ಕನ್ನಡದ ಕೋಟ್ಯಾಧಿಪತಿ ಹಾಟ್ ಸೀಟಲ್ಲಿ ಉಪೇಂದ್ರ

ಈಗಾಗಲೆ ಆಕ್ಷನ್ ಕ್ವೀನ್ ಮಾಲಾಶ್ರೀ ಹಾಗೂ ಪ್ರಭುದೇವ ಅವರೊಂದಿಗಿನ ಎಪಿಸೋಡ್ ಗಳು ಚಿತ್ರೀಕರಣವಾಗಿವೆ. ಪ್ರಭುದೇವ ಎಪಿಸೋಡ್ ಏಪ್ರಿಲ್ 3ರಂದು ಪ್ರಸಾರವಾಗಲಿದೆ. ಕೋಟ್ಯಾಧಿಪತಿ ಜೊತೆಗಿನ ಮಾಲಾಶ್ರೀ ಕಾರ್ಯಕ್ರಮ ಯುಗಾದಿ ಹಬ್ಬಕ್ಕೆ ಮೂಡಿಬರಲಿದೆ.

ಈಟಿವಿ ಕನ್ನಡ ವಾಹಿನಿಯ ಬಿಗ್ ಹಾಗೂ ಸುವರ್ಣ ವಾಹಿನಿಯ ಕೋಟ್ಯಾಧಿಪತಿ ಕಾರ್ಯಕ್ರಮಗಳು ಒಂದೇ ಸಂಜೆ ಸ್ಲಾಟ್ ನಲ್ಲಿರುವ ಕಾರಣ 'ನಾನಾ ನೀನಾ' ಎಂಬಂತಾಗಿದೆ. ಅತ್ತ ಸುದೀಪ್ ಇತ್ತ ಪುನೀತ್ ಇಬ್ಬರ ನಡುವೆ ಕಿರುತೆರೆಯಲ್ಲೂ ಬಿಗ್ ಫೈಟ್ ಶುರುವಾಗಿದೆ.

ಇನ್ನು ಉಪೇಂದ್ರ ಜೊತೆಗಿನ ಕೋಟ್ಯಾಧಿಪತಿ ಕಾರ್ಯಕ್ರಮ ಯಾವಾಗ ಪ್ರಸಾರವಾಗಲಿದೆ ಎಂಬುದು ಇನ್ನೂ ನಿರ್ಧಾರವಾಗಿಲ್ಲ. ಉಪ್ಪಿಗೆ ಪುನೀತ್ ಏನು ಪ್ರಶ್ನೆ ಕೇಳ್ತಾರೆ ಎಷ್ಟಕ್ಕೆ ಉತ್ತರ ಕೊಡ್ತಾರೆ ಎಷ್ಟು ಗೆಲ್ತಾರೆ ಎಂಬ ಕುತೂಹಲವಿದ್ದೇ ಇದೆ. (ಏಜೆನ್ಸೀಸ್)