ಅತ್ತ ರಮೇಶ್, ಇತ್ತ ಪುನೀತ್ : ಪೈಪೋಟಿ ಜೊತೆ ಮನರಂಜನೆ

ನಾಲ್ಕನೇ ಸೀಸನ್ ಗಳು

ವಿಶೇಷ ಅಂದರೆ, ವೀಕೆಂಡ್ ವಿತ್ ರಮೇಶ್' ಹಾಗೂ 'ಕನ್ನಡದ ಕೋಟ್ಯಾಧಿಪತಿ' ಎರಡೂ ಕಾರ್ಯಕ್ರಮದ ನಾಲ್ಕನೇ ಸೀಸನ್ ಒಂದೇ ಸಮಯಕ್ಕೆ ಶುರು ಆಗುತ್ತಿದೆ. ಎರಡೂ ಕಾರ್ಯಕ್ರಮಗಳು ಬೇರೆ ಬೇರೆ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿದ್ದು, ಬೇರೆ ಬೇರೆ ವೀಕ್ಷಕ ಬಳಗ ಹೊಂದಿದೆ. ಹಾಗಾಗಿ ಪೈಪೋಟಿ ಇದ್ದೇ ಇದೆ.

ಪವರ್ ಸ್ಟಾರ್ ಕಮ್ ಬ್ಯಾಕ್

'ಕನ್ನಡದ ಕೋಟ್ಯಾಧಿಪತಿ' ಕಾರ್ಯಕ್ರಮಕ್ಕೆ ಮೊದಲು ನಿರೂಪಕನಾಗಿದ್ದು ಪುನೀತ್ ರಾಜ್ ಕುಮಾರ್. ಎರಡು ಸೀಸನ್ ಗಳನ್ನು ಮುಗಿಸಿದ್ದ ಪುನೀತ್ ಮೂರನೇ ಸೀಸನ್ ಗೆ ಆಂಕರ್ ಆಗಲಿಲ್ಲ. ಪವರ್ ಸ್ಟಾರ್ ಬದಲು ರಮೇಶ್ ಅರವಿಂದ್ ಕಾರ್ಯಕ್ರಮದ ಸಾರಥ್ಯ ವಹಿಸಿಕೊಂಡರು. ಆದರೆ, ಈಗ ಮತ್ತೆ ಪುನೀತ್ ಈ ಶೋಗೆ ಕಮ್ ಬ್ಯಾಕ್ ಮಾಡಿದ್ದಾರೆ.

ಇಡೀ ವಾರ ಪ್ರಸಾರ

'ಕನ್ನಡದ ಕೋಟ್ಯಾಧಿಪತಿ' ಕಾರ್ಯಕ್ರಮ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರಸಾರ ಆಗಲಿದೆ. 'ವೀಕೆಂಡ್ ವಿತ್ ರಮೇಶ್' ಶನಿವಾರ ಹಾಗೂ ಭಾನುವಾರ ಪ್ರಸಾರ ಆಗಲಿದೆ. ಕಿರುತೆರೆ ವೀಕ್ಷಕರು ವಾರ ಪೂರ್ತಿ ತಮ್ಮ ಮೆಚ್ಚಿನ ನಟರ ಕಾರ್ಯಕ್ರಮವನ್ನು ನೋಡಬಹುದಾಗಿದೆ.

ಯಾವಾಗ ಪ್ರಸಾರ?

'ಕನ್ನಡದ ಕೋಟ್ಯಾಧಿಪತಿ' ಕಾರ್ಯಕ್ರಮ ಪ್ರೋಮೋ ಈಗಾಗಲೇ ಬಿಡುಗಡೆಯಾಗಿದೆ. ಆದರೆ, ಕಾರ್ಯಕ್ರಮದ ಪ್ರಸಾರದ ದಿನಾಂಕ ಇನ್ನು ಬಹಿರಂಗ ಆಗಿಲ್ಲ. 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದ ತಯಾರಿಗಳು ಕೂಡ ಈಗಾಗಲೇ ನಡೆಯುತ್ತಿದೆ. ಇದೇ ತಿಂಗಳಿನಲ್ಲಿ ಕಾರ್ಯಕ್ರಮದ ಪ್ರಸಾರದ ದಿನಾಂಕ ನಿಗದಿ ಆಗಲಿದೆ.