ರಾಮನಗರಕ್ಕೆ ಬಂದು ಕನ್ನಡದಲ್ಲಿ ಡೈಲಾಗ್ ಹೇಳಿದ ವಿಜಯ್ ಸೇತುಪತಿ

ನನಗೆ ಮಡಿಕೇರಿ ಬಹಳ ಇಷ್ಟ: ವಿಜಯ್ ಸೇತುಪತಿ

ನಂತರ ನಿಮಗೆ ಕರ್ನಾಟಕದ ಯಾವ ಸ್ಥಳ ಬಹಳ ಇಷ್ಟ ಎಂದು ಕೇಳಿದ್ದಕ್ಕೆ, ನನಗೆ ಮಡಿಕೇರಿ, ಕೂರ್ಗ್ ಪ್ರದೇಶ ಬಹಳ ಇಷ್ಟವಾಗುತ್ತದೆ. ನಾನು ಮೂರು ದಿನಗಳ ಕಾಲ ಆ ಭಾಗದಲ್ಲಿ ಚಿತ್ರೀಕರಣ ಮಾಡಿದ್ದೇನೆ ಆ ಭಾಗ ನನಗೆ ಬಹಳ ಇಷ್ಟವಾಯಿತು ಎಂದಿದ್ದಾರೆ. ಕನ್ನಡದಲ್ಲಿ ಕೇಳಿದ ಪ್ರಶ್ನೆಗಳನ್ನು ಇಂಗ್ಲೀಷ್‌ಗೆ ತರ್ಜುಮೆ ಮಾಡಲು ಯತ್ನಿಸಿದಾಗ, ''ಬೇಡ ನನಗೆ ಕನ್ನಡ ಅರ್ಥವಾಗುತ್ತದೆ'' ಎಂದರು ವಿಜಯ್.

ಇದೊಂದು ಅದ್ಭುತ ಅನುಭವ ಆಗಲಿದೆ: ವಿಜಯ್

ಇನ್ನು ಮಾಸ್ಟರ್ ಚೆಫ್‌ ಕಾರ್ಯಕ್ರಮದ ಬಗ್ಗೆ ಮಾತನಾಡಿದ ವಿಜಯ್ ಸೇತುಪತಿ, ''ಕಾರ್ಯಕ್ರಮದ ಸೆಟ್ ಶಂಕರ್ ಸಿನಿಮಾ ಸೆಟ್ ರೀತಿ ಅದ್ಧೂರಿಯಾಗಿದೆ. ನಾನು ಈ ಕಾರ್ಯಕ್ರಮದಲ್ಲಿ ಯಾವುದೇ ಸ್ಕ್ರಿಪ್ಟ್ ಇಲ್ಲದೆ ಕ್ಯಾಮೆರಾ ಮುಂದೆ ಮಾತನಾಡಲಿದ್ದೇನೆ. ಇದೊಂದು ಹೊಸ ರೀತಿಯ ಅದ್ಭುತ ಅನುಭವ ನನಗೆ. ಈ ಹಿಂದೆ 'ನಮ್ಮ ಊರ ಹೀರೋ' ಹೆಸರಿನ ಟಿವಿ ಶೋ ಮಾಡಿದಾಗ ನಾನು ಆತಂಕಗೊಂಡಿದ್ದೆ ಆದರೆ ಈ ಬಾರಿ ಹಾಗೆ ಇಲ್ಲ'' ಎಂದಿದ್ದಾರೆ ವಿಜಯ್ ಸೇತುಪತಿ.

ಆಹಾರ ಮತ್ತು ಆತ್ಮಕ್ಕೆ ಸಂಬಂಧಿಸಿದ ಕಾರ್ಯಕ್ರಮ: ವಿಜಯ್

ಮಾಸ್ಟರ್ ಚೆಫ್‌ನಲ್ಲಿ ಭಾಗವಿಸಲಿರುವ ಸ್ಪರ್ಧಿಗಳಿಗೆ ಕಿವಿಮಾತು ಹೇಳಿದ ವಿಜಯ್ ಸೇತುಪತಿ, ''ನೀವು ಇಲ್ಲಿ ಸಾಕಷ್ಟು ಮಾತನಾಡಬಹುದು ಎಂಜಾಯ್ ಮಾಡಬಹುದು ಆದರೆ ಅಡುಗೆ ಮಾಡುವ ವಿಷಯದಲ್ಲಿ ಗಂಭೀರವಾಗಿರಲೇ ಬೇಕಾಗುತ್ತದೆ. ಈ ಕಾರ್ಯಕ್ರಮ ಕೇವಲ ಆಹಾರದ ಕಾರ್ಯಕ್ರಮವಲ್ಲ ಜೊತೆಗೆ ಆತ್ಮದ ಕಾರ್ಯಕ್ರಮ ಸಹ'' ಎಂದಿದ್ದಾರೆ ವಿಜಯ್ ಸೇತುಪತಿ.

ಕನ್ನಡದಲ್ಲಿ ಸುದೀಪ್ ನಿರೂಪಣೆ

'ಮಾಸ್ಟರ್ ಚೆಫ್' ಕಾರ್ಯಕ್ರಮವು ಎಲ್ಲ ಭಾಷೆಗಳಲ್ಲಿ ಮಾಡಲಾಗುತ್ತಿದೆ. ಕನ್ನಡದಲ್ಲಿ ಸುದೀಪ್ ಈ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಮಲಯಾಳಂನಲ್ಲಿ ಪೃಥ್ವಿರಾಜ್ ಸುಕುಮಾರನ್ ಈ ಕಾರ್ಯಕ್ರಮದ ನಿರೂಪಕರಾಗಿದ್ದಾರೆ. ತಮನ್ನಾ, ವೆಂಕಟೇಶ್, ಹಿಂದಿಯಲ್ಲಿ ಅಕ್ಷಯ್ ಕುಮಾರ್ ನಿರೂಪಣೆ ಮಾಡಲಿದ್ದಾರೆ.