ್ಟಿದ್ದಾರೆ. ಓಹೋ ಇನ್ನೇನು ತನ್ನ ಪ್ರಿಯತಮೆ ಬಂದೇ ಬಿಟ್ಟಳು ಎಂದು ಆತ ಬಾಗಿಲು ತೆರೆದರೆ ಪೊಲೀಸರ ಕೈಗೆ ಸಿಕ್ಕಿಬಿದ್ದಾನೆ.

ಈತನ ಹೆಸರು ಸನಿಲ್ ಸೋಧಿ. ವಿವಾಹಿತ ಮಹಿಳೆ ಈತನಿಗೆ ಪರಿಚಯದವರಂತೆ. ಕೆಲವೊಂದು ಹಿಂದಿ ಸೀರಿಯಲ್ ಗಳಲ್ಲೂ ಅಭಿನಯಿಸಿದ್ದಾನೆ. ಈತನನ್ನು ವಶಕ್ಕೆ ಪಡೆದಿರುವ ಪೊಲೀಸರು, ಮಾಹಿತಿ ತಂತ್ರಜ್ಞಾನ ಕಾಯಿದೆ ಉಲ್ಲಂಘಿಸಿ ಅಶ್ಲೀಲ ಮಾಹಿತಿಯನ್ನು ರವಾನಿಸಿದ ಎಂದು ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 509 ಹಾಗೂ ಸೆಕ್ಷನ್ 67ರಡಿ ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.

ಸನಿಲ್ ಸೋದಿ ಕೆಲವೊಂದು ಬಾಲಿವುಡ್ ಚಿತ್ರಗಳಲ್ಲೂ ಸಣ್ಣಪುಟ್ಟ ಪಾತ್ರಗಳನ್ನು ನಿರ್ವಹಿಸಿದ್ದ. ಈತನ ತಂದೆ ಮಾಜಿ ಐಎಎಸ್ ಅಧಿಕಾರಿ. ಜೀ ಟಿವಿಯ 'ರಿಸ್ತೆ', ಡಿಡಿ1ರ 'ಹಮ್' ಧಾರಾವಾಹಿಗಳಲ್ಲಿ ಈತ ಅಭಿನಯಿಸಿದ್ದಾನೆ. ಒಂದೆರಡು ದಿನಗಳಲ್ಲಿ ಈತನ ಪ್ರಕರಣ ಕೋರ್ಟ್ ಕಟಕಟೆಗೆ ಬರಲಿದೆ. ಗಂಭೀರ ಶಿಕ್ಷೆ ವಿಧಿಸುವ ಸಾಧ್ಯತೆಗಳಿವೆ ಎನ್ನುತ್ತಾರೆ ನಿಪುಣರು. (ಏಜೆನ್ಸೀಸ್)