twitter
    For Quick Alerts
    ALLOW NOTIFICATIONS  
    For Daily Alerts

    ಬದುಕಿನ ಎಪಿಸೋಡ್ ಮುಗಿಸಿದ ಪ್ರಶಾಂತ್ ಹಾಲ್ದೊಡ್ಡೇರಿ

    By Rajendra
    |

    Prashanth Haldodderi Passes Away
    ಉತ್ಸಾಹಿ ರಂಗಭೂಮಿ ಹಾಗೂ ಕಿರುತೆರೆ ಕಲಾವಿದ ಪ್ರಶಾಂತ್ ಹಾಲ್ದೊಡ್ಡೇರಿ ಅವರು ಮಂಗಳವಾರ (ಅ.2) ಮಧ್ಯರಾತ್ರಿ ತೀವ್ರ ಹೃದಯಾಘಾತದಿಂದ ನಿಧನರಾಗಿದ್ದಾರೆ. 'ನಾಕುತಂತಿ', 'ಮಿಂಚು', 'ಮುಕ್ತಾ', 'ಮುಕ್ತಾ ಮುಕ್ತಾ' ಧಾರಾವಾಹಿಗಳಲ್ಲಿ ನಟರಾಗಿ ಪ್ರಕರಣ ನಿರ್ದೇಶಕರಾಗಿ ದುಡಿದಿದ್ದಾರೆ.

    ಜೀ ಕನ್ನಡ ವಾಹಿನಿಯ 'ರಾಧಾ ಕಲ್ಯಾಣ' ಧಾರಾವಾಹಿಯ ನಿರ್ದೇಶಕರೂ ಆಗಿದ್ದರು ಪ್ರಶಾಂತ್ ಹಾಲ್ದೊಡ್ಡೇರಿ. ಖ್ಯಾತ ನಾಟಕಕಾರ, ಟಿವಿ ಧಾರಾವಾಹಿಗಳ ನಿರ್ದೇಶಕ ಟಿ.ಎನ್.ಸೀತಾರಾಂ ಅವರ ಭೂಮಿಕಾ ತಂಡದ ಸದಸ್ಯರೂ ಆಗಿದ್ದರು.

    ಅವರ ಹಠಾತ್ ನಿಧನಕ್ಕೆ ಸಾಮಾಜಿಕ ಜಾಲತಾಣ ಫೇಸ್ ಬುಕ್ ನಲ್ಲಿ ಅವರ ಅಭಿಮಾನಿಗಳು, ಹಿತೈಶಿಗಳು ಹಾಗೂ ಸ್ನೇಹಿತರು ಕಂಬನಿ ಗರೆದಿದ್ದಾರೆ.

    ಅವರ ನಿಧನದ ಬಗ್ಗೆ ಅವರ ಆತ್ಮೀಯ ಗೆಳೆಯ ಹಾಗೂ ನಟ, ನಿರ್ದೇಶಕ, ರಂಗ ಕಲಾವಿದ ಬಿ ಸುರೇಶ್ ಅವರು ಕಂಬನಿ ಮಿಡಿದಿದ್ದು, ನನ್ನ ಆತ್ಮೀಯ ಗೆಳೆಯನೊಬ್ಬನನ್ನು ಕಳೆದುಕೊಂಡ ಸಂಕಟವೊಂದು ಕಾಡುತ್ತಿದೆ ಎಂದಿದ್ದಾರೆ.

    ತುಮಕೂರು ಜಿಲ್ಲೆಯ ಸಿರಾ ತಾಲ್ಲೂಕಿನಲ್ಲಿರುವ ಪುಟ್ಟ ಗ್ರಾಮ ಹಾಲ್ದೊಡ್ಡೇರಿ ಗ್ರಾಮದ ವಂಶಸ್ಥರಾದ ಪ್ರಶಾಂತ್ ಹಾಲ್ದೊಡ್ಡೇರಿ ಅವರು ಪತ್ನಿ ಸುಷ್ಮಾ ಪ್ರಶಾಂತ್ ಹಾಗೂ ಪುತ್ರನನ್ನು ಅಗಲಿದ್ದಾರೆ. ಪ್ರಶಾಂತ್ ಹಾಲ್ದೊಡ್ಡೇರಿ ಅವರ ಅಗಲಿಕೆಯ ನೋವನ್ನು ಭರಿಸುವ ಶಕ್ತಿ ಅವರ ಕುಟುಂಬಕ್ಕೆ ದೇವರು ನೀಡಲಿ ಎಂದು ಒನ್ಇಂಡಿಯಾ ಕನ್ನಡ ಬಳಗ ಪ್ರಾರ್ಥಿಸುತ್ತದೆ.

    ಪ್ರಶಾಂತ್ ಹಾಲ್ದೊಡ್ಡೇರಿ ಅವರ ಅಗಲಿಕೆಯ ನೋವನ್ನು ಅವರ ಬಾಳಸಂಗಾತಿ ಸುಷ್ಮಾ ಅವರು ಫೇಸ್ ಬುಕ್ ನಲ್ಲಿ ತೋಡಿಕೊಂಡಿದ್ದು, ಓದುತ್ತಿದ್ದರೆ ನಿಜಕ್ಕೂ ಹೃದಯತುಂಬಿ ಬರುತ್ತದೆ...

    "ನನ್ನ ಇನಿಯ ಇನ್ನಿಲ್ಲ.
    ನನ್ನನ್ನು ಒಬ್ಬೊಂಟಿಯಾಗೂ ಬಿಟ್ಟಿಲ್ಲ ಮಡಿಲಲ್ಲಿ ಅವನದೇ ತದ್ರೂಪು ಮಗನನ್ನು ಜೊತೆ ಮಾಡಿ ಹೋಗಿದ್ದಾನೆ.
    ಹೋಗಿದ್ದಾನೆ? ಇಲ್ಲ ನನ್ನ ನೆನಪಿನಂಗಳದಲ್ಲಿ
    ನನ್ನ ಮನದಲ್ಲಿ ಸದಾ ಮುಗುಳ್ನಗುತ್ತ ನನ್ನಲ್ಲಿ ಚೈತನ್ಯ ತುಂಬುತ್ತಿರುತ್ತಾನೆ
    ನನ್ನ ಇನಿಯ ಇನ್ನಿಲ್ಲ ಮನೆಯಲ್ಲಿ, ಇರುವನು ಸದಾ ನನ್ನ ಮನದಲ್ಲಿ"

    ವಿಧಿವಶರಾದ ತಾರೆಗಳು: ಕನ್ನಡ ನಟ ದಿಲೀಪ್ ವಿಧಿವಶ | ಹಾಸ್ಯ ನಟ ಕರಿಬಸವಯ್ಯ ಇನ್ನಿಲ್ಲ | ಎಂ ಎಸ್ ಕಾರಂತ್ ಇನ್ನು ನೆನಪು ಮಾತ್ರ

    English summary
    Kannada small screen artist and theater personality Prashanth Haldodderi passsed away on 2nd October in Bangalore due to cardiac arrest said his family sources. He acted in Muktha, Muktha Muktha, Minchu, Nakutanti, Radha Kalyana. His facebook fans mourned his sudden death.
    Wednesday, October 3, 2012, 16:55
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X