Click it and Unblock the Notifications
ಈ ಪ್ರಶ್ನೆಗೆ ಉತ್ತರ ಕೊಟ್ಟರೆ 1 ಕೋಟಿ ಗೆಲ್ಲಲಿದ್ದಾರೆ 19 ವರ್ಷದ ಯುವಕ
Recommended Video
ಕನ್ನಡದ ಕೋಟ್ಯಧಿಪತಿ ನಾಲ್ಕನೇ ಆವೃತ್ತಿ ಕುತೂಹಲವಾಗಿ ಸಾಗುತ್ತಿದೆ. ಕನ್ನಡದಲ್ಲಿ ಒಂದು ಕೋಟಿ ಪ್ರಶ್ನೆಯ ಸನಿಹಕ್ಕೆ ಸದ್ಯಕ್ಕೆ ಯಾರೂ ಬಂದಿಲ್ಲ. ಆದರೆ ಹಿಂದಿಯ ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮದಲ್ಲಿ ಒಂದು ಕೋಟಿ ಗೆಲ್ಲುವ ಹಂತಕ್ಕೆ ಸ್ಪರ್ಧಿಯೊಬ್ಬ ಬಂದು ನಿಂತಿದ್ದಾನೆ.
ಹೌದು, 50 ಲಕ್ಷ ಗೆದ್ದುಕೊಂಡಿರುವ ಉತ್ತರ ಪ್ರದೇಶದ ಯುವಕ ಹಿಮಾಂಶು ಈಗ ಒಂದು ಕೋಟಿ ಗೆಲ್ಲುವ ಹಾದಿಯಲ್ಲಿದ್ದಾರೆ. ನಿನ್ನೆಯ ಆಟದಲ್ಲಿ ಹದಿನಾಲ್ಕು ಪ್ರಶ್ನೆಗಳಿಗೆ ಸರಿ ಉತ್ತರ ನೀಡಿ ಅಚ್ಚರಿ ನೀಡಿದ್ದ ಹಿಮಾಂಶು ಈಗ ಹದಿನೈದನೇ ಪ್ರಶ್ನೆಗೆ ಉತ್ತರಿಸಲು ತಯಾರಾಗಿದ್ದಾನೆ.
ಅಚ್ಚರಿ ಅಂದ್ರೆ ಹಿಮಾಂಶು ಎದುರಿಸಿದ ಮೊದಲನೇ ಪ್ರಶ್ನೆಗೆ ಲೈಫ್ ಲೈನ್ ಬಳಸಿಕೊಂಡಿದ್ದರು. ಈಗ ಹಿಮಾಂಶು ಬಳಿ ಯಾವುದೇ ಲೈಫ್ ಲೈನ್ ಇಲ್ಲ. ಆದರೂ ಕೋಟಿ ಗೆಲ್ಲುವ ಭರವಸೆ ಹುಟ್ಟಿಕೊಂಡಿದೆ. ಅಷ್ಟಕ್ಕೂ, ಹಿಮಾಂಶು ಆಟ ಹೇಗಿತ್ತು? ಮುಂದೆ ಓದಿ....
ಒಟ್ಟಾರೆ ಬಹುಮಾನ ಎಷ್ಟು?
ಕೌನ್ ಬನೇಗಾ ಕರೋಡ್ ಪತಿ 11ನೇ ಆವೃತ್ತಿಯ ಒಟ್ಟಾರೆ ಬಹುಮಾನದ ಮೊತ್ತ 7 ಕೋಟಿ. ಕಳೆದ ಐದು ಆವೃತ್ತಿಗಳಿಂದ ಬಹುಮಾನದ ಮೊತ್ತ ಏಳು ಕೋಟಿ ನಿಗದಿ ಮಾಡಲಾಗಿದೆ. 2013, 2014, 2017, 2018 ಹಾಗೂ 2019ನೇ ವರ್ಷವೂ 7 ಕೋಟಿ ಅಂತಿಮ ಮೊತ್ತ.
ಹಿಮಾಂಶು ಎದುರು ಎರಡು ಪ್ರಶ್ನೆ
ಉತ್ತರ ಪ್ರದೇಶದ 19 ವರ್ಷದ ಯುವಕ ಹದಿನಾಲ್ಕು ಪ್ರಶ್ನೆಗಳಿಗೆ ಸರಿ ಉತ್ತರ ನೀಡಿ 50 ಲಕ್ಷ ಗೆದ್ದಿದ್ದಾನೆ. ಈಗ ಇನ್ನು ಎರಡು ಪ್ರಶ್ನೆ ಬಾಕಿಯಿದೆ. ಹದಿನೈದನೇ ಪ್ರಶ್ನೆ ಉತ್ತರ ಕೊಟ್ಟರೆ 1 ಕೋಟಿ ಮತ್ತು ಹದಿನಾರನೇ ಪ್ರಶ್ನೆಗೆ ಸರಿ ಉತ್ತರ ಕೊಟ್ಟರೆ 7 ಕೋಟಿ ಸಿಗಲಿದೆ.
ಹೆಚ್ಚು ಹಣ ಗಳಿಸಿರುವವರ ಪಟ್ಟಿ
ಹರ್ಷವರ್ಧನ್ ನವತೆ ಮೊದಲ, ವಿಜಯ್ ರೌಲ್ ಮತ್ತು ಅರುಂಧತಿ, ರವಿ ಮೋಹನ್ ಸೈನಿ ಒಂದು ಕೋಟಿ ಗೆದ್ದಿದ್ದರು. ಸುಶೀಲ್ ಕುಮಾರ್ 5 ಕೋಟಿ ಗೆದ್ದಿದ್ದರು. ಸನ್ಮಿತ್ ಕೌರ್ 5 ಕೋಟಿ ಗಳಿಸಿದ್ದರು. ಅಚೀನ್ ಮತ್ತು ಸಾರ್ಥಕ್ ನರುಲಾ 7 ಕೋಟಿ ಗೆದ್ದಿದ್ದರು.
ದಾಖಲೆ ಬರೆಯುತ್ತಾರಾ ಹಿಮಾಂಶು
'ಕೌನ್ ಬನೇಗಾ ಕರೋಡ್ ಪತಿ' ಇತಿಹಾಸದಲ್ಲಿ ಇದುವರೆಗೂ ಏಳು ಕೋಟಿ ಗೆದ್ದಿರುವುದು ಒಬ್ಬರೆ. ಇದೀಗ, ಹಿಮಾಂಶು ಅವರು ಕೇವಲ ಎರಡು ಪ್ರಶ್ನೆಯ ಹಿಂದಿದ್ದಾರೆ. ಒಂದು ಪ್ರಶ್ನೆಗೆ ಸರಿ ಉತ್ತರ ಕೊಟ್ಟರೆ ಒಂದು ಕೋಟಿ, ಎರಡು ಪ್ರಶ್ನೆಗೆ ಸರಿ ಉತ್ತರ ಕೊಟ್ಟರೆ ಏಳು ಕೋಟಿ ಗಳಿಸಲಿದ್ದಾರೆ. ಇಂದು ಕಾರ್ಯಕ್ರಮ ಮುಂದುವರೆಯಲಿದೆ.
Continue with Google