ಬಿಗ್ ಬಾಸ್ ಫೈನಲ್ ಫಿಕ್ಸ್ ಎಂದು ಕೆಲಸ ಬಿಟ್ಟ ಯುವತಿ! 'ವಾಹಿನಿ' ಕೊಟ್ಟ ಸ್ಪಷ್ಟನೆ ಏನು?

ಕಡಿಮೆ ವೋಟ್ ಬಂದರೂ ಸಿದ್ಧಾರ್ಥ್ ಗೆದ್ದರಾ?

ಬಿಗ್ ಬಾಸ್ ಫೈನಲ್ ಕುರಿತು ಫೆರಿಹಾ ಎಂಬ ಯುವತಿ ಟ್ವೀಟ್ ಮಾಡಿದ್ದು, ''ನಾನು ನನ್ನ ಕೆಲಸ ಬಿಡಲು ನಿರ್ಧರಿಸಿದ್ದೇನೆ. ಕ್ರಿಯೇಟೀವ್ ತಂಡದ ನಾನು ಕೆಲಸ ಮಾಡಿದ್ದು ಒಳ್ಳೆಯ ಅನುಭವ ಆದರೆ ಫಿಕ್ಸಿಂಗ್ ಶೋ ಎಂದು ಭಾವಿಸಿರಲಿಲ್ಲ. ಕಡಿಮೆ ವೋಟ್ ಬಂದಿದ್ದರೂ ಸಿದ್ಧಾರ್ಥ್ ಶುಕ್ಲಾ ಅವರನ್ನು ವಿನ್ನರ್ ಮಾಡುತ್ತಿದೆ. ನಾನು ಇದರಲ್ಲಿ ಭಾಗಿಯಾಗಲು ಇಷ್ಟವಿಲ್ಲ'' ಎಂದು ಫೆಬ್ರವರಿ 15 ರಂದು ಟ್ವೀಟ್ ಮಾಡಿದ್ದಾರೆ.

ಫೈನಲ್ ಗೆದ್ದ ಸಿದ್ಧಾರ್ಥ್ ಶುಕ್ಲಾ

ಬಿಗ್ ಬಾಸ್ 13ನೇ ಸೀಸನ್ ಫೈನಲ್ ಫೆಬ್ರವರಿ 15 ಮತ್ತು 16 ರಂದು ನಡೆದಿದೆ. ಅಸೀಮ್ ರಿಯಾಜ್ ಅವರನ್ನು ಹಿಂದಿಕ್ಕಿದ ಸಿದ್ಧಾರ್ಥ್ ಶುಕ್ಲಾ ಬಿಗ್ ಬಾಸ್ ಟ್ರೋಫಿ ಗೆದ್ದಿದ್ದಾರೆ. ಸಿದ್ಧಾರ್ಥ್ ಶುಕ್ಲಾ ಗೆಲ್ಲಬಹುದು ಎಂದುಕೊಂಡಿದ್ದರು ಈ ಫಲಿತಾಂಶದಿಂದ ಸಂತಸಪಟ್ಟರು. ಆದರೆ, ಅಸೀಮ್ ರಿಯಾಜ್ ಬೆಂಬಲಿಗರು ಫೆರಿಹಾ ಅವರ ಟ್ವೀಟ್ ಮುಂದಿಟ್ಟು ಶೋ ವಿರುದ್ಧ ಟೀಕಿಸಿದರು. ಇದು ಫಿಕ್ಸ್ ಎಂದು ಕಾಲೆಳೆದರು.

'ಇದು ಫಿಕ್ಸಿಂಗ್ ಅಲ್ಲ'- ಅಸೀಮ್

ಬಿಗ್ ಬಾಸ್ ಫೈನಲ್ ನಲ್ಲಿ ರನ್ನರ್ ಅಪ್ ಆದ ಅಸೀಮ್ ರಿಯಾಜ್ ಕೂಡ ಶೋ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ''ಇದು ಫಿಕ್ಸಿಂಗ್ ಅಲ್ಲ. ನಾನು ಇಲ್ಲಿಯವರೆಗೂ ಬಂದಿದ್ದು ಹಾಗೂ ಸಿದ್ಧಾರ್ಥ್ ಫೈನಲ್ ಗೆದ್ದಿದ್ದು ಜನರ ಪ್ರೀತಿಯಿಂದ. ಬಿಗ್ ಬಾಸ್ ಫಿಕ್ಸಿಂಗ್ ಅಲ್ಲ'' ಎಂದು ವದಂತಿಗಳಿಗೆ ತೆರೆ ಎಳೆದಿದ್ದಾರೆ.

ಸ್ಪಷ್ಟನೆ ನೀಡಿದ ವಾಹಿನಿ

ಇನ್ನು ವಾಹಿನಿಯಲ್ಲಿ ಕೆಲಸ ಮಾಡುತ್ತಿದ್ದು, ಕೆಲಸ ಬಿಟ್ಟೆ ಎಂದು ಹೇಳಿಕೊಂಡಿರುವ ಯುವತಿ ಬಗ್ಗೆ ವಾಹಿನಿ ಸ್ಪಷ್ಟನೆ ನೀಡಿದೆ. ''ಬಿಗ್ ಬಾಸ್ ಆರೋಪ ಮಾಡಿರುವ ಆ ಯುವತಿ ನಮ್ಮ ಚಾನಲ್ ಹಾಗೂ ಶೋನಲ್ಲಿ ಯಾವುದೇ ಕೆಲಸದಲ್ಲಿ ಇಲ್ಲ ಹಾಗೂ ಯಾವುದೇ ಸಂಬಂಧ ಹೊಂದಿಲ್ಲ. ಆಕೆಯೆ ಆರೋಪ ಸುಳ್ಳು. ದಯವಿಟ್ಟು ವೀಕ್ಷಕರು ಅಂತಹ ಸುದ್ದಿಗಳನ್ನು ನಂಬಬೇಡಿ'' ಎಂದು ಅಧಿಕೃತವಾಗಿ ತಿಳಿಸಿದ್ದಾರೆ.