ಕಿರುತೆರೆಯ ಈ ನಟಿ ಇದೀಗ ನಿಖಿಲ್ ಕುಮಾರ್ ಗೆ ಹೀರೋಯಿನ್.!

ಕಿರುತೆರೆ ನಟಿ ಸಂಪದ

ನಿಖಿಲ್ ಕುಮಾರ್ ಅಭಿನಯದ ಇನ್ನೂ ಹೆಸರಿಡದ ಈ ಚಿತ್ರದಲ್ಲಿ ಕಿರುತೆರೆ ನಟಿ ಸಂಪದ ನಾಯಕಿ ಆಗಿ ಆಯ್ಕೆ ಆಗಿದ್ದಾರೆ. ಖಾಸಗಿ ವಾಹಿನಿಯ ಧಾರಾವಾಹಿಯೊಂದರಲ್ಲಿ ನಟಿಸುತ್ತಿದ್ದ ಸಂಪದ ಇದೀಗ ನಿಖಿಲ್ ಕುಮಾರ್-ವಿಜಯ್ ಕುಮಾರ್ ಕೊಂಡ ಕಾಂಬಿನೇಶನ್ ನಲ್ಲಿ ಮೂಡಿ ಬರುವ ಚಿತ್ರದ ಮೂಲಕ ಸ್ಯಾಂಡಲ್ ವುಡ್ ಗೆ ಪದಾರ್ಪಣೆ ಮಾಡುತ್ತಿದ್ದಾರೆ.

'ಕುರುಕ್ಷೇತ್ರ' ಬಳಿಕ ನಿಖಿಲ್ ಗೆ ಮತ್ತೊಂದು ಮೆಗಾ ಆಫರ್ ನೀಡಿದ ಮುನಿರತ್ನ

ಅಲ್ಲಿ ವಿಲನ್, ಇಲ್ಲಿ ಎರಡನೇ ನಾಯಕಿ.!

ಖಾಸಗಿ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ ಧಾರಾವಾಹಿಯಲ್ಲಿ ಸಂಪದ ನೆಗೆಟಿವ್ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇದೀಗ ನಿಖಿಲ್ ಕುಮಾರ್ ಅಭಿನಯದ ಲಹರಿ ಆಡಿಯೋ ಸಂಸ್ಥೆ ನಿರ್ಮಾಣದ ಪ್ರೊಡಕ್ಷನ್ ನಂಬರ್ 1 ಚಿತ್ರದಲ್ಲಿ ಎರಡನೇ ನಾಯಕಿ ಆಗಿ ಸಂಪದ ಕಾಣಿಸಿಕೊಳ್ಳಲಿದ್ದಾರೆ.

ತೆಲುಗು ನಿರ್ದೇಶಕರ ಚಿತ್ರದಲ್ಲಿ ನಿಖಿಲ್ ಕುಮಾರ್ ಸ್ವಾಮಿ

ಮುಖ್ಯ ನಾಯಕಿ ಯಾರು.?

ಕ್ರೀಡೆ, ಆಕ್ಷನ್, ಲವ್.. ಎಲ್ಲವೂ ಮಿಕ್ಸ್ ಆಗಿರುವ ಈ ಚಿತ್ರದಲ್ಲಿ ನಿಖಿಲ್ ಗೆ ಮುಖ್ಯ ನಾಯಕಿ ಆಗಿ ಕಾಶ್ಮೀರಿ ಪರ್ದೇಶಿ ನಟಿಸಲಿದ್ದಾರೆ. ನಿಖಿಲ್, ಕಾಶ್ಮೀರಿ ಪರ್ದೇಸಿ, ಸಂಪದ ಜೊತೆಗೆ ದತ್ತಣ್ಣ, ಶಿವರಾಜ್.ಕೆ.ಆರ್.ಪೇಟೆ, ರಾಜೇಶ್, ಬೇಬಿ ಪ್ರಾಣ್ಯ ಕೂಡ ತಾರಾಗಣದಲ್ಲಿದ್ದಾರೆ.

ದ್ವಿಭಾಷಾ ಚಿತ್ರ

ತೆಲುಗಿನಲ್ಲಿ 'ಒಕ ಲೈಲಾ ಕೋಸಂ' ಮತ್ತು 'ಗುಂಡೇ ಜಾರಿ ಗಲ್ಲಂತಾಯಿಂದಿ' ಚಿತ್ರಗಳನ್ನು ನಿರ್ದೇಶಿಸಿದ್ದ ವಿಜಯ್ ಕುಮಾರ್ ಕೊಂಡ ಇದೀಗ ನಿಖಿಲ್ ಕುಮಾರ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಸಿನಿಮಾದಲ್ಲಿ ಬಾಸ್ಕಲ್ ಬಾಲ್ ಪ್ಲೇಯರ್ ಆಗಿ ನಿಖಿಲ್ ಕುಮಾರ್ ಕಾಣಿಸಿಕೊಳ್ಳಲಿದ್ದು, ಕನ್ನಡ ಮತ್ತು ತೆಲುಗಿನಲ್ಲಿ ಏಕಕಾಲಕ್ಕೆ ಸಿದ್ಧವಾಗಲಿದೆ. ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ನೀಡಲಿದ್ದಾರೆ.