ಟಾಪ್ ಗೇರಿದ ಕಲರ್ಸ್ ಕನ್ನಡ ಟಿ.ಆರ್.ಪಿ: ಎಲ್ಲ 'ಕಿರಿಕ್ ಪಾರ್ಟಿ' ಕರಾಮತ್ತು.!

By Harshitha

| Updated: Thursday, September 7, 2017, 13:24 [IST]

ಮನರಂಜನಾ ವಾಹಿನಿಗಳಂದ್ರೆ ಪ್ರತಿನಿತ್ಯ, ಪ್ರತಿ ಕ್ಷಣ ಮನರಂಜನೆ ನೀಡುತ್ತಲೇ ಇರಬೇಕು. ವೀಕ್ಷಕರಿಗೆ ಬಗೆ ಬಗೆಯ ಮನರಂಜನೆ ನೀಡಲು ಹತ್ತಾರು ಚಾನೆಲ್ ಗಳು ಹುಟ್ಟಿಕೊಂಡಿವೆ. ಎಂಟರ್ಟೇನ್ಮೆಂಟ್ ವಿಚಾರದಲ್ಲಿ ದಿನದಿಂದ ದಿನಕ್ಕೆ ಸ್ಪರ್ಧೆ ಕೂಡ ಹೆಚ್ಚಾಗುತ್ತಿದೆ. ಒಂದ್ಕಾಲದಲ್ಲಿ ಮನರಂಜನೆ ವಿಷಯದಲ್ಲಿ ಉದಯ ವಾಹಿನಿಯನ್ನ ಟಚ್ ಮಾಡಲು ಯಾರಿಂದಲೂ ಸಾಧ್ಯ ಆಗುತ್ತಿರಲಿಲ್ಲ. ಆದ್ರೀಗ, ಕಾಲ ಬದಲಾಗಿದೆ.

ಬ್ಲಾಕ್ ಬಸ್ಟರ್ ಸಿನಿಮಾಗಳು, ಹೊಸ ಹೊಸ ಧಾರಾವಾಹಿಗಳು, ವಿಭಿನ್ನ ರಿಯಾಲಿಟಿ ಶೋಗಳ ಮೂಲಕ ವೀಕ್ಷಕರನ್ನ ಸೆಳೆಯುತ್ತಿರುವ ಕಲರ್ಸ್ ಕನ್ನಡ ವಾಹಿನಿ ಸದ್ಯ ಟಿ.ಆರ್.ಪಿ ಎಂಬ ಮಹಾ ಯುದ್ಧದಲ್ಲಿ ಗೆಲುವಿನ ನಗೆ ಬೀರಿದೆ.

ಹಾಗೆ, ಟಿ.ಆರ್.ಪಿ ಯುದ್ಧದಲ್ಲಿ ಕಲರ್ಸ್ ಕನ್ನಡ ಜಯಶಾಲಿ ಆಗಲು ಮುಖ್ಯ ಕಾರಣ 'ಕಿರಿಕ್ ಪಾರ್ಟಿ' ಎಂಬುದು ಅಷ್ಟೇ ಸತ್ಯ. ಮುಂದೆ ಓದಿರಿ...

'ಕಲರ್ಸ್ ಕನ್ನಡ' ವೀಕ್ಷಕರ ಸಂಖ್ಯೆ ಹೆಚ್ಚಿಸಿದ 'ಕಿರಿಕ್ ಪಾರ್ಟಿ'

ಸ್ಯಾಂಡಲ್ ವುಡ್ ನಲ್ಲಿ ಹೊಸ ಸಂಚಲನ ಸೃಷ್ಟಿಸಿ, ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದ 'ಕಿರಿಕ್ ಪಾರ್ಟಿ' ಸಿನಿಮಾ ಕಲರ್ಸ್ ಕನ್ನಡ ವಾಹಿನಿಯ ವೀಕ್ಷಕರ ಸಂಖ್ಯೆಯನ್ನ ನಾಲ್ಕು ಪಟ್ಟು ಹೆಚ್ಚು ಮಾಡಿದೆ ಅಂದ್ರೆ ನೀವು ನಂಬಲೇಬೇಕು.

BARC ರಿಪೋರ್ಟ್ ನೋಡಿ...

'ಕಿರಿಕ್ ಪಾರ್ಟಿ' ಸಿನಿಮಾ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆದಾಗ ವೀಕ್ಷಕರ ಸಂಖ್ಯೆ ನಾಲ್ಕು ಪಟ್ಟು ಹೆಚ್ಚಾಗಿದೆ. ಅದಕ್ಕೆ ಸಾಕ್ಷಿ BARC INDIA ಪ್ರಕಟ ಮಾಡಿರುವ ಈ ರಿಪೋರ್ಟ್.

ಹಿಂದಿನ ನಾಲ್ಕು ವಾರಗಳಿಗೆ ಹೋಲಿಸಿದರೆ....

BARC INDIA ರಿಪೋರ್ಟ್ ಪ್ರಕಾರ, ಶನಿವಾರ ('ಕಿರಿಕ್ ಪಾರ್ಟಿ' ಸಿನಿಮಾ ಪ್ರಸಾರ ಆದ ದಿನ) ಸಂಜೆ 19:57 ರಿಂದ ರಾತ್ರಿ 23:37 ರವರೆಗೆ ಕಲರ್ಸ್ ಕನ್ನಡ ವಾಹಿನಿ 4645 Viewership ರೇಟಿಂಗ್ ದಾಖಲಿಸಿದೆ. ಅದರ ಹಿಂದಿನ ನಾಲ್ಕು ವಾರಗಳ ಸರಾಸರಿ Viewership ರೇಟಿಂಗ್ 1,182. ಅಲ್ಲಿಗೆ, 'ಕಿರಿಕ್ ಪಾರ್ಟಿ' ಕರಾಮತ್ತಿನಿಂದ ಕಲರ್ಸ್ ಕನ್ನಡ ವೀಕ್ಷಕರ ಸಂಖ್ಯೆ ಹೆಚ್ಚಾಗಿರುವುದು ಸ್ಪಷ್ಟ.