ಪಕ್ಕದ ಮನೆ ಮಗು ಹುಟ್ಟಿ ಒಂದನೇ ಕ್ಲಾಸ್ ಸೇರಿದರೂ, 'ಅಗ್ನಿಸಾಕ್ಷಿ' ಕಥೆ ಮಾತ್ರ ಮುಂದಕ್ಕೆ ಹೋಗಿಲ್ಲ.!

ಕಥೆ ಮಾತ್ರ ಅಲ್ಲೇ ಇದೆ.!

'ಅಗ್ನಿಸಾಕ್ಷಿ' ಸೀರಿಯಲ್ ಕಥೆ ಬಗ್ಗೆ ವೀಕ್ಷಕರು ಯಾವ ರೀತಿ ಲೇವಡಿ ಮಾಡುತ್ತಿದ್ದಾರೆ ಅನ್ನೋದಕ್ಕೆ ಈ ಕಾಮೆಂಟ್ ಉತ್ತಮ ಉದಾಹರಣೆ. ''ಪಕ್ಕದ ಮನೆಯಲ್ಲಿ ಮಗು ಹುಟ್ಟಿ, ಅದು ಒಂದೇ ಕ್ಲಾಸ್ ಸೇರಿದರೂ.. ಅಗ್ನಿಸಾಕ್ಷಿ ಕಥೆ ಮಾತ್ರ ಅಲ್ಲೇ ಇದೆ. ಮಗು ಐದನೇ ಕ್ಲಾಸ್ ಗೆ ಬಂದರೂ ಸೀರಿಯಲ್ ಮುಗಿದಿರಲ್ಲ'' ಅನ್ನೋದು ವೀಕ್ಷಕರ ಅಭಿಪ್ರಾಯ.

ಯಾವಾಗ ಮುಗಿಯುತ್ತೋ.?!

''ಈ ಧಾರಾವಾಹಿ ಯಾವಾಗ ಮುಗಿಯುತ್ತೋ.. ವರ್ಸ್ಟ್ ಸೀರಿಯಲ್'' ಅಂತೆಲ್ಲಾ ವೀಕ್ಷಕರು ಕಲರ್ಸ್ ಕನ್ನಡ ಅಫೀಶಿಯಲ್ ಫೇಸ್ ಬುಕ್ ಪುಟದಲ್ಲೇ ಕಾಮೆಂಟ್ ಮಾಡಿದ್ದಾರೆ.

ಸಾಕ್ರೀ ನಿಮ್ಮ ಸಂದೇಶ ಸಮಾಜಕ್ಕೆ.!

''ಐದು ವರ್ಷದಿಂದ ಚಂದ್ರಿಕಾ ಏನು ಅಂತ ಅರ್ಥ ಮಾಡಿಕೊಳ್ಳದ ದಡ್ಡ ಸಿದ್ಧಾರ್ಥ. ಬರೀ ಕೊಲ್ಲುವುದೇ ಚಂದ್ರಿಕಾ ಜೀವನ.. ನಿಮ್ಮ ಧಾರಾವಾಹಿಯಿಂದ ಸಮಾಜಕ್ಕೆ ಸಿಗುತ್ತಿರುವ ಸಂದೇಶ ಸಾಕು'' ಅಂತಿದ್ದಾರೆ ವೀಕ್ಷಕರು.

ವಾಕರಿಕೆ ಬರುತ್ತಿದೆ.!

''ಅತಿಯಾದರೆ ಅಮೃತವೂ ವಿಷ'' ಎಂಬಂತೆ 'ಅಗ್ನಿಸಾಕ್ಷಿ' ಧಾರಾವಾಹಿ ಸಾಗುತ್ತಿರುವ ರೀತಿ ವೀಕ್ಷಕರಿಗೆ ವಾಕರಿಕೆ ತರಿಸುತ್ತಿದೆ. ಬೇಗ ಸೀರಿಯಲ್ ಮುಗಿಸಿ ಎಂದು ಕಲರ್ಸ್ ವಾಹಿನಿಯವರಿಗೆ ವೀಕ್ಷಕರು ಪರಿಪರಿಯಾಗಿ ಕೇಳಿಕೊಳ್ಳುತ್ತಿದ್ದಾರೆ.

ಮೊದಲು ನಿಲ್ಲಿಸಿ.!

''ಮೊದಲು ಈ ಧಾರಾವಾಹಿಯನ್ನು ನಿಲ್ಲಿಸಿ. ಸೀರಿಯಲ್ ಮುಂದಕ್ಕೆ ಹೋಗುತ್ತಲೇ ಇಲ್ಲ. ಹುಣ್ಣಿಮೆ ಇನ್ನೂ ಬರ್ತಾನೇ ಇಲ್ಲ ಅಂತಾವ್ರೆ ವೀಕ್ಷಕರು.

ಮನೆ ಹಾಳು ಮಾಡೋದು ಹೇಗೆ ಅಂತ ಕಲಿಯಬಹುದು.!

''ಈ ಸೀರಿಯಲ್ ನಲ್ಲಿ ಯಾವಾಗಲೂ ಚಂದ್ರಿಕಾರನ್ನೇ ಗೆಲ್ಲಿಸುತ್ತೀರಾ. ಈ ಧಾರಾವಾಹಿ ನೋಡಿದರೆ, ಒಂದು ಮನೆ ಹಾಳು ಮಾಡೋದು ಹೇಗೆ ಅಂತ ಕಲಿಯಬಹುದು. ಉದ್ಧಾರ ಅಂತೂ ಆಗಲ್ಲ'' ಅನ್ನೋದು ವೀಕ್ಷಕರ ಅಭಿಪ್ರಾಯ.

ಕಾಮೆಂಟ್ ಮಾಡಿ...

'ಅಗ್ನಿಸಾಕ್ಷಿ' ಧಾರಾವಾಹಿಯನ್ನು ನೀವು ನೋಡ್ತಿದ್ದೀರಾ.? ಈ ಸೀರಿಯಲ್ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ನಮಗೆ ತಿಳಿಸಿ.. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ..